ولدي بعد شهر راح يكمل سنتين
من شهر و نص ولدي ما ياكل، اذا اكل ربع توست بركه
من 4 ايام اعتدل اكله الحمد لله
امس زوجي اخذ ولدي معاه للمجلس و قال لي في اولاد اصغر من ولدي هناك
انا اطمنت قلت اكيد بيستانس و بيلعب معاهم
لما رجع زوجي ندمت اني خليت ولدي يروح لان الرياييل سووا مقارنات بين ولدي و باقي الاولاد و طلع ولدي اصغر واحد بينهم بس اطول واحد وامتن واحد (يعني مليان) و ابيض واحد
انا كنت متوقعه انهم راح يتكلمون عن طوله بس نسيت اوصي زوجي يكبره 6 شهور
لاني متعوده اكبر عيالي

ولدي مو ابيض وايد يعني بياضه عادي بس قعدوا يسمونه اللبناني الاشقر و اللي يقول ابيض من الثلج
انا خايفه ترد الاكزيما في وجهه مسكين جسمه كله اكزيما ما صدقت تروح من وجهه
و الاكل قلت لكم من كم يوم اعتدل بس من الساعة 12 بالليل لين 4 و نص و هو يرجع توه نايم

ما اعرف شاسوي انا متأكده لو قلت لزوجي لا تاخذه معاك راح يرفض لان كل الرياييل يودون عيالهم و كانوا كل مره يسألونه عن ولده
و حتى لو اقتنع زوجي لين متى راح اخبي ولدي؟
انا كل ليله اقرا على عيالي آية الكرسي و المعوذات و الفاتحه
اذا ممكن تكتبون لي الادعيه اللتي تحفظ من العين اكون شاكره
الله يحفظكم و يحفظ عيالكم من العين

__________________

اقرأي عليه وارقيه واستودعيه الله..والله يحفظلك اياه من كل شر

__________________
[gdwl][gdwl]نفسي الَتي تملك الأشياء ذاهبة.......فكيف أبكي على شيء كان قد ذهب[/gdwl][/gdwl]

جزاك الله خير اخوي

__________________

__________________

مشكور اخوي

__________________

أذا أستمريتي على الوضع الموسوس هذا سوف تتعبي زوجك وأولادك معك


حصن المسلم شامل

يعني خوفي وسوسه؟!

مشكور/ه اخوي/اختي عالرد

يمكن كلامك عدل لاني تعقدت من كثر ما انحسد
يمكن خوف زايد

__________________

كان الرسول صلى الله عليه و سلم يحصن الحسن و الحسين سيدا شباب أهل الجنة بهذا الدعاء : أعوذ بكلمات الله التامة من كل شيطان و هامة و من كل عين لامة

__________________

مشكوره اختي و جزاج الله خير
هذا تقريبا اللي كنت ادور عنه

__________________

الله يحفظ لك اولادك ويحميهم ويخليهم لك آمين يارب العالمين..

__________________