السلام عليكم ورحمة الله وبركاته

ارجوكم ساعدوني....انا متزوجه لي8شهور وزوجي من النوع العصبي درجه اولى... بعد زواجنا بشهرين بدت المشاكل وكان الوضع ماشي الا ان ابتدى يضرب ..المره الاولى تفاهم معه ابوه((اللي هو عمي اخو ابوي))...الثانيه رحت بيت اهلي بدون مايعرفون انه ضربني..الثالثه علمت اهلي وكلمه بابا ووعدني انه ماراح يكررها..
وبعد ماخلصت السالفه ومر تقريبا اسبوعين تكرر الوضع ولا علمت احد..لاني حسيت ان ما في فايده وبصراحه كرهته....تأسف ووعدني ان ماراح يكررها..بس احس اني مااصدقه...شسوي معه؟؟؟ مع العلم اني ما ماقصر معه بشي وهذا بشهادته واحاول اريحه بشتى الطرق..ومراعيته عالآخر ... واحبه ويحبني من قبل الزواج لان حنا عيال عم..بس ماادري ليه يصير بينا كذا..ساعات اخاف من كلام الناس واقول ممكن عين او عمل ..لان كثار اللي كان خاطبيني ونفسهم هددوا زوجي بان ماراح يخلونه لحاله....محتاره وابي شوركم الله يجزيكم خير

انتى السبب لاتسكتين ولا تمشين الموضوع بسهولة حتى لو اهلج يهددونة انة مافية حل الا الطلاق ساعتها بيخاف يكررها يوم مابترجعين لين اللة يذلة

الا الضرب لاتسكتين عنه

اخذي فره بالمنتدى وشوفي وضع بعض الاخوات الي يعور القلب وكيف الحاله عندهم صارت

وبوجود اطفال بعد يزداد الامر سوء

دامنك توك ببدايه زواجك حطي حدود للامر ولا تسكتين

اختك بالله
جينز

__________________

اختي الحقي على روحك

اذا سكتي مرة واحده فقط عن ضربه لك ...والله ما راح تشوفين يوم سعيد معه

لكن اذا شاف ان لك كرامة ..صدقيني راح يحسب لك الف حساب

وراح يحترمك و حيبك اكثر من لو شافك خايفة و ساكته

راح يعتبرة ضعف وراح يكرهك حتى لو ما صرح لك

الرجل يحب الزوجة القوية ..الي ما ترضى على نفسها انها تنهان

انا ما اقول لك حطي راسك براسة او تحديه ...لا

انا اقصد قوية ..انها ما ترضى بالغلط ولا تقبل الاهانة

انت الان اذا مد يدة عليك ...هددية انك راح تشتكين عليه عند الشرطة لان كلام الاهل ما فاد معه

واذا كررها ...لا تجلسين عنده في البيت ..روحي بيت اهلك و لا تسكتي عن حقك ابدا

اختي ...الوحده تتحمل ان زوجها يرمي عليها كلمة في لحظة غضب ...لكن انه يمد يه فهذا شي ما ينسكت عليه

وربي يعينك

شوفي حبيبتي دامه يحبك وتحبيه من زمان اجلسي معاه مره جلسه هادية
وكلميه عن الموضوع وانه مهما كان معصب المفروض ما يضربك لأنك حبيبته
وشوفي ايش بيقول
واذا عادها كلمي اهلك وخليهم يتفاهمو معاه بكلام جااااااااااااد
والله يوفقك لكل خيييييييييييير

__________________

مشكورات خواتي عالرد.....
بس المشكله اني عنيده وهو اعند فلما نتخانق كل منا ينرفز الثاني اكثر...بس ماوصل للضرب القوي..ضرب خفيف بس انا عندي اذا رضيت بالخفيف بارضى بالقوي بعدين فكيف احط حد للموضوع....انا ازعل عليه بالاسابيع اذا ضربني بس ما احب اوصل الموضوع للاهل الا اذا حسيت ان مافيدي حيله خلاص....خصوصا ان فرق العمر له دوره فانا اصغر منه ب10سنين وهو دايم يشوفني دلوعه وما افهم مع ان لما نتفاهم يعترف ان عقلي اكبر من سني(19)..فانا احس اني محتاره ولاعارفه اساس المشكله ولاعارفه كيف احلها؟؟!!|....فابغى شور اللي عندهم خبره...الله يجزاكم الجنه...

حبيبتي سوسو نوسو .......... الله يعينك ويوفقك ويسعدك ياااااااااااااااااارب

العصبيــــــــــــــــــــــــــــــــــــــــــــ ــة آفة تقتل الحب أو أي شئ طيب في الدنيا وحسبي الله على كل ظالم !

شوفي حبيبتي إنت أحسن من غيرك أنا أعرف وحده من الأسبوع الثاني بدأ يعصــــــــــــب ويلخبط في الكلام ولولا انها عقليه وتفهمت واستشارت شخص من أهلها حكيم كان من زماااااااااااااااااان انهارت حياتهم . أبحثي لك عن صديق من أهلك أحد اخواتك او اخوك الكبير مقرب منك تشتكين له ويساعدك دائما بس لا تكبرين كل خلاف ولا تخلينهم يدخلون عشان ماتفسد علاقاتهم .. وبصفة عااااااااااااااااااااااااامة حذاااااااااااااري تتهاونين بكرامتك ولا تسامحيييييييين علطول بيتساهل فيك ويبدأ يلطش بالكلام وباليد بلا حسب لأن لسا ما عندك أطفال المفروض مايضمنك بشئ وإنه ممكن يخسرك .. ولا مانع انك تهددينه انك تتركينه للأبد والأهم من ذلك انك ترسمين أهلك انهم مترابطين ويغلونك حتى لو ماكانوا لذي الدرجه بس عشان يحسب لك ولهم حساب مو يعتبرك ملطشه !!

سمح الله أموركم وسخر لك من حيث للا تحتسبين .. دمت بووووووووووود .. عاشقة الرياض

هلا والله عاشقة الرياض... مشكوره حياتي عالرد...بس ياحبيبتي انا ماسكت زعلت منه وبينت له اني مش لعبه عنده.. وللأسف ماعندي اخو اكبر مني..انا بكر ماما وخوالي واعمامي كلهم كبار..وصديقتي الوحيده اللي اثق برايها هي ماما بس ما اقدر الحين اقولها كل حاجه فهي بتضل ام ماترضى على بنتها..

ياختي في ثمانية شهور ضربك اربع مرات بعد سنتين كم مرة بتصير
لاتسكتي عالضرب ابدا نصيحة

السلام عليكم
انصحكي بالدعاء لله لأن القلوب تتقلب بين اصابع الله عز و جل..
كل مشكلة صعبة عليج ما تصعب على رب العالمين..
في ادعية حلوة اقوله لما زوجي يعصب و مفعولها سريع
- الآية القرآنية الكريمة : ( سلام قول من رب رحيم)
- اللهم اجعل خيره بين عينيه و شره تحت قدميه و استعين بالله عليه
- اللهم اجعل غضب زوجي برداً و سلاماً علي كرري الدعاء و الله المستجاب