السلام عليكم ... أخوتي وأخواتي
جيت لكم اطلب النصح منكم في حل مشكلتي...
مشكلتي هي انني كنت مع زوجي في السيارة ونزل زوجي لمحل من المحلات ليأخذ غرض فقمت انا وفتحت الفتحة الأمامية التي توضع فيها الاوراق ويال صدمتي وجدت جهاز موبايل وفتحته ... لم أجد به ارقام ولكن زعلت وحز في نفسي انه لم يقم بإخباري عنه... طبعا في السيارة سويت عمري لاادري وقمت وفتحت الدرج مرة أخرى فتناول الجهاز مني وكان معصب ورماه في الدرج وأغلقه بقوة.... لا أدري أنا غلطانه والا كيف؟؟ اتساءل لماذا اخفى عني هذا الشيء.. للعلم دائما جهازه الذي يستخدمه على الصامت وأيضا مقلوب ... هل يدعو الأمر للشك؟

يمكن الجهاز لاحد اصدقائه ؟؟

ليش سوء الظن ؟؟

يعني لو رجعتي الجهاز زي ماكان ..
وفي الليل ووقت الرومانسيه قلتي له
( يازوجي و نور عيني . اليوم بالخطأ شفت جوال في درج السيارة )
وتوقعته هدية ليا ...
ممكن تكون هدية ؟؟ لاني انا اموت في مفاجأتك

والله وقتها يمكن يصارحك بكل شي

اما انتي .. اسئتي الظن و فتشتي الجوال .
وفي الاخير اللي كسبتيه انه زعل منك ورمى الجوال في الدرج

احيانا يكون الزوج مخطئ .. ولكن المصارحة لها الدور الكبير في ذلك


بعدين .. اذا كان على الصامت ودايم مقلوب .. قولي له ان الشي هذا يضايقك ولو انتي مقصره في حقه
عاقبني بس مو تسوي حركات تخلي الواحد غصب عنه يشك فيه ..

__________________

لا جهازه القديم بس الشريحة جديده لاني اتصلت منه على جهازي

انا كلمته بكل أدب ورقه...وللعلم ما اعتقد اني مقصرة معه في شئ ..بس استغرب لماذا لم يصارحني.. فتشته لاني كنت اظنه بلا شريحه لكني فوجئت

بصراحه انا بعد لو كنت مكانك لتضايقت وخاصه انه يجعل تلفونه ع اصامت ويقلبه الامر مثير لشك

وخاصه اذا انت على يقين انك لم تقصري بواجباتك اتجاهه كزوج

لكن لا تتسرعي ف الحكم عليه

لعله لا يحب ازعاج الجهاز او ما شابهه ذلك

لا تحكمي عليه الا بعد ان تتاكدي من شكك

__________________

اماني طفله
اتمنى يكون شك بس لو تدري يا أختي انني لا ادري كيف اتأكد

يعني أنتي طيب ماسألتيه ليه الجوال فيه شريحه ؟
أكيد من جوابه بتفهمي أذا كان الأمر يستحق الشك أولا
ولاتنسي غاليتي أن الشيطان يجري مجرى الدم وفرحته يسوي مشكله بين زوجين أعوذبالله منه
الله يوفقك ويسعدك يارب

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

شوفي حبيبتي
بعض الرجال مدري اشفيهم

يشوفون ان جوالهم سررررررررررررررر خطييييييييييييييييييير ويمنع اللمس والاقتراب

عشان كذا ما استغرب من زوجك انه يقلب الجوال
مايحب يخليك تعرفين حتى اذا جاه اتصال

شوفي
زوجي عنده جوال ثاني هو بعد وتاركه في السياره
بس انا اكتشفت ليش
ياخذ اي رقم غريب من تلفون البيت ويقعد يدق من هالشريحه عليه
عرفتي
الا يعرف مين دق علينا

اي رقم غريب يدق عليه او علي من الجوال
ياخذه بدون ما اعرف ويدق عليه من الجوال اللي بالسياره
هذي وظيفة الجوال ..


اذا عجبته اي رساله عنده في جواله تصدقين مايخليني اقراها الا بعد مايسوي اعادة ارسال
ويختفي اسم المتصل من الرساله
بعدين يعطيني الجوال واقراها
مايحب اشوف اسم اللي مرسلها له

ما ادري ليه
مع انه لما ينام وامسك الجوال
يطلع اسم اخوه او اخته او ولد عمه

بس ليش مايخليني اقرا الاسم؟؟؟؟؟؟؟؟؟؟؟؟؟؟؟؟؟؟؟

له عقليته
وزوجك له عقليته


لا تشكين انتي فيه
ولا تنكدين على نفسك ابدا
ابدا

وهم يحبون يسوون اسرار لهم مع انها بايخه وتافهه وسخيفه
بس كذا حركات

طالما هو مو مقصر معك
ابدعي في اسعاده علشان فعلا تملين عينه وقلبه وروحه
وحتى اذا عنده بلا في جواله مع الوقت انتي تملين عينه وقلبه ويبطل منهم كلهم

__________________
[/IMG]