تكفون فديتكم ابي طريقه تطووووووووول الشعر
ياكثر ما قريت خلطات بس تكفون ابي شئ مجرب واللي جربت خلطه معينه تقولي كم المدة اللي استخدمت فيها الخلطه وش كثر طال شعرها
انا زواجي بعد 4شهور ونصف ان شاء الله وشعري لنصف ظهري بس نفسي شئ يطوله خلال هالشهور المتبقيه

ربي ما يحرمني منكم

انا سمعت ان زيت الخروع جدا روعة للتطويل

انا جربتة على رموشي كنت احطة يوميا و انام فيه بس اخذ وقت طويل

في سمعت عن زيت دابر املا و جبتة بس ما قدرت اتحمل ريحتة

ان شاءالله اكون افدتك

__________________

هههه ..

انا معك ما اتحملت ريحه دابر املا ,,

والصراحة زيت الخروع يلصق مره احسه دبق ..

انا بالانتظار ..

لاني قصيت شعري من اسبوع واحم احم زوجي بيذبحني ..

بانتظاركم حبيباتي ..

داومه على زيت واحد اي زيت من عند العطار و راح اتشوفين النتيجه بعد 3 شهور

و لانسان يفقد فى اليوم الواحد 100 شعره

__________________
اللهم انت ربي ، لاالـه إلا انت ، خلقتني و انا عبد وانا على عهدك ووعدك ما استطعت ، اعوذ بك من شر ما صنعت ، ابوء لك بنعمتك على وابوء لك بذنبي فاغفر لي ، فإنه لا يغفر الذنوب الا انت


يا رب إن عظمت ذنوبي كثرة~ فلقد علمت بـأن عفوك أعظمُ
إن كان لا يرجوك إلا مُحسن~فبمن يلوذ ويسـتجير المجـرم ُ
أدعوك رب كما أمرت تضرعا~فإذا رددت يدي فمن ذا يرحم ُ
مــالي إليك وسيلــة إلا الرجا~وجميل عــفوك ثم أني مسلمُ

أوافقك الرأي أختي الكريمة فزيت الخروع ذو فائدة عظيمة في هذا المجال للرموش والشعر
وفقك الله

__________________

اللهم صل على سيدنا محمد وعلى آله
وسلم تسليما كثيرا

مشكورررين
الخروع ثقيل ويطفشني في غسله وجربت قبل ما أذكر انه طوله بشكل ملحوظ

بس ودي بشئ مجرب وش كثر طول
فيه خلطه حصلت عليها من مواضيع قديمه عند صديقتي وشكلي باسويها
وهذااا نصها

***************************

السلام عليكم ورحمة الله وبركاته
وصفه حلووووووووووه مررررررررررره ومجررررررررررربه
النتيجه تظهر بعد اربع استعمالات لا تستعجلون
بس قبل ما اقول الخلطه بقول لكم على الفوائد<<<<<<<<<<عنصر التشويق

تطول الشعر وتكثره ؟؟؟؟؟؟؟؟؟؟؟
تنعمه وتعطيه لمعه ؟؟؟؟؟؟؟؟؟؟

المقادير هي :
علبة زيت جوز الهند تلاقينه عند العطار <<<<< بس شوفي اذا طلع لك علبه لونها ازرق قوليله يعطيك
العلبة الخضرا لأنها ازين + زيت زيتون + قشر 7 موزات <<<<وزعي على اخوانك الموز لين تجيبين العدد ذا

الطريقه هي :
حطي علبة جوز الهند كلها بالخلاط واذا فضت العلبه حطي فيها زيت زيتون لين تصير كمية زيت الزيتون نفس كمية جوز الهند
بعدين حطيهم بالخلاط وحطي معاهم قشر الموز ..
لما يصير خليط حطيه على نار هادئه لمدة ربع ساعه
واذا خلصتي حطيه بعلبه وبعدين بالثلاجه عشان ما يتأكسد <<<< يعنني علمي البنت
ملاحظه : اول ما تستعملينه حطيه على شعرك ثلاثة ايام ورا بعض
بعدين مره كل اسبوع وانتبهي لا تخلينه على شعرك اكثر من ساعتين

جربوووه وادعولي واتمنى ما تدعوون علي

ملاحظة:كثير من المستحضرات الجاهزة تحتوي على موز أو خلاصة موز


******************************************

انا بنتظر ردود وباشوف
نفسي في احد مجرب ويقولي
ماأدري وش صاير فيني حاسه بهوس فظيع على الشعر الطويل

يابنات انصحم بزيت أم الجدايــــل بصراحه ماتصدقون انا مجربته وماجربته الا بعد ماشفت شعر وحده من زميلاتي
بصراحه خلصت علبه والحين جبت علبه ثانيه امس سعره ب 60 ريال بس صراحه روعه يطوووووول ويكثف في البدايه استخدمه الجمعه والاثنين الحين بس الجمعه

وتكفون ادعولي بحسن الخاتمه واي استفسار انا حاضره

تحيتي

__________________
أعذروني على الانقطاع في الفتره الماضيةاوحتى في الفتره القادمه فظروفي ا لاتسمح لي بالمتابعه
المستمره..ولكن تأكدوا اني معكم وازور المنتدى كثيرا..فأنا أتابعكم حتى وإن لم أكتب رد أو موضوع..ودائما ما أؤمن بأن تأكيد التواجد.يكون في قيمة الرد وليس بعدد الردود...
ودمتم ((الــــهـــــــم سابقـــــــاً )) لاتنسوني

(

فديتك ياروحي
بس بسألك اختي ريحته مقبوله ؟؟؟؟؟؟؟؟؟؟؟
جاتني حالة نفسية من بعض الزيوت لأن بعد ثالث ثانوي ومع الحالة النفسية تساقط شعري فاستخدمت خلطات زيت الثوم ومره زيت الحلبه والحيه
الخلاصه لماوقفت الزيوت قعدت شهور وانا اعاني من الريحه
وانا زواجي قرب ماابي زيت له ريحه موحلوه
وهم سؤال ثاني
كم تقريبا طال بالشهر اصبع اصبعين ثلاث.................!!!!
والله كان شعري طويل وماكانت امي ترضى يدخل المقص فيه
بس مع التساقط حنت علي ووافقت لي وانا ماصدقت لعبت فيه واخذت السالفه حلى

ياعمري مستحيل تحصلين زيت يطول وريحته حلوووه لكن بصراحه ريحته مش ولابد بس ماهي شينه

وعادي ريحته ماتجلس في الشعر انتي استعمليه شهر او شهرين بصراحه يطول ومااقدر احدد لك كيف يطول لكن انا مااطال كثير لكن زميلتي بصراحه ماتصدقين مااشاءالله طول وبسرعه واضن على حسب الشعر
وحتى طال شعرها ونعمه بعد كان شعرها مغطي الرقبه الحين بيوصل نص الظهر ماشاءالله تبارك الرحمن

صدقيني ماراح تندمين وانتي اذا قرب الزواج اتركيه واشتريه مخمريه او عوده اصليه لشعرك وانتهى الموضوع

واتمنى اني افدتك

والف الف مبرووووك غاليتي مقدمآ ومنه المال ومنك العيال هههههه

تحيتي

__________________
أعذروني على الانقطاع في الفتره الماضيةاوحتى في الفتره القادمه فظروفي ا لاتسمح لي بالمتابعه
المستمره..ولكن تأكدوا اني معكم وازور المنتدى كثيرا..فأنا أتابعكم حتى وإن لم أكتب رد أو موضوع..ودائما ما أؤمن بأن تأكيد التواجد.يكون في قيمة الرد وليس بعدد الردود...
ودمتم ((الــــهـــــــم سابقـــــــاً )) لاتنسوني

(