السلام عليكم
مشكلتي معقده وماعتقد ان لها حل لان كل حلولها بالنسبه لي صعبه ومؤلمه...
انا مرتبطه بشخص من فتره برباط الخطبه فقط بدون الملكه
عمره 25وهو اكبر مني ب3 سنين وعاقل وهادي جدا في كل شي
هو ارمل من سنتين..
بمعنى انه كان متزوج قبلي من بنت عمه وتوفت بعد زواج دام سنه وشهر تقريبا..
اسمع من الكل ان اللي بينهم كان فوق العاده وان زواجهم مبني على قصه حب كبيره عمرها سنين والدليل انه تزوجها اول ماتخرجت من المرحله الثانويه وبعمر صغير لكليهما..
وهو يخالف هالكلام ولا ينفيه يعني يقول انه ماتزوجها مغصوب وعن طريق العاده بس كان يبي يتزوج واقترحوها اهله وتم الزواج بشكل عادي وخالي من اي ضغط او تخطيط مسبق من الطرفين واهلهم وان مكانها بقلبه الحين مايتعدى احترام ذكرها الطيب كزوجه طيبه ومخلصه..
هو معي مااااايقصر بشي ومشاعره معي احس فيها قبله ومالي حياتي وصادق بكل شي ومهتم بكل تفاصيل يومي..
بس لما اساله يجاوب عن كل شي بس بداخله يحس اني ما اثق ويقول اني شكاكه وماوده اشغل نفسي بهالامور لانها تعتبر من الماضي وقبلي ومالها اي تاثير ع مستقبلنا

بس احس ان لها مكان بقلبه وان الحياة معاه بعدين بتكون غير والحين اهتمامه مبني على بعدنا وافتقاده لشخص قريب منه ..يعني كاني مجرد ملء لفراغها..

انا واثقه بنفسي بكل شي والكل يشهد اني غير وممكن افضل بس مايهمني الا رايه
.
.
.
اخاف من بكره والتفكير بالمستقبل
ودي اقرر واعرف من الحين قبل اخذ خطوه اندم عليها


الاشراف : تم تغيير العنوان بالتوفيق, اختي.