السلام عليكم اخواتى فى الله انا اتعرفت على شاب من النت ملتحى ومتدين احسبه كذلك بعد ما اتكلمت معاه وعرفت انه شخص محترم وقور اتعلقت بيه وبدات اكلمه بحب وهو كمان بدا يكلمنى بحب المشكله انه عنيد ولما بيزعل بيقول كلام قاسى اوى لدرجه انى ببكى من كلامه ولما بيسمعنى ابكى بيحن على طول ويقولى انه كان يتمنى انه يكون جمبى علشان يمسح دموعى ويشوف دموعى كمان انا مزعلتوش طوال فترة كلامنا لكن هوا زعلنى كتير اول مرة زعلنى علشان كنت بساله حنسكن فين بعد ما نرجع من السفر وحسسنى انى ماديه مع اانى مش كده والله المهم امتصيت غضبه وفهمته انى مش انسانه ماديه وفضلنا نتكلم لحد ما قالى انى لازم اكلم بابا علشان يعرف رايه انا محاولتش اعمل مشكله وقلت اسال بابا فى المبدا مع انى معنديش معلومات كافيه بس استنيت الوقت المناسب وهوا كل ما يكلمنى يقولى انه بيزهق من التطويل لحد فى يوم قررت اكلم بابا واخواتى عنه ويوميها رحت صليت التراويح فى المسجد ودعيت ربنا لو فيه خير يقربه منى ولو فيه شر يبعده عنى ولو فيه خير يعدى كلامنا على خير ولو فى شر يعقد الكلام وتكون دى اشارة ليه وبعد ما خلصت التراويح كلمته ولاقيته مضايق ومش طايق يتكلم معايا وانا بحاول اتكلم معاه اكتشفت انه زعلان وفى اخر الكلام قلتله انى كلمت بابا فقالى انه مخنوق واستاذن منى وزعلت منه وبعد ساعتين بعتله رساله وطلبت منه انه يطمنى عليه ومردش عليه لمده 8 ايام وفى النهايه كلمنى وقالى انه خلال صلاته المده الى فاتت وعنده احساس انه ظلمنى وطلب منى انى اكلم بابا تانى انا من جوايا كنت حاسه ان ربنا مش مقدرلى انى اتجوزة وكنت خلاص رتبت نفسى على كده ومش عارفه هل انا غلط ولا صح لكن لاقيتنى بقوله انى حعمل صلاة استخارة تانى لمده اسبوع وفعلا عملت الاستخارة وحلمت بانى شايفه برص فى بيتنا وانى بحاول اقتله لكنه اتحرك ومبقتش عارفه راح فين ومش عارفه الحلم ليه علاقه بالاستخارة ولا لاء لكن فى واحد قريبى قالى ان الاستخارة حتخليه هوا الى يمشى انا عارفه انى طولت عليكم بس ده من حيرتى والله ربنا اعلم بالى انا فيه يا ريت الكل يرد عليه بسرعه لان بكره الخميس ميعادى معاه علشان ارد عليه هل نكمل ولا لاء وشكرا