حبيبتي اذا مليتوا من الروتين غيروه ... المفاجآت الرومانسية لتجديد الحب وليست لتغيير الروتين ..

تغيير الروتين يعني تسوون الشيء الي متعودين عليه بس بطرق واساليب مختلفه علشان تبعدون الملل ...

مثلا : غيري في الطبخ وفي الوصفات ... بين فترة وأخرى ...

يوم تشوفين نفسك كل يوم بنفس المنظر نفس قصة الشعر ونفس الملابس بتحسين بالملل .. غيري من استايلك
بين فترة واخرى لنفسك اولا ..

غيري البرنامج اليومي خليه يتضمن ... الالعاب ... الرحلات وانتِ خططي لها ... زيارات لأماكن زوجك ما يعرف عنها ...
انضموا لدورات مع بعض ... غيري الالوان في البيت مثل : لون الفراش والمخدات وغيرها ... مارسوا الرياضة سواء
المشي او التمارين الرياضية او اليوجا ... خصصي يوم في الاسبوع وخليه يوم للراحه والاستجمام وتغيير الجو والمرح
لا تنسين حلقات الذكر وزيارة المسنين ودار الايتام وتوزيع الهدايا عليهم ترا اثرها عجيب على الحياة الزوجيه ..
شوفي اهتمام زوجك واعرفي لشو يطمح وانشغلي معاه وشاركيه ... تعرفين جربي غسل السيارة معاه بين فترة واخرى
والله لحظات قمة في الوناسة ... هذي بعض الافكار اللي اطبقها جربيها يا حلوه ...

دائما اذا احسستِ ان الملل بدأ يتسلل لحياتكم ...اسئلي نفسك مالشيء الذي اريد ان افعله الآن وسويه ... ونفس
السؤال اسأليه لزوجك ... واعملوه مع بعض ...

الله يسعدكم ويحفظكم ويبعد عنكم الملل ...