الواضح أن بينك وبينها فرق كبيــــــــــــــــــر جداً في العادات والتربية .. لا أقول أن هناك من هو أفضل من الآخر ولكن هناك اختلاف قويّ جداً ...
ومع احترامي لك ولعاداتك فأنا من نفس منطقتك وأعتقد أنك متشدد جداً .. وأظن أن مارأيته في الفتاة أقل وطأً مما حكيته لنا .. ولكن الشيطان زيّن لك أكثر .. خاصة أنك تعرف من الذي ربى الفتاة .. وأنها قريبة لك ..
وغير ذلك واضح على الفتاة أنها صغيرة في السن .. لأنها تقول كلام مبالغ فيه لايجب أن يقال للزوج .. تريد منه شيء كغيرة منك مثلاً ... وأنت تفهمه شيءٌ آخر ..
فأنا مثل زوجتك لي خروجي الكثير وطبعاً لمستلزمات معينة .. ومتفتحة على العالم وأعلم النساء أنواع وفئات كثيرة .. ولي علم بالصواب والخطأ ومتمسكة بالدين المستقيم والحمدالله ..فليس كل إمرأة منقبة هي متبرجة وإن كانت تخاطب البائع أو مدير مدرسة ولدها_ بكل حزم وعدم لين في القول_ لاستفسارات فهذه ليست جرأة .. بل هناك بعض النساء لا يحبون الاعتماد على الزوج بشكل كلي .. ولهم شخصية قوية تخدم المجتمع بشكل عام والعائلة بشكل خاص ..
زوجي كان مثلك وأشد منك .. وكان الحل .. إما أن أطيعه .. على مالم أتعود عليه ..وأعذّب نفسي على مالا يعود علينا بفائدة أو أن يوسّع مداركه قليلاً ويثق بزوجته التي هي عماد الحياة الزوجية السعيدة ..

يجب أن تعالج مشكلتك قبل الزواج بجدية ... وفقك الله

__________________
naj

ياااخوي الله يهدييك اذا بتبدا حياتك بالشك فاعرف انك لم نستمر لا معها ولا مع غيرها

يعني بنت ابوها مهديها جوال وفرحانه فيه واتصلت عليها ولقيت انتظار ضروري تكون تكلم رجال ؟؟

اكيد تكلم صديقاتها وقريباتها لانها فرحانه بالجوال الجديد وحتى لو مو جديد مو معقوله انك تشك على طول لمجرد انك لقيت انتظار؟؟


هذا اولا

ثانيا البنت تروح مع امها السوق دايما اذا هي مع امها معناها مافي خوف عليها واهلها مهتمين فيها

وكمان انها متعوده تطلع دايما للسوق فهي معتاده على سؤال البايع عن الاسعار والاغراض

وبالنسبه لي اذا البنت ما تطلع الا مع امها وما تتكلم مع البايع الا في مضمون البضاعه فهذا عادي جدا ومؤدب جدا
ويابختك فيها مشالله عليك

قبل كل شي حط في بالك انها مراهقه وصغيره وتحاول انها تشد انتبااهك باي شي خصوصا لما كانت ترسل مسجات عتاب

بعدين قالت لك الشباب وراي زي النمل
لو قصدها شي قليل ادب كان ما قالت لك اساسا

لكن هي قالت لك لمجرد تستثير غيرتك وتحس بحبك

البنات يستعملون اساليب عشان يوصلون لشي معين والرجال يفهمونهم غلط

هذي مصيبه فرق العمر والتفكير والجنس

الله يوفقكم وانا انصحك انك تتمسك فيها لانكم تحبون بعض وانا ما اشوف عليها اي شي


مع تحياتي

ماعرف شو أقول..بس هي مراهقة والله..وش اللي غيرها؟؟ولا يمكن انته ماانك عارفها زين ..او تسمع من حد انوو لازم تكون جريئة معاك...وكذا..
ماعرف ..بس حرام الطلاق..تناقشو وتصارحو وقلها بنيتك....وبس ..عادي..خذ الموضوع بسهالة ...حرام تظلمها بعدييين
ربي يوفقكم ويسعدكم

__________________





يارب ارزقني العمرة في هذا العام وكل عام

ادعولي أنا وصاحبتي نسافر العمرة هالسنة

كان الله في عونك
عارف انها مو سهله عليك
لكن عندي راي
قول لها روحي انتي وامك للسوق الفلاني وراح تلاقيني هناك يعني عطها خبر انك بتكون هناك
وشوف بنفسك إذا انها غيرت لبسها وطريقة كلامها إلى محتشم بالمره هنا ماأظلم البنت لكن معك حق انك تعيد التفكير من جديد
أما إذا كان لبسها فيه شوي زينه ولاغيرته وطريقة كلامها مع البائعين رغم وجودك فربما انو شي تعودت عليه واما ماعلمتها كيف اللبس والتصرف في وجود الاجانب وهنا دورك انت تعلمها
الانسان ماانولد وهو يعرف كل شئ مو عيب ان البنت تجهل بعض الامور وكذلك الشاب مو عالم زمانه
انت علمها وهي تعلمك وهكذا
الله يوفقك انت وخطيبتك وجميع المسلمين

أعجبني أسلوبك بالكلام استشفيت انك رزين وعاقل

أخي أوقف الوساوس الشيطانيه
ياأما صارحها واسألها ولا فيها شئ خطأ
أو استعذ بالله من الشيطان الرجيم وفي كلا الحالتين نعوذ بالله من الشيطان الرجيم

حرام عليك انت انسان شكاك والله يعين الي بتاخذك اخي وش دراك انها هي نفسها الي شفتها بالسوق سئلتها كلمتها


بوقتها في السوق يااخي لاتقول تشبهها او نفس الصوت اخي الشيطان هل حين هذي لعبته يقوم يخيلك تقول صوتها


كانه صوت زوجتي زوجتك على نياتها وتتكلم على سجيتها يوم قالت الشباب على مثل النمل والله مسكينه وضعيفه تبي


توريك انها زينه وكل يتمنها صغيرة وعقلها على قدها اما المكالمات اخي يمكن تكلم صديقاتها زي ماقالت وعموما طلع جوال


باسمك لها وش اللارقام وقارنها بارقانها بعدين وهي ماتدري وانصحك لاتتبع خطوات الشيطان

اخي الي تعاني منه مرض نفسي زوجي كان يعاني منه لدرجه انه قام يتخيل وهل حين انفصلت عنه اخي هذي خطوات


الشيطان لاتتبعها وخاف الله في بنت الناس

لاحول ولاقوة الا بالله اخوي لاتنسى انك ماخذ مراهقه والصراحه الحق عليك من البدايه انت كنت تتصل مره اوثنتين تبي غزل ودلع هذي بنت لكن لاتسوي اي خطوه غير لما تتأكد
الله يهديها

ماشاء الله الأعضاء وفوا وكفوا

بس ودي أقول لك مبروووووووووك والله يوفقكم ويسعدكم ويهنيكم يارب

:14::14::14:

صدقني بداية حياتك يمكن تكون شوي صعبة زي أي زوجين

بحكم إختلاف الطباع والشخصيات

يبي لك وقت عشان تفهم شخصيتها وبذيك اللحظة راح تنقهر من التفكير اللي إنت تعيشه الآن

وهي نفسى الشي يبي لها وقت عشان تفهم شخصيتك وتتعود عليك

وعلى فكرة لو كانت البنت قاعده تسوي شي خطأ مسنحيل تقول لك عن طلعاتها ووين بالضبط ؟

الله يوفقكم

ويسعدكم

ويهنيكم

__________________

	الحمد لله على كل حال

بإذن الله كل شي يجي بالسياسة والكلام الحلو والمعاملة الحسنة خصوصا مع الحريم

أهم شي يا خي لا تستعجل النتائج

ولا تخلي الشيطان يضحك عليك ويفرق بينكم

وكما يقول سبحانه: (يا أيها الذين آمنوا اجتنبوا كثيراً من الظن إن بعض الظن إثم)


عليك بالدعاء إن البنت تحبك وإنها تتغير للأحسن وعليك كذلك بالصدقة


أسأل الله يقربكم من بعض ويعينكم على طاعته إنه سميع مجيب

ناقشها الاول وكلمها بالحسنى واذا زادت في عنادها هي الخسرانة وماينبكي عليها