السلام عليكم ورحمة الله وبركاته

طلب منى احد الاخوة استشارة وانا بدوري اطلب اسشارتكم للاهمية


ارجوكم ..
ابي رايكم بكل تجرد وحرية وصدق

ماهو المعدل الطبيعي لزيارة الزوجة لاهلها في مدينة مثل مدينه الرياض حيث يقع اهلها في اقصى المدينه ومنزل زوجها في اقصى المدينه من الناحية الاخرى ؟؟؟

وهل لها الحق ان تجلس العيد عند اهلها ؟

والا مع زوجها اللي يعيد خارج المدينه عند اهله في مدينة اخرى مع ان الزوجة تقوم بزيارة اهلها مرة كل اسبوع على الاقل ؟؟؟ ؟؟






..

__________________
شبيت ضوي بالظلام في صحصح ذيبـه عـوى=ما لي أنيس الا النجوم أو نـور وضّـاح القمـر
دورت بالشدة حـزام ولا لقيـت اللـي قوى=يالله دخيلك ما لقيـت اللـي نشـد بـه الظهـر

يجب ان يتم اتفاق وتفاهم بين الزوج وزوجته بحيث مثلا سنه عند اهله وسنه عند اهلها
انا مثلا اهل زوجي يعيدون برا الرياض من نصف رمضان وهم يذهون الى الديره
فاتفقت انا وزوجي اني اذهب معه العشر الاخيره وقبل العيد ارجع اعيد مع اهلي وهو مع اهله
اكن اذا كان الزوج لايقتنع الا ان تعيد معه الشكوى لله وان شاء الله مع السنين والوقت يقتنع

الاصول ان تعيد مع زوجها وين ماكان

الزواج حب وتفاهم وتضحية

ومراعاة الحاجات النفسية للزوجة

من صالح الزوج لأنه سيعيش مع انسانه مرتاحة

لاتخلق المشاكل والنكد لأنها مرتاحة معاه

مره لك ومره لها

شف وأنا أخوك إذا كانوا جميعهم في الرياض يصير لها يومين ثابتين كل عشرة أيام .

برايفت لك ولخويك :يامال الغنيمة أنتبهوا تعودون الحرمة على الطلعات تراها ما تنعطى وجه خصوصاً في هذا الموضوع سواءً لأهلها أو غيرهم.

إلا في حالة ضروورية تستدعي الذهاب لأهلها في أي وقت كزواج أخ أو أخت أو قريب جداً أو مناسبة مهمة أو توديع أخ في مطار أو زيارة في مريض وعلى هذا فقس .

وبالنسبة للأعياد شف يا طويل العمر أبعطيك النظام اللي أغلب معارفي يمشون عليه وهو 1+1=2.
يعني عيد عند أهل الزوج وعيد عند أهلها .

أخي الكريم ..ليس هناك ضابط معين او معدل طبيعي لزياره الزوجه لاهلها ..فهذا الامر يتم بأتفاق الطرفين ..فحتى لو ذهبت لاهلها كل يوم فما المشكله طالما ان تلك الزيارات ليس لها اي تاثير على علاقتكما الزوجيه من جميع الجوانب ..او تجاوزات من قبل اهل الزوجه على زوجها
وما المشكله ان تمكث الزوجه عند اهلها اثناء العيد فهو امر عادي..



..

غالبا مرة كل أسبوع أو مرتين فقط أما أكثر من كذا تصبح المسألة فوضى نوعا ما .. ومعروف أن يوم الأربعاء دائما تذهب الزوجة لأهلها خصوصا إذا كان في أطفال في المدارس فهو أنسب يوم ....

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

مرة أو مرتين في الأسبوع ..
وفي العيد تذهب لأهلها في صباح اليوم الأول ..
(( طبعا أهلها ماتستغني عنهم تبي تعايد بهم باكرا ..))
ثم تذهبان لأهل الزوج سواء مساء اليوم الأول أو في اليوم الثاني ..
إذا لم يكن بينكما أبناء بعد فلا أرى مانعا من قضائها أيام العيد مع أهلها ..
ويكفي أن تتصل بأهلك هاتفيا لتبارك لهم بالعيد ..
أما إذا كان بينكما أبناء فيجب ان تزوروا أهلك لكي يرون أحفادهم ..

أخوي هذي أمور مو ثابتة نمشي عليها كل شخص وظروفه
وحسب مايتفق عليه الزوجين

فيه بعضهم تروح لأهلها ثلاث مرات في الأسبوع هل معنى
هذا أني اقيد نفسي بطريقة فلانة وأمشي عليها
طبيعي راح أتعايش مع وضعي وواقعي اللي يسمح لي


والأخ اللي قال الحرمة ماتنعطى وجه
رب كلمة قالت لصاحبها دعني

__________________
ربِ لاتذرني فردا وأنت خير الوارثين

استغفر الله الذي لاإله إلا هو الحي القيوم وأتوب إليه

اشوف هذا الموضوع مايجي بالقوة فالتفاهم هنا امرلابد منه
بس انا عن نفسي (العيد مع زوجي عيدين وين ماكان) وبعدين اهلي صراحة ماأقدر ابدي
اي احد عليهم (و المفترض اول يوم عند اهلها وبعدين اذا الديرة قريبة تقدر تمرها بالليل وتروحوا سوا عند اهلك ) بس لازم الاولاد يتعودوا على اهل الزوج زي مايتعودوا على اهل الام ......

انا زوجي يوم العيد اول شي يعيد على والدينه امد الله في اعمارهم وياخذ اولادي معاه وبعدين يعايدني ومن ثم يروحوا بيت اهلي مع العلم ان اهله مو قريبين منا وانا من جد مبسوطة من كذا علشان اولادي اول مايبدأالعيد الابي
تحياتي

__________________

	اذا ماخلوت الدهريوما فلا تقل خلوت ولكن قل عليَ رقيب