السلام عليكم ،،

تجولت كثيربالنت وقريت كثير عن الامارات وبصراحه احترت

ولذلك ابي اسأل الاماراتيين والناس اللي تروح الامارات..

انا اول مره اروح الامارات وتقريبا الرحله بتكون بحدود الـ 10 ايام ممكن الى اسبوعين(تتحدد بالنسبه للبرنامج) .. معاي طفلين تحت 5 سنوات .. وزوجي محااافظ جدا وبالموت وافق ع هالسفره عشان يبي يشتري سياره من هناك ..

فـ انا ابي اقتراحاتكم لاماكن تكون تناسب عائله محافظه مايكون فيها اجانب كثير ولا موسيقى واغاني ..

عااامه بخصوص السكن (شقق فندقه) + اماكن الترفيه + المطاعم ..

+ انا اعشق التصوير .. فلو فيه اماكن حلوه ياليت تدلوني

+ اتمنى لو تعرفون مكان شاليه سواء ع البحر ويكون معزول عن الناس .. او شاليهات بمسابح خاصه مسوره .. لاني احب السباحه

بالنسبه للاسعار اتمنى معرفه متوسط الاسعار بالنسبه للخدمات عموماا..


سؤال اخير .. بعد الاجراء الاخير بالغاء الجوازات بين السعوديه والامارات .. ماهي الاوراق الرسميه المطلوبه ؟ ابي اعرف بالتفصيل لانه ممكن نروح جو ونرجع بر عشان السياره الجديده : ) (ان شاء الله)

والف شكر لكم ع المساعده مقدما ..