السلام عليكم..

اشلونكم شخباركم

الموضوع موب مهم لدرجه كبيره بس بنسبه لي وايد افكر فيه لوووول ويمكن تعتبرونه موضوع غباء بس محيرني اشوي.. مادري كل البنات جذي ولا بس انا... يعني انا احب اهتم بنفسي لدرجه كبيره ودائما تلاقوني عند المنظرا وكل مره اكون عند المنظرا اخووووووي يجوفني يقعد يضحك عليي ويتتطنز عليي ويقول لي تضيعت وقت ولا مره يقول وسواس ولا مره يقول انا مستحيل اخذ بنت مثلج كليوم خلطه وكليوم طلعه واي شي تسمعينه بالمنتديات جربتينه عليج ولا يقول انا اخذ وحده مثلج علشان تنساني مع خلطاتها وعنايتها بنفسها..

بصراحه كلام اخوي خوفني قام يقول لي وسواس ولا يقول محد يبي يتزوج وحده جذي 24 ساعه يم المنظرا قمت قطعت هالسوالف لمده بسيطه بس بس لا اراديا بدون ماحس بنفسي قمت رجعت مثل قبل على الخلطات وعلى التعدل والتزقرت حاول يعني اخفف ماقدر .. وسؤالي كل البنات جذي؟؟؟؟ ولا بس انا؟؟؟؟؟؟؟؟ يعني هل هو صح وسواس ؟؟؟ ولا شي طبيعي؟؟؟؟؟؟؟؟؟ وصج مثل ما يقول اخوي الرياييل ما يحبون وحده جذي؟؟؟؟؟ ولا بس كلام علشان يقهرني؟؟؟؟


وشكرا ابي ردودكم..

باي

__________________
(( مــــــنامية والـــــدلع أسمــــــي&&منـــــامية وأفتـــخر بأصلــي))
((بــــنت المنـــامة حــلوة مدللــة&& تمشـــــي بــراحة ومو مستعيــلة ))

بتهيالي عادي ..
يعني كريم الليل وكريم النهار
وكريم الشمس ..
ولوسيون
كلها تحتاج مرايا ..

غير الشعر ..

ورؤية المستجدات


بس الشباب والله صاروا
بينافسونا

يعني ولا يهمك




بس إنتِ كمان مو طول اليوووووم

يعني ساعة وساعة

انا بالنسبه لي اقولك خير الامور اوسطها ... وبالنسبه للرييايل فهم يحبون الي تهتم بنفسها وتكون دايما متزينه بس اكيد هذا الشي ما ياخذ كل وقتها واهتمامها وتبدي على بيتها وزوجها .. وربنا يوفقك واذا انت 24 ساعه تناظرين نفسك وتعملي خلطات خليهم 12 ساعه في اشياء كثير اهم تقومين بيها ...

من راى ان احب البنت تهتم بنفسها بس اسمحى لى مو بالشكل هذا 24 ساعة على المرايا هو الافضل للبنت ان تكون على طبيعتها وخاصة لو كانت جميلة فالجمال المصطنع لان يدوم كثيرا ويجعل نظرتى للبنت عكسية نوعا ما لان على علم ان جمالها مصطنع موحقيقى بس لو كان جمالها طبيعى مع اشوى اهتم عادى مو زى اهتم بنات اليوم صدقنى ما احبها لانى احسها فتاة ليس لها ثقة بنفسها لان الرسول صلى الله عليه وسلم حث على ان تتجمل المراة لزوجها وليس للعالم الخارجى وهذه الطريقة صدقينى نيتها التجمل والتزيف للعالم الخارجى لاغير
تحياتى

حسابات الزمن اي خيتوه وهذه انا الي اسويه وكل هالشياء تستغرق وقت.. لوووووول كلامج طمني.. ومشكوره على المرور حبوبه..


member1212 لووووووول لا موب 24 ساعه اشوي اقل وشكرااا على مرورك..


ابن ليبيا اخوي موب شرط يعني واقفه جدام المرايه يعني احط مكياج لاااا يعني لا اراديا اجوف نفسي .. وثاني شي البشره تحتاج تغذيه من كريمات وحمايه يعني مو شرط مكياج وانا احب اكون طبيعيه ماحب اصبغ نفسي وايد.. بس لازم نحافض على بشرتنا من التجاعيد الي راح تصير بعد 20 سنه مثلا ولازم بشرتنا ما تكون جافه لازم تحتاج تغذيه ورعايه خاصه وانا اراعي بشرتي واحب اغذيها واهتم فيها وكل هالشياء تستغرق وقت يعني تاخذ منا وقت طويل.. وشكرا على مرورك الكريم

__________________
(( مــــــنامية والـــــدلع أسمــــــي&&منـــــامية وأفتـــخر بأصلــي))
((بــــنت المنـــامة حــلوة مدللــة&& تمشـــــي بــراحة ومو مستعيــلة ))

ياحبيبة قلبي

اهتمي بنفسك عادي بس بالمعقول

يعني خلطه لشعر تكون اكثر شي مرتين بالأسبوع......صح

خلطه للبشره ممكن تكون يوميه بس ماتاخذ ساعات اكثر شي ربع ساعه ..........صح

خلطه للجسم تكون مرتين بالأسبوع .........صح



اولا : لازم تنظمي وقتك بالمفيد لحياتك

ثانيا : لاتكثري من الخلطات لأن ممكن تقلب عليك عكسي يعني مره اضطرتي تسافري وماأخذتي الخلطات متشوفي وجهك كيف عدم

وبعدين لاترهقي بشرتك وشعرك تراهم يدمنوا على كذا ودوام الحال من المحال

ثالثا: من ناحية الزوج يحب حلوه ومتشيكه ومهتمه بنفسك لكن مايحب يشوف الخرابيط

يعني لما تعمليها بالمستقبل تستغلي فرصة خروجه من البيت عشان تعمليها


رابعا: لااترهقي البشره تراها حساسه خذيها نصيحه

خالاتي الأصغر من امي طول وقتهم مكياج وخلطات وامي ماكانت تخربط مثلهم

لو تشوفي خالاتي كأنهم اكبر من امي بكم سنه واحنا اخذنا هذي السر من امي كلنا اللي يشوفنا مايعطينا عمرنا

لأننا مانسرف لابالمكياج ولابالخلطات



وخامسا: ربي يسعدك ويفرج همك وينولك مرادك ويوفقك


اختك في الله

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

المهم لاتنسي دعاء النظر للمرآة

( اللهم احسن خُلقي كما احسنت خَلقي )

اقتباس:

المهم لاتنسي دعاء النظر للمرآة ( اللهم احسن خُلقي كما احسنت خَلقي )

رد يعني يغني والله عن موضوع كامل يا كاره الرياضيات.

بارك الله في الجميع.

__________________
رب اغفرلي ولوالدي

سبحان الله بحمده

سبحان الله العظيم

عزيزي القارئ : إن كل ما أكتبه ليس لي فيه أدنى فضل .. بل الفضل لله

ثم لوالدي وأناس قد قرأت لهم أو تحدثت إليهم .. من أجل هذا ليس لك أن

تستأذنني في نقل ماتراه مناسبا وصالحا للنقل إلى أي منتدى وأي مكان

ومن غير أن تشير حتى إلى إسمي .. لكنني أتبرأ إلى الله إن كان فيما نقلت

أي زلل مني لم أدركه والله يغفر لنا ولك.

ما احس انه الموضوع يحتاج كل هالوقت جدام المرايا

يعني الكريمات تارسه السوق
وما تحتاج وقت لوضعها

انصحج يا خويتي بانج تلاقين شي اهم تشغلين فيه وقتج

اي هوايه تدمنينها راح تقلل من هالموضوع

نقل الى قسم المرأة مع تعديل على العنوان