السلام عليكم بسم الله والصلاه على رسوله الله مادري من وين ابدي لكن بتكلم معكم بالعاميه لاني اذا بستفصح بالفصيح مانتم فاهمين شي . بسرد عليكم قصتي ونيتي المبيته للزواج بالمختصر المفيد والاهداف الاستراتيجيه اللي صبتها للفائده العامه واذا فيها اغلاط مافيه مانع من التصحيح .. وفي اخر المطاف اتحاج لي مشورتكم . قبل سنتين من هذا التاريخ .. كنت شاب من هالشباب الداجين يعني من ومن الداجين مره لكن كنت راعي سفريات وروحات وجيات وعلاقات ومن اللي انتم خابرين . بس الحمد الله ماني مشكلجي يعني بالمختصر راعي سفريات اجمع هالفلوس بالشهور وتروح بايام . وكنت رافض فكره الزواج . لهذا السببوهي قناعه داخليه . يعني اذا بتزوج لازم اكون نظيف 100% من الداخل . وسبحان اللي هداني و بدت هواجيس الزواج تطق راسي بشكل عجيب . لكن لم اخبر اهلي وبدت الحرب الداخليه النفسيه وبديت اقاوم رغباتي وسفراتي وبديت اهتم بالصلاه وصرت اكثر من الاشرطه الدينيه واسمع واسمع وقسم بالله حرب بمعنى الكلمه . حتى جا وقت الاختبار قلت بسافر واشوف وسافرت ورجعت والحمدالله كانت سياحه بمعنى كلمه سياحه . وبعد فتره سافرت مع شباب الحمدالله قدرت انتصر على نفسي كان معي واحد من الشباب يقولي تزوج اذا وضعك كذا ....... وفعلا اول مارجعت وقبل كل شي اجريت بعض الفحوصات الطبيه واجريت فحص الزواج اللي كان معاناه لي نفسياً لكن الحمدالله كنت راضي من الداخل سواء كانت النتائج اايجابيه او سلبيه . ولكن ولله الحمد الامور كلها تمام . وفعلا سنتين وانا احاول اصلح مابداخلي من الامور السيئه . والحمدالله احس اني جاهز للزواج . هالحين انا خاطب يعني ماتملكت يعني ماهي زوجتي لان فيه ناس الخطبه عندهم ملكه والملكه عن بعض الناس خطبه للتوضيحه فقط ابي مشورتكم عندي 55 الف ريال هل تكفي اني اجهز شقه باثاث جديد . تكفي لشهر عسل وشلون اقسمها . حاس انها ماتكفي واخر شي ادعولي ان الله يوفقني ويوفق كل من يبي بنت الحلال .

هل 55 ألف هي للشقة و السفر فقط
هل دفعت المهر و هذالباقي
لأن إذا كان بالمهر ,,لن تكفي
حتى بدون المهر ,,تحتاج ل30 ألف او 20 ألف زيادة لتكفي التأثيث و السفر
و على حسب أسعار الأثاث بمنطقتكم’’يمكن تقدر تأثث بأقل الأسعار
يعني يتطلب منك الموضوع تاخذ فكرة عن اسعار الأثاث في منطقتك
(غرفة النوم, طقم كنب,مطبخ) و اختار ما يناسب ميزانيتك

,,

ههههه والله ان شاء الله ان هذا الباقي اذا ماطلع لي شي يمين ويسار .الحمد الله المهر خلصنا منه والذهب اندق الصدر لي فيه والله مادري عن الاسعار لكن تعرف الناس لو تجيب الزين قالوا مايصلح غالي وان جبت الشين قالو شين ومايصلح شكرا لك

انا اشوف انها اتكفي للاثاث وخصوصا بعد رفع الاسعار راح تلقى كل شي غالي

والشهر العسل اكيد بتجيك العانيات يوم الزواج راح اتساعدك طبعا انت وحضك

اذكر واحد من خواني جته اربعين الف طبعا اخوي ملتزام والكل يجبه

اما اخوي الثاني طبعا كان داج مثلك وراعي روحات وجيات بس جته 1400

والمسكين قضاء يوم واحد في الفيصليه

واضطرت زوجته اتبيع بعض الذهب الي عندها علشان مسكينه تبي اتسافر حالها حال العرايس

ومبروك الخطبه والله يتتمم زواجك على خير

__________________
اللهم اجعلني نورا بين عيني خطيبي..
اللهم ارزقني حبه وارزقه حبي وارزقنا حب وجهك الكريم

الله يبارك فيك عقبالك إن شاء الله والله يرزقنا مارزق اخوك الملتزم .. مع اني مستبعد فكره العانيات من راسي 1400 زينه تجيب مكيف .. هههه شكرا لتواجدك الكريم

المبلغ الي معك حليو بس للشقة والسفرة فقط ..

طيب .. المهر ؟ ذهب البنت ؟؟ والزواج (لو عائلي )

عندي احساس ان موضوعك هذا بيشب حرب

وبعد عندي احساس ان بيجيك ناس يقولون لك مهو لازم

شهر عسل ولا لازم زواج ولا لازم اثاث جديد ..

سنتين تعدل حالك

اجل هونت ماني متزوج اروح اخلص دراستي و اطحن الحب و اعدل من نفسي بعدها


و بعد كذا اتزوج


للمعلومية و الله
انا رجعت بتزوج لكن يوم شفت امور الزواج و المشاكل و وجع الراس بديت اغير رايي الى حين ميسرة

اي والله سنتين حرب ضروس والله اذا ماعندك الا الدراسه تزوج احسن لك اما اذا عندك امور غيرها افتك منها من هالحين والله يوفقك ان شاء الله صف النيه

خل الحب ينطحن وتنطحن معاه بمرض ولا مصيبة

الله يتوب عليك

والله مالي شغل لو تشب معارك متزوج ومسافر الله لا يعوق بشر هههه حياك الله