كيف اتعامل معه
آنا بصراحة أحس نفسي تعبانة في الحياة والسبب زوجي مشكلتي ان زوجي عصبي وايد وايد فوق ما تتصورون ويثور لأتفه الأسباب وما يتقبل اي كلام أو انتقاذ بالله عليكم اشلون ممكن أتعامل معاه يعني بعض الأحيان هو يكون غلطان في شي ولما أقول له رايي ووجهة نظري يعصب ومن زود عصبيته حتى يده يرفعها علي ويضربني مع انه انسان متعلم صدق انا مؤهلي العلمي أعلى منه بس هو بعد عنده دبلوم وانا متحملته لأني أحبه وحبي اليه هو الي سبب لي المشاكل في حياتي خلاني اتحمله بعيوبه واضحي واضحي بس عاد تعبت من التضحيات لمتى وانا بظل اقدم تضحيات واللي صار بعد اني آنا بعد صرت أعصب مثله وهذا اللي يعقد المشكلة أكثر وأكثر فيا ريت تقولون لي اشلون ممكن اتعامل مع زوجي لما يعصب وفي شي ثاني بعد آنا زوجي غلط معاي من زمان من أيام الخطوبة واحس اني انجرحت منه للحين مو قادرة انسى الاشياء اللي سواها فيني وأتذكر وأتضايق وأتنرفز و أقعد أصيح وهو يعصب اذا أذكره بأخطاءه لكن انا شسوي حتى لو أنسى تجيني أوقات وارجع أتذكر يمكن لأني أحبه وايد ومأثر فيني اللي سواه.
ساعدوني يا جماعة لأني تعبت من هالعيشة خصوصا ان الحين عندي بنت صغيرة عمرها ثمانية أشهر واحس ان حياتي ملخبطة وكله حاملة هم المستقبل والبيت اللي بنعيش فيه احس اني حاملة هالهم أكثر من زوجي لأن حاليا احنا ساكنين في بيتنا مع أمي لأن زوجي راتبه ما يكفي وانا قاعدة اشتغل عشان أحسن مستوانا المعيشي .
ريحوني اذا تقدروووون
22-03-2007, 08:36 AM
ضوابط المشاركة
العرض الشجري