:السلام عليكم ورحمه الله وبركاته
اخواني اعضا المنتدى
عندي صديقه تمر بمشكله وحابه تشاركوني الحلول
علشان تنحل مشكلتها
صديقتي متزوجه من 4 سنوات وعندهاولدين وكانت سعيده في حياتها مشكلتها بدت بعد اول مولود وهي انو زوجها مايجلس معاها يجلس مع اهله لانه ساكن معاهم وحاولت معاه تقول اجلس معاي طلعنا مشنا انا مالي غيرك يطلعهايوم وشهرين لا السوق تشوفهه بالشحذه او اذا سافرت لاهلها راحت مع اخواتها للرياض علشان تتسوق وسكتت المشكله انو اذا تكلمت معاهه في هالموضوعو يحتد النقاش بينهم ويجلس يغلط عليها يقولها..... تحاول تسكت بس هي ماتسكت عند كلمه بنت ..... يجن جنونها وترد وتوصل لمده اليد اللي بلارحمه لدرجه انو يخنقها لحد مايغمى عليها وتسكت وماتقول لابوها شي وبعدها صار هالكلام على لسانهه وينتهي نقاشهم بمده يده هي زعلت وراحت لاهلها وابوها مايدري وجا وراضاها بمبلغ ولما احتاج لمبلغ علشان يشتري حاجه مهمه عطته الفلوس وبعدها عادت حليمه لعادتها القديمه سب وشتم ويتهمها بانها ماتحب الخير لاهله وحسوده ونجسه علشان ايش تخيلو علشانها تقول طلعني زي اخواتك اللي يطلعون مع ازواجهم وزي اخوانك وحريمهم هي قالت كذا لانه اول كان يقولها هاذ مهو بطبعنا وحنا عندنا ناس نقاده هاذا اول بس اللحين تغيرو اهله
جا رمضان وجت ليله 22 قالهه اخوه انا بروح للعمره انا وزوجتي قالو اهلهه حتى حنا نبي نورح يعني لازم سيارتين قالت هي لزوجها حددو موعد روحتكم علشان اودي عيالي لاهلي( اهلها برىالمنطقه) قال مدري عنهم خذي عيالك معك قالت مقدر (عيالها اشقيا بشكل غير طبيعي المسكينه) وهم ماراح ينقسمون قسمين علشان تخلي عيالها عند احد في الشقهه راح يعتمرون سوا وتخاف على عيالها يضيعون لانهم كذا مره ضاعو منها المسكينه في السوق علشان كذا عيت بعدها اتفقو وراحو وراح هو وخلاها في البيت وجلست في البيت لانهه في بعض اخوانهه وحده من اخواته ماراحو
يعني بالعربي تقولي اذا طلبت طلعه لاي مكان يرفض وذا طلبها احد من اهلهه يوافق وكثير صارت معها
حتى انو مرهه جاب لها حاجهه هديه لها ولاختهه قالت ليتك ماجبتها لي لاني ماني مستخدمتها(هي صادقهه) قال لها لا انتي قصدق ليش تجيب لامك <<<<<<<<<<شوفو وين راح تفكيرهه
المهم طولت عليكم هي اللحين عند اهلها زعلانه بدون علم ابوها والسبب انو قالت له ابي اغراض للعيال من السوق وداها وقال خلصي بسرعهه خلصت وقالت خلنا ندوور ابي لي اشياء قال لا يالله طلعت وركبت السياره قال خلاص انزلي روحي جيبي اللي تبين وبنتضرك في السياره عيت انسدت نفسها المهم راحت للبيت دار بينهم نقاش عطاها كف وبدون شعور منها سبت امهه؟؟؟ (هي معترفهه انها غلطانهه) مامداها تقول هالكلمه الا ومسكها من شعرها وسحبها قدام اعيالها ودخلها الغرفهه وعيالها يبكون يصارخون واخذ المعلاق وجلس يضرب بدون رحمه وكانت تتوسل تقول اضرب بس موقدام عيالي طقها طق وشفت انا الاثر في جسمها ويدينها مو طبيعي
اخواني
هي اللحين عند اهلها زياره وتفكر انها ماترجع تقول خلاص مقدر اتحمل يعني هو يسب ابوي واسكت وانا يوم تكلمت سوا هاشي فيني متردده لرجعهه لان اهلها عندهم ضروف وماتبي تزيد اللهم هم مع العلم ان زوجها حنون بس تجيهه حالات وهي طيبهه مع امه لدرجهه ان امهه تحبها اكثر وحده من حريم الاعيال وطيبه مع الكل ومحبوبه

اخواني
هي راح تدخل وتشوف ردودكم وترد عليها لانها حاولت تشارك في المنتدى بس ماتجاوبو معها الاداره
واشكركم جميعا وننتضر ردكم

__________________

والله بصراحة كثرت المشاكل والواحد مو عارف ايش بيسوي من كثرت المشاكل يجاوب ايه ويقول ايه

لكن اذا تبغاه ترجع واذا ماتبغاه الله معاها

وان يتفرقا يغن الله كل من سعته

ودمتي

اختي قلب القمر..الله يساعد صديقتك و يكون بعونها..و يشفى ابوك و يخليه لكم

بس كيف تقولين حنون ..معليش اللي فيه حنيه عمره مايفكر يرفع ايده و يضرب..و هو ضرب باليد وضرب بغير اليد..
صحيح انه المفروض انه ما نزلت لمستواه في السب ..لكن مو عذر اللي سواه..

لانه لو واحد يقدر ايش معنى زوجة و اهل زوجة مستحيييل يسبهم..او حتى يخون الامانة اللي في رقبته..
اهل البنت لما زوجوه بنتهم حملوه امانة انه يصون بنتهم و يحميها..و يحترمها و يقدرها..
كيف بيحميها من نفسه..كيف بيحميها من الاذية اللي هو كان سببها؟؟؟

اللي يضرب مرة ..رح يضرب مرة و مرة ..

كل واحد فينا يعصب..بس الحكمة كييييف تمسك حالك وقت الغضب...و ما توصل للعنف..ابداً

بكرة لاسمح الله يعصب ويطلع عن طوره..و تصير مصيبة..ما دام انه ضربها و خنقها.. ما بقى شئ...؟؟
و القرار بيدها هي..وما نقدر نعطيها رأي بان تتطلق او تجلس...لانه هي اللي عايشة الموضوع..و ما لنا الا النصيحة..و الله يصلحهم

__________________
اللهم احفظ اخي و ارفع عنه..و اكشف ضره..و اعده الينا سالماً معافى..عاجلاً غير آجل..

و احفظ اهل بيتي من كل سوء...

يا حي يا قيوم برحمتك استغيث..
حسبي الله و نعم الوكيل..
لا تنسونا من الدعاء..

ماحبيت اقرا ءبدون ماارد عليها ولو بدعاء حتى
حالتها صعبه مو بسهوله احنا نقرر بدالها
هو فيه حاله او ربما عصبي ويطلع من طوره احيان
وهي كمان تعانده وترد عليه
هو مااحترمها عشان كذا هي ردة فعلها تكون بهالشكل

ماقول الا الله يهدي النفوس بينكم
وترجعون زي العسل
والله يوفقهم ويفرج هموم المسلمين اجممعين,,

__________________
مستخدم هذا اليوزر....عده اشخااص
اللهم رب الناس اذهب الباس اشفنا انت الشافي لا شفاء الا شفائك شفاء لايغاادره سقمااا
ادعو لي بالذريه الصالحه السليمه المعاافا ه يارب العالمين

مشكورين على الردود
اللي زايد همها انو ابوها ماكان موافق على الزوج يعني رافضه بس اقتنع بالاخير
وامشكلهه الثانيهه مافيهه مصروف زي الناس يعني ابوها يعطيها احيانا واحيان امها تصرف نفسها اذا احتاجت ومالقت عنده
وهم الاثنين هي وزوجها يحبون بعض بس هي اللحين ماتتطيق تشوفهه

__________________

حبيبتي .. كلهم الاثنين غلطانين .. و كل واحد صحح غلطته بغلط اكبر! حتى لو شو سوى ما كان مفروض تسب امه .. معناته اهيه حتى من النوع العصبي اللي ما يمسك نفسه .. لأنه المراه العاديه و اللي مو عصبيه مستحيييل راح يجي علسانها سب حماتها على طول .. معناته اهيه متعوده علهواشه و السب ( يمكن - في نظري انا)
يمكن اسلوبها اهو اللي يعصبه .. المراه لازم تعرف كيف تقدر تكلم زوجها, متى , و شو الطريقه, والكلمات المناسبه ..
خلاص اللي صار صار .. لازم ترجع من بيت اهلها , وتروح بيتها .. و تتأسف, و تراضي زوجها .. وبعد ما يهدأ تفهمه ان اللي سواه اهو هم بعد غلط , و غلطة كبيره, تفهمه انه لو عادها راح تخبر اهلها , لأن هالشي ما ينسكت عليه ابدا ..
بعدين تفتح صفحه جديده .. تعدل من اسلوبها .. وتجلس معه جلسة مصارحه, تفهمه و تقوله كلللل اللي في بالها ..
ان شاءالله راح يتفهم .. والله معاها =)

السلام عليكم ورحمه الله وبركاته
اشكر كل من شاركني في وجود حل لهاذي لمشكله
اخواتي انا صاحبه المشكله
اختي كيوتي صحيح اللي قلتيه انو مابقى شي بس المشكله اني كثير اسكت وما ارد بس مقدر انا عادي يطقني اكيد ابزعل بس عند ابوي وسبه له مقدراتحمل
حبيبتي شباصه اشكرك على هالدعا والله يجزاك خير مشكلته انو حتى لو نجلس نسولف وحنا مبسوطين يمزح ويقول من زمان من انطقيتي اومن زمان مابكيتي يرفع ضغطي بهالكلمه واذا تسيت شي اوسويت شي بالغلط اقول انا ابغى لي كف علشان انتبهه يرد وهو يضحك يقول من يدي صح (بالله عليكم وشلون تبوني احترمه)
حبيبتي ام وقاص
انا والله تعبت من الهواش اذا تهاوشنا رحت عنه لاي مكان علشان ماتكبرر السالفه حتى انو مره قام من النوم وكان سامع ولدي يبكي وكنت ضاربته وكنت جالسه في غررفه الجلوس وجا هو ودخل علينا وكان توه صاحي من النوم قال وش فيه وشرحت السالفه له وبد بالهوشه وقمت ابي اطلع من الغرفه قام بسرعه وتلني من رقبتي وخنقني وجلس يبرطم بكلام ماله داعي


اسألكم بالله هاذا وشلون يكون الحترااااااااام معه
اتمنى مشاركه اخواني الرجال
واختي ام جمانه
ولايهونون الباقين

__________________

انا مابي اتطلق انا ابي ا حل جذري انو ماعاد يمد يده الطلاق شايلته من تفكيري اناعندي ولدين صعبه اضيعهم

__________________

انا حابة اساعدك كتيير وعن تجربة ما في بعد الاستغفار الزمي والله يا اختي انو متل السحر ردي علي وما رح تندمي وبالنسبة للوالد الله يشفيه الصدقة /داوو مرضاكم بالصدقة/ ولا تياسي من رحمة ربنا

اليوم يخنقها لحد ما يغمى عليها و باجر تموت اب ايده و لا ينفعها اهوا ولا اعيالها الاشقيا .. لازم تكلم الاب و تقوله انه يسبها و يقولها بنت... و تقول انها يخنقها لدرجة الاغماء و انها في اي لحظه تموت اب ايده و ما تبيه و ما اعتقد في اب يوقف ضد بنته لمن يشوف الحاله وصلت للضرب .. و غير السجن الي حاطها فيه !! وين قاعدين و اب اي شرع و اب اي زمان توصل فينه المواصيل انه نتحمل العذاب !!! و نتحمل المهانه !! لا يا اخواتي !! الزواج مو مهانه خل نفتح عينه اذا ما يهتم بالي عنده ما يستاهل تهتمين اب مشاعره و اي حنيه هذي الي تتكلمين عليها !!!!!!!!! حنيه الخنه و لا السجن ولا الشتم ولا عدم الاحترام ولا الحرب الي شانها على زوجته مع اهله !!! اختي بالله عليكم حياتكم غاليه و انتو بنات ناس و بنات عز ..لا يصير العزيز ذليل على شان رجل !! تره الاسلام ما امر اب هل الشيء !! ولا امر بالمهانه !! دين العز يامر بالمعروف او تسريح اب احسان !! الرسول الكريم عمره ما ضرب لا زوجه لا اولاد ذو خلق كريم !! الناس تتطور بالخارج و احنه شوفو وين قاعد نوصل !! انا عايشه اب اوروبا اختي لو تشوفين اخلاق الازواج !! تقولين هذول فاهمين الاسلام و ليسو بمسلمين !! صديقت عمري زوجها يذوب فيها و يعشقها و يقول احب دينكم لانه يحترم المراه !! طيب انا ما اقول كلنه وصلنه هل المواصيل في ناس زينه و لكن والله و ربي قره كل يوم مشكله ..عفوا مو مشكله مصيييبه !!! لانها فعلا مصايب !! افكر ان الزواج صار خوف و رهبه و مشاكل و مصايب !! رجاااء خاص لكلك النساء و لس فقط لصاحبة المشكله .. حبو حالكم و كونو غاليين بالنفس و الروح لا ترضون بالذل ..اختي خل تتطلق من رجل يضرب و يخنق !! هذي زوجه مو عدوة و لمن يعرف الفرق حياه الله ولو اني اشك هذي الناس اللله يهديها لانهم ما يخافون الله اب بنات الناس .. عطاها فلوس و خذاهم ّّ نلعب احنه !! وين يودي فلوسه اذا ما يفسح زوجته ولا يصرف عليها !! صراحه مادري شقول اكثر لانه انقهرت
اختج بني