الله يحفظك يا اخي ويديم عليك وعلى بيتك السعاده
انا قصدي انه زوجي غلبك بالمحبه والغرام
هذا هو قصدي

اختي جنة الدنيا

في موضوعك السابق وبعد أن "انقلبوا" عليك بعض الحريم زعلت وعصبت وطالبت باغلاق الموضوع !!

اولاً انا مازعلت والله ولاعصبت على احد وثانياً اتقبل أي رأي آخر بس انا حر في انتقادة هذا ما أسمه معارضه بعدين موضوعي السابق وأنا مازعلت على أحد ولا على الحريم الله لايجيب الزعل بيني وبين احد نهائياً وانا كتبت فيه ارجو عدم التطرق للزوجه الثانية ومافيه احد سمع الكلام واخذ الموضوع محور آخر غير لب الموضوع فلهذا طلبت بإغلاق الموضوع فقط من الإدارة مشكورين.

والآن بعد أن أبديت وجهة نظر لاتعجبك تندمت إنك كتبت الموضوع !!!

انا ماتندمت قد ما أنا مبسوط من ان حياة الأعضاء في المنتدى فيها حياة رومنسية مع ازواجهم ولاتقتصر الحياة الزوجيه على المشاكل والحلول فقط فيها سكرات غريبه لايستطيع الشخص ان يصفها مهما كان معبر. بعدين لاتنسين ان الصيام يقفل المخ شوي فيتكلم الواحد بنرفزة مقيده في بعض الأحيان ولكن بعد الفطور زي هذا الوقت اقولك مشكوره على كل طرح ونقد بروزتيه في الموضوع.

أنا قلت إنك توك عريس لأنها زوجتك الثانية والمدة اللي قعدتها معها تقريبا 5شهور بس !!

حتى لو بعد عشر سنين انا توني عريس ليه احط اليأس في نفسي واصاب بالملل منها لا بالعكس انا توني عريس وإلى الأبد طالما الزوجه فيها حياة تجعل الزوج يحس كل يوم بأنه عريس.

و بـ "العرف" يقالكم عرسان ..

الله يديم هذا العرف عليك وعلى الناس كلها وخلوكم معاي كذا حتى بعد عشرين سنة قولوا لي عريس ترا انبسسسسسسسسسسسط منها.


وأُغلق الموضوع بالرغم من روعته ...


احب اقولك يا أختي ان هذا المنتدى للجميع وإذا لكم رغبة افتح الموضوع السابق من الإدارة طلبت منهم ينزلونه من جديد مشكورين.

بعدين يا أختي الكريمه مايحتاج اعتذار ولكن من طيب اخلاقك تعتذرين انا رجعت اقلب في ردودك كلها مالقيت شي يزعل منك.

تحياتي للجميع

وهذي هي المشكلة !!

ولو تشوف إني قيدت اعتذاري بـ "لو كنت غلطت عليك" لأني ماأحب أعتذر وأنا ماغلطت، والحمدلله إنك

مالقيت شي يزعل ..

وأنصحك لعد ترد إلا عقب الفطور ....

ريشة فنان

انا مجتهد وكلامي يحتمل الصواب والخطاء ولست فيلسوف او متخصص في عالم الحياة الزوجيه ولكن لعلي اوفق ان شاء الله.

الغيرة موجودة ولكن لاتكون مبالغ فيها لأنها تصبح مزعجه جداً وليس فيها نظرة دونيه لأحد الطرفين يعني بمعنى آخر ان زوجك لاينظر لك نظره دونيه بغيرتك عليه والعكس كذلك. لكن قد يتراود لنفسك عند غيرتك على زوجك بأنك ناقصه أو هو ناقص عند غيرته عليك هذا معنى الغيرة بأنه وجد شي لدى غيرك ليس لديك او انتي وجدتي شي لدى الغير ليس في زوجك والكمال لوجه الله عز وجل.

اما قصة يخجل فقصدي منها انه يتمنى ان لايكون وضع نفسه في مكان الإنتقاد لعدم رغبته على ملاحظة زوجته له وتجدينه يتعدل بسرعه مو قصة انه يخجل منها وتوصل السالفة إلى الطلاق. هل الزوج يدعي الكمال كذاب ، هل الزوج منزهه كذاب ، هل الزوج لاينتقد كذاب ، هل الزوج معصوم من الأخطاء كذاب ، كما انك اختي فيك اشياء تنتقد وزوجك فيه اشياء تنتقد امور لايرغبه احد الطرفان في الآخر بس هنا ملاحظه حطيها نصب عينك.

الكل يحب الإنتقاد البناء ويكره الإنتقاد اللاذع.

والله يوفقك يارب

شوفي للمعلوميه زوجتي الأوله اصغر من زوجتي الثانية بثلاث سنوات ولو زوجتي الثانية بنفس هذي المواصفات والطباع وأكبر مني بسنين مو ست سنوات ايوه احبها ليه اكذب على نفسي.

شكرا جزيلا ريحت قلبي لان زوجي يحبني وانا نفس الشي لكن دايما ابكي واقوله لوكنت اصغر منك كان حبيتني اكثر ودللتني لان الرجال ما يحبون الا صغار السن وخليت حياته مره بنظرة الدونيه اللي انظرها لنفسي الله يرده قول امين وتوبه ما جيب سيرة العمر

ريشة فنان

انتبهي على زوجك وعلى حالك وانظري إلى الحياة بتفائل لاتتشائمين ابداً وحاولي توظفين الأشياء اللي حولك في مصلحتك ومصلحة حياتك مع زوجك بالعكس كبر السن في الزوجه مايزيدها إلا عقل ورزانه ومايزعلها اي شي وتناظر إلى الحياة الزوجيه بمفهوم شامل كل النواحي الإجتماعية والمادية والنفسيه والدنيوه ويكون عندهم بعد نظر بعكس الصغار مع احترامي لهم ينظرون لها حب وبس مع انه الحب جزء من الحياة الزوجيه وهم يغلبون الكبار فيه بس برضه يتعبون جداً.

جزاك الله خير على انك استحملت اسئلتي وعلى اهتمامك الله يوفقك بس بعد لا تزال عندي اسئله بس طبعا بعدين اذا ما تضايقك الاسئله

ماعندي مشكله بس أخاف الأعضاء يتضايقون قالبينها محادثه