كيف تبيي أجلس معاها وهي طاردتني قدام أمها ؟؟

بل كيف يكون لها عين تجلس معاي وهي طاردتني من بيت أهلها أمام أمها ؟؟؟


زوجتي معصي تعترف بغلطها ..

في جلسة حوار كتابي هادئ بيني وبينها قلت لها :

أنا ما أشك في حبك لي بس ليش أشوف منك بعض التصرفات اللي تتعارض مع الحب .

قالت : والله بس اسوي شيء أحسه يضايقك أندم عليه بس ما أقدر أتراجع عنه ما أدري ليش.

قلت لها كيف ما تقدري تتراجعي ؟

تقول : قلت لك الشعور بس ما أقدر أشرحه أو أقول سببه .

قلت : لو أفهم هالشعور أحسن عشان أفهمك.

قالت : قلت لك ودي أرضيك بس مو عارفه كيف يعني ما أبي أدوس على نفسي في نفس الوقت .

طبعاً هذا الحوار بالنص .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ

لو زوجتي من النوع اللي يعترف بأخطائه كان عادي جلست معها وأخوها ..



"

رغم اني مااحب اشارك في مثل هذه المواضيع إلا اني أجبرت نفسي على الكتابة ,,

زوجتك فيها صفة العنــــــــــاد .. وطبيعة البيئة اللي تربت فيها ووضعها حسب ماذكرت انها يتيمه الأب جعل كل من حولها يعودوها انه كلمتها تمشي واللي تريده يتنفذ .. وهالشي بالتأكيد مستحيل يكون في بيت الزوج

هي مو مستوعبة هالشي وتتوقع انه الدلال اللي كان في بيت اهلها وكلمتها الماشية وانه الكل يبي بس رضاها وكلمتها هي العليا رح تلقيه نفسه ببيت الزوج ,,

انصدمت واهتز كيانها لما قلتلها جملتك انه " 15- قلت لها لو يجتمعوا أهلك كلهم ( قصدي خواتها ) عشان يفرقوا أختي وزوجها ما راح يقدروا ."


كييييييييييييييف شي هي تريده ما يصير ..

يبدو لي زوجتك غيووووووووره جدا من وضع واستقرار اختك .. وانها قدرت تتملك زوجها طبعا بالأدب والاحترام .,

فكانت تحاول تشعلل مشاكل بين العيلتين حتى المخطط اللي براسها يصير وهو التفرقه بين اختك وزوجها ,,

رأيي ,, بغض النظر عن كل ماسبق اعلاه

لازم زوجتك تحس بالاهمال من طرفك ,, " لعل " مخها يرجع لها وكبرياءها شوي يتحجم .. لانه واضح جدا انها ماخذه بنفسها مقلب وانك مستحيييييييل تتخلى عنها ,,

دعها حتى يطيح اللي براسها ,, وأهـــــــــم نقطة ارضي والديك ,, وخلي بنتك عندك .. واتركها حتى تحاسب نفسها وترجع لعقلها ,, واتمنى انها تكون من النوعية اللي لما تحس بالاهمال تحاسب نفسها مو تزيد عناد وكبرياء ,,

والله يهدي بالك ويسخرلك كل خير

__________________

اخخخخخخ
اسمح لي أقول لك يا أخوي : جاء وقت اللكاعه؟
باختصار, خل عنك عبارات : ربيها, أدبها , وقحه, ماتحترمك,أهانتك ,البنت مثل الخيل ،، والخيل من خيالها والنار من شبابها,......؟
خل قدوتك الرسول صلى الله عليه وسلم وهديه مع زوجاته,فلقد صبر نبي الله على (اهانة) عائشه له في حديث القصعه المشهور و ولم يقل: هذي اهانه؟ ومن هو؟ انه سيد الثقلين, وكان عليه الصلاة والسلام هيّنًا لينًا مع أزواجه، يحرص على تحقيق ما يرغبنه, فهو (ملك) الرومانسيه بأبي هو وأمي؟
بأختصار شوية لكاعه وتجيب الذيب من ذيله, ههههههااي؟
يعني رد عليها برساله على رسالتها الأخيره وقل : ألحين عرفت غلاي عندك؟ خخخخ
أو علق على موضوع رمي الصور وأنه وقع عليك كالصاعقه وأنك قعدت تصيح الليل كله من ألم الخيانه.
تأكد أن المرأة جنس حساس جدا,تنازل مرة ومرتين وثلاث وعشر وعشرين وكلما رأيت أن من المصلحة ذلك.
بس في نفس الوقت خلك متمسك بشرط الأعتذار؟
المسج اللي بيوصلها: أنت تحبها وشاريها بس اللي سوته فيك شي كبير وفوق طاقتك!
إلعب على وتر الظلم و على عاطفه المرأه, ولا تسفه أي تصرف تسويه, صدقني انها جلست تخطط على صياغة رسايلها ساعات؟
وفي الأخير تطنشها؟
ولنفرض انها دقت عليك وقالت تعال خذني خلاص انت دقيت خشمي وأنا استسلم؟ هل تتصور انك راح تعيش انت واياها في أجواء رومانسيه, هل تتصور انها راح تحبك بجنون؟
في المقابل لو تبادلت أنت وياها كم رساله, لعبت أنت فيها دور الضحيه وهي الجلاد؟ ودور المظلوم وهي الظالمه؟
ودور العاشق وهي الخاينه؟ راح يتغير مسار القضيه الى رسايل رومانسيه وحب و وله وتأنيب ضمير؟
وترجع أنت واياها لبيتك وفي قلبها شعور بالأخلاص لك ورد الجميل.

توكل على الله وإرم الطعم ثم انقض على فريستك على مضض فلذلك متعة لاتضاهى؟ اخخخخ
اسأل ناس جربت, وشيبت, ولكعتها الدنيا!
وزي ما قلت لك خل قدوتك محمد عليه الصلاة والسلام, ولاتطير في العجة؟
اتق الله في زوجتك وراعي مشاعرها ولاتنتقم وخل قلبك أبيض

لدي الكثير والكثير وفي فمي ماء لكن قلت بعض ما أريد وأخفيت كثيراً مما أريد لعلك تفهم أيها اللبيب فما أريد إلا الاصلاح ما استطعت

أختم بما قال هتلر : لاكرامة في(الحب) ولا في الحرب

قلبي يا الحنون أشكرك كثيرا على حماسك ....ورأيك فيه ما فيه من الصواب ولكن مع زوجتي لا ينفع .

استخدمت هذا الأسلوب سابقاً ....لم ينفعني.

هي تفهمه بطريقة أخرى ,,


وثانياً : أنا ترا مو هدفي أن أحنا نرجع مع بعض هذا سهل جداً جداً .

أنا هدفي أني أكسر كبريائها اللي تستخدمه بطريقة غير صحيحة أولاً...........بعدين نرجع مع بعض لنعيش بسلام..

والله العظيم إني أحترمها ...أحترم مشاعرها .....بس هي مفاهيمها ما أدري كيف ؟؟


وبعدين كيف تبيني أرجعها بالطريقة اللي قلتي وهي طردتها لي كانت أمام أمها التي أقرت على ذلك.....وأهلها يدروون أنها طردتني ؟؟

مافي دخان بلا نار

ابحث عن مكامن الشرر وأطفئها لئلا تعود للإشتعال ثانية

هدى الله الجميع

__________________
حسبي الله ونعم الوكيل

بارك الله فيك أختي ....مداخلتك وتحليلك كانا رائعين.


فشكراً لك.

قرأت الموضوع على عجالة ..


وأقول لك بإختصار :


أحب زوجتك ,, تعشقك ..


وبطريقتك أنت لا بطريقة غيرك .. لكل رجل أسلوب مميز لا يتقنه غيره ..


أفعل ماتراه مناسب ..

__________________
( " هُناك يَ حُلوتِي سنلتقي لأمْسحَ دمْعةً أرْهَقتْ عيْنيكِ و أخْفت بَريق وجْنتيكِ هُناك فِي رِياضِ
لا يُعكر صَفوها الأحزان و لا ننْطِق بِها سِوى حرُوف الفَرحْ هُناكَ في الجَنة أيَا حُلْوتي :")

اخي الفاضل ....انت استخرت قبل تتزوجها؟؟؟
انا ارى انك تستخير ....كثيراً بقلب حاضر لان الاستخاره دعاء والله لايقبل من قلب غافل ردده بيقين ورجاء وتوكل على الله لانه هو علام الغيوب ويعلم ان كان استمرارك معها خير لكما ام شر ويصرفه ويبدلك بخيرا منها ...
اخي الفاضل تصرفات زوجتك لا يختلف اثنان على خطئها ولكن المصيبه من سكوت امها وعدم تصحيح خطء ابنتها من الشكوه الدائمه امام الزوج لها بالهاتف او تركها منزلها او طردها لابو بنتها واعطائه بنتها!!!!
يعني لو قلنا الزوجه جاهله بالحياه الزوجيه طيب وامها ؟؟؟كيف تقبل هذي التصرفات!
كيف تشجع بنتها على التمادي بهذا الشكل وادخال مشاكل زوجت اخيها بينها وبين زوجها بصراحه الموضوع
يبيله وقفه قويه لان المثل يقول(اذا كان رب البيت بالدف ضارب فما شيمت اهل البيت الا ان يرقصوا)
اذا كان هذي عقليت الام ولا ترا ان ابنتها غلطانه فاعمر البنت ماراح تتغير ....
انا ارى انك تستخير ولا تخاف على بنتك احيانا يكون الانفصال ارحم من تحطم نفسيت الطفل يوميا على مشاكل بين والديه وصراخ وانفصال بالاسابيع فكر واستخير واتخذ قرارك .....اسأل الله ان ييسر امرك ويفرج همك.

نقطه اخره حبيت اضيفها زوجتك لابد ان تفهم جيدا ان هناك خطوط حمراء لاتتجاوزها
1منها احترام والدتك ...لاتغلط عليها مهما حدث...
2احترام والدك واحترام وجوده ...وكان المفروض تسلم على خواتك دام والديك وخاصه والدك موجود احترام لوجوده
3تحترم وجودك ولاتتعدا عليك بطرد او اقوال او غيره لابد من وضع خطوط لانفعالها
الان هي طردتك ورمت بنتها وانت ماغلطت عليها!! اجل لو تغلط عليها او تضربها ايش تسوي؟؟؟؟؟!!!
لابد ان تتعلم الادب واحترام الكبير وضبط الانفعال وان لكل مقام مقال .
ونصيحه لاتسمح لزوجتك بالغلط او التجاوز او حتى الانفعال امام والدتك او والدك احترام لهم وتقدير ولاتقول مابي ادخل انا معك لاتدخل بمشاكل الحريم لكن امك وابوك لاتسمح الاحد يرفع صوته بوجودهم حتى ربي يوفقك في حياتك.

شكراً أختي الكريمة رياح القدر ...

قرأت قصتك .....ولقد استلهمت منها دروساً كثيرة في مختلف مناحي الحياة .

أعجبتني نظرتك لبعض الأمور .....

فهلا تفضلتي علي بنظرة أخرى لموضوعي ....وتكرمتي علي بوجهة نظرك الخاصة.

مشاركاتي الأخيرة ( من المشاركة رقم 74 ) تلخص الموضوع ...وتعطي صورة واضحة عن طبيعة العلاقة بيني وبينها .

تحياتي.