بدخل بالموضوع على طول
السالفة ومافيها مدرسة زميلة لي , تجدع علي كلام من وإلى , مع إني ماسويت لها شي , وش رايكم أواجهها وأرد عليها ؟ وبتصير مشكلة طول بعرض , أو أسكت وأصير زي مايقولون
ليس الغبي بسيد في قومه إنما سيد قومه المتغابي
أما سبب ليش شايلة علي ؟ هو إني شفت ناس بالمدرسة في الحلم وكنت وقتها أقرأ(رقية شرعية ) , وأخذت من كل المعلمات إلا هي عيت تعطيني من أثرها فأخذت من وراها , ودرت بعدين , وشالت وحطت وماني مسامحة ومن هالكلام , بعدين بدت تجدع علي كلام عند المدرسات , وأنا لحد الآن مسوية نفسي غشيمة , ساعات أقول خليني كما قال الله تعالى ( ادفع بالتي هي أحسن ) وساعات أخاف على نفسي أنجرح من كثر الكلام وساعتها أرد والله أعلم بالمشكلة اللي بتصير , ماأدري عطوني اللي عندكم , ودي أصبر وأخليها تتطلع كل اللي عندها , بس ماأدري أقدر أو ماأقدر . إذا عندكم وسائل تساعد على الحلم أو تدريبات ذاتية فياليت تتحفونا فيها .

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك