عمر الهروب ما كان حل ..
الحل هو المواجهة و تقريب وجهات النظر بالحوار الهادئ ..
الزوجات اللي تقولين ما يهتموا بازواجهم ابدا .. ليش تزوجوا ؟
المفروض تحتسب المراة حسن تبعلها لزوجها .. بأنه طريقها للجنة ؛

حبيبتي أم داليا ..
شرفتي موضوعي ..

اتفقنا انا وزوجي كل واحد يعيش حياته باستقلاليه عن الاخر حتى في النوم له غرفته ولي غرفتي
اتمنى اكيف نفسي على وضعي الجديد
زوجة مع وقف التنفيذ

__________________

لا اله الا انت سبحانك اني كنت من الظالمين

حبيبتي دلوعة مودي

عندي أعيش من غير زوج ، و لا أكون زوجة مع وقف التنفيذ ..
الحياة نعيشها مرة وحدة .. يا أعيشها صح ، يا أرفضها كليا ..

زوجي لازم أنا أحركه ، أنا أدفعه ،.. إلخ
يعني أحسه خلاني ( رجل بمظهر انثوي ) ..
و أنا أكره الشئ هذا .. في بيت أهلي كل شئ أخواني يعملوه لنا


و لو تركت له الجمل بما حمل ، بنجلس ( محلك سرّ )
و زوجي ما همه أبدااااااااااااا .. يومه بمليون سنة ..


فأبغى أتعلم كيف أعيش عزوبية .. أبغى أتعلم كيف أنساه ..
عشان أشتري راحة بالي ..

أتظاهر أمامه بالتطنيشششش ،،
بس يقهرني بروووووووووووده ..

أمور مستقبلية ، ألقاه بارد

في الغربة كنت ممشية أموري و الحمد لله ..
لإنه هناك تعتمدي على نفسك .. بس هنا الوضع مختلف تماما

كلامك صحيح اختي الحياه اما نعيشها صح والا فلا

بالنسبه لي استسلمت واصبحت سلبيه بعد خيانته لي وقبل كنت احب الحياه والتجديد وروحي حلوه

بالنسبه لموضوع زوجك سبحان الله العظيم نسخه من اللي عندي

يقولون غير جبل ولاتغير طبع

طبعا انتي ماتبغين تغيرين طبعه وايضا ماتقدرين تغيرين طبعك

اختي انا مثلك ما احب الزعل والنكد بيننا يزعلني ارضى بسرعه يطنشني اجيه يهيني اتنازل

آخرتها اليوم قال لي انتي مريضه وشكلك متغير قومي المستشفى قلت له مابغى تعبت من المستشفيات كرهتها انا نفسيتي تعبانه وهي الاهم عندي انت السبب قال لاتهتمي فيني انا طنشيني لاتمرضي نفسك وتتعبي عشاني
شي يقهرررررر

اسم زوج والمسئوليه علي لوحدي اطفال وبيت ومدارس وحتى مصاريف

بس خلاص الى متى !!!

اتكالي .. سلبي .. محملني الجمل بماحمل ..

حتى ماديآ ادعمه بلا حدود كنت اقول في نفسي زوجي وابو اطفالي وحبيبي وشريك حياتي بعد خيانته اكتشفت اني كنت هبله وساذجه ومغفله

المفروض اننا نرمي عليهم المسئولية ونطنش ونعيش حياتنا لكن خلاص انا عودني هو اني اتحمل كل شي وما اصبر ولا اعرف اطنش ولا احب الزعل وهذا كله لصالحه طبعآ وضدي لانه كله من اعصابي وصحتي

اتمنى تحصلي حل وتقدري تقوي نفسك وتغيري طبعك وتعيشي حياتك وماتكوني مثلي ضعيفه ومحطمه

__________________

لا اله الا انت سبحانك اني كنت من الظالمين

دلوعة مودي حبيبتي

إنت طيبة مرررررررة مرة مررررررة ماشاء الله ، كم مرة قلت لك ..
و الله يعطيك القوة على تحمل الظرف الحالي .. من جد قلوبنا معاك
و ربي ما راح يضيع أجرك إن شاء الله ، بس احتسبي الأجر عند ربنا


أنا ( كنت ) مثلك يمكن ، بس تعلمت أخبي طيبتي و ما أظهرها دايما و أتحكم فيها ..
أتحكم في عواطفي ، بس الصراحة زوجي يحزنني مرات ..
و هو عرف كيف يتحكم بالزر هذا .. عارف كيف يراضيني بكلمة ..

اعترف إنه بدأ من سنة و نص ، بدأ يحاول يسعدني و يرضيني و يتغير ،.
بس هو كذا و هذه طاقته.. لإنه تربيته كذا و هو جنوبي و ما حيتغير ..

زوجي يشبه زوجك في بعض الأمور صحيح ..
من ناحية الإتكالية و السكوت و كذا ..

بس الميزة يمكن و اللي مخليني أسكت ..
إنه هناك أمور تعدلت في زوجي للأفضل يوم أقارنها ببداية الزواج
و يوم يجي يحنن قلبي عليه ، يقول ( شوفيني كيف تغيرت عشانك ؟ )


بس لازم أفضل وراه على طووووووووول ..
و أمشي معاه على شعرة معاوية ، أشد و أرخي .. أشد و أرخي ؟؟؟؟

نفسي أطنننننننشه و لا أفكر فيه

اها الحين فهمت ..
زوجك يحتاج شوية حرية له وراحة لك ..
بس لا تبعدين واجد مثل إختك ..
موفقة يارب ؛

زوجي ماخذ كل الحرية و الراحة ..

يبغى يعيش بدون ما يتحمل مسؤوليات ،، يبغاني أكون الرجل في جسد امرأة
و يبغى يكون امرأة في جسد رجل ..

زوجي يكره تحمل المسؤوليات .. و سلبي تماماً

أنا معطيته كل الحرية ..
بس أبغى أشيله من بالي ..

أبغى أتحكم في نفسي ، و أبغى أكرهه ..
مشكلتي أرضى بسرعة و بسهولة و بثواني ..

أختي تسميني ( هبلة ) لإني أزعل و بعدين أسامح بسرعة و بكلمة وحدة
أمي كمان تسميني ( عبيطة )

يعني أنا مع كل الناس ، أبان قوية و شئ ..
بس ما أتحمل أحد يزعل مني ، و قلبي يوجعني ..

عشان كذا ، زوجي عارفني .. أرضى بسرعة
و يلحس مخي بكلمتين وو أصدقه .. بعدين أنقهر من نفسي ؟؟؟؟


الحل :
أتعلم كيف أعيش زي قبل ما أتزوج ؟؟؟؟

أبغى أعرف نقطة ضعفه ؟ ليت Beta2 تفيدني إيش نقطة ضعف الرجل الجنوبي
مو عشان يحبني ، عشان أخليه ينقهر من تطنيشي له ..

بأكتب موضوعي ، و زوجي مبسووووووووووط مرة دحين مني ..
و أنا اللي أكل نفسي من القهر و وزني نزل أكثر ماهو نازل ..

بأعمل الشئ اللي يعجبه ، أخرج ، أتمشى ، أشغل حالي ، أزور قريباتي ، أنام عند أخواتي أو عند أخوي ،
أروح الأسواق ... إلخ

هو يحب إنه زوجته تكون كذا ،. و بأعمل اللي يرضيه
و هذا كله بأعمله ، لكن لا إرادياً ( بأفكر في زوجي ، و غصب عني )


يعني لا إرادياً ، أكون جالسة مع أختي ..
أتصل عليه مرة وحدة ..
( كيفك حبيبي ؟ بس حبيت أسمع صوتك )

أختي و لا تتصل على زوجها و إذا كلمته تقوم تلويي بوزها .. و تقول ( نعمممم ؟؟؟ طييييب .. إن شاء الله )
طراااااخ .. تقفل السماعة ..؟؟؟؟


أحس يوم أبدأ أتناسى إنه لي زوج ، أبدأ أهتم في صلاتي مثل زمان ..
و أقرأ كتب و مواضيع دينية و اجتماعية و غيره ..


اللي يشوفني يقول يا بختها ..
بس أمس قتلت نفسي من البكاء .. و زوجي يسألني بكل برود ( ليش البكاء ؟ )
و يسكتني بكلمتين ( حفظتهم منه ) ..

الظروف شايفة كيف ..


عشان كذا ، ما أبغى أحرق في أعصابي ..
و لو وحدة مكاني ، بتعيش حياتها و تطننننننننننش كل شئ .. يوم زوجها يفتكر إنه عنده زوجة ، الله يحيه ..