كنت امس في السوق وعلى وقت اذان العشاء واغلاق المحلات صرت ادور واشوف من برا زجاج المحلات وكنت ادف بنتي بالعربية ما دريت الا اللي واقف جنبي ويتكلم..في البداية ما ادري وش يقول ..توقعت شي طايح مني او يخبرني بشي المهم التفت وقلت وش فيه!!!قال اعطيك الرقم!!!! انا هنا درات الدنيا فيني من جد تسارعت نبضات قلبي لأني ما توقعت خاصة ان عباتي ساترة وفوق الراس ووسيعة بس كنت متنقبة (طبعا عشان اتفرج على المحلات) ومعي بنتي وماكنت اتلفت بالعكس منشغلة بالمحلات اشوفها من برا لأنهم وقتها مسكرين للصلاة..
طبعا رفضت ورحت بسرعة عن المكان..ويوم جاء زوجي وشلت بنتي من العربية والا القى ورقة فيها رقم ..طلع ذب الرقم بالعربية من غير ماانتبه الحمدلله ان زوجي ماشافه..لأنه شخص ما يتفهم
مش هنا المشكلة .. المشكلة ان الافكار قامت تجيبني وتوديني والهواجيس تلعب فيني
هل تجرأ الشخص هذا علي مع لبسي الساتر سببه زوجي ورجوعه لخيانتي؟؟؟!!!!
بتقولون وش دخل زوجك!!!!
حتى انا مثلكم قبل كم سنه كنت والله ما اصدق بمقولة من دق باب الناس دقوا بابه...وكنت اقول وش دخل اهل الرجال بغلطة الرجل.. ولكن قدر الله لي ان اصدق هذي المقولة بعد حادثتين حدثت لي قبل كم سنة ووقتها ما كنت ادري عن خيانه زوجي.. والحادثتين بدون تفصيل كانت مغازلة وبوجود زوجي ومشاهدته امام عينيه مع العلم اللي كانو وقتها يغازلون ويتحرشون ما يدرون ان زوجي على بعد خطوات عني ويشوفهم .. المهم انهبل وثارت ثائرته وصارت مشكلة وبعد ما رجع للبيت لا اكل ولا نام .. وانا يا غافلين لكم الله كنت اهديه واطمنه واقوله احمد ربك انك شفت الموقف وشفت برائتي والا كان الموقف اصعب من كذا ,,, ووقتها كان يخوني ويكلم بس مادريت الا بعد فترة حتى وحده من اللي يكلمهم كان متسلط عليها وتبغى تقطع العلاقة وهو بس يرسل رسائل خادشة ويزعجها ويهددها(هذا الشي عرفته بعديييييييييين ومتأكدة منه واطلعت على تلك الرسائل وقتها
المهمممممممممممممممممممممم الحين مرة ضايق صدري وقلت لا يكون زوجي رجع لخرابيطة مع العلم بعد اكتشافة اخر مرة وهو تقريبا كما يبدو لي من الخارج انه نادم
بس بعد ترقيمة هذا الشاب لي مع تستري,,, خفت.. وساعات اقول خل اقول لزوجي سالفة الترقيم واذا هو عنده خرابيط يهون ويتوب .. لأنه في المواقف السابقة الذكر بعدها تاب
وش رايكم؟؟؟ ابغى رد من الحكيمين... وش اتصرف عشان ارتاح واتأكد ان زوجي ما رجع للمكالمات .. وان ترقيم الشاب ابتلاء لي ماله علاقة بزوجي؟؟؟!!!!!
جدا حايرة وجدا منشغلة.. والافكار توديني وتجيبني والرقم معي ودي أسأله بالله وش اللي خلاك ترقمني مع شكلي وعباتي الساترة !!!!!
هل عادت المقولة من جديد (من دق باب الناس دقوا بابه)؟

__________________
استغفر الله

{كل نفس بما كسبت رهينة}
فلا يمكن أن يؤخذ من حسناته إلى غيره، ولا أن يؤخذ من أوزار غيره

وقوله : {وَلَا تَزِرُ وَازِرَةٌ وِزْرَ أُخْرَى}
أي لا تؤخذ نفس بذنب غيرها


ويمكن أن تشاركيه في الاثم 00إن سكتي عن ذنبه ورضيتي من اجل حاجه في نفسك 00
فالمطالبه بحق الله والجهاد في ذلك هو النجاة

وما يجب أن تعرفيه - أن كل إنسان يمر بما مررت به من فتن وانا اولهم وبكل الطرق
لكن - علينا حسن المواجهه والتصرف العقلاني مع تلك الأمور

وإذا زوجك تاب - فتعوذي من الشيطان واوصدي ابوابك عنه

دمتي في حفظ الله

__________________

يا أختي لا تفتحي على نفسكِ باباً للشيطان .. ولا تحكمي أو تظني بزوجكِ دون دليل وبينة .. وما دام قد أعلن توبته ولم تري منه بعد ذلك إلا الخير فاستعيذي بالله من وسوسة الشيطان.


بالنسبة لإخبار زوجكِ .. فالأمر يعتمد على طبعه .. فإن غلب على ظنكِ أنه سيتعامل مع الموقف بهدوء ودون تحميلكِ ذنب ما حدث فأخبريه.


أما أن تتصلي بالشاب وتسأليه: ليش رقمتني؟ .. فهذا باب آخر يوسوس لكِ الشيطان لفتحه .. فانتبهي.

__________________


اللهم طِيبَ الأثر .. وحُسْنَ الرحيل.

اهلا اختي شقردية..جزاك الله خير على ردك ولكن عندي تساؤل..
وش تقصدين بالنص المقتبس اعلاه؟؟؟ واي ذنب اسكت عنه؟؟

__________________
استغفر الله

ابشري ريتاج
اوضح لك قصدي 00
انه إذا اذنب زوجك واثم في امر ما - مثل خيانته -
فواجبك نحوه - امره بالمعروف ونهيه عن المنكر

فإن علمتي بمعصيته وسكتي عنها لحاجه في نفسك - خوفك منه مثلا - تريحين بالك 0000الخ
فأنتي اشتركت بالاثم معه 00 والخوف أن يكبر الامر فتغرقون سواء
ففي الدنيا قد يؤاخذ بعضنا بجرم بعض 00لا سيما إذا لم ينه الطائعون العاصين

الله يجعلك من احبابه

__________________

يا اختى اهم شىء مزقى الرقم
لان وجوده معك ربما يجرك الى
ما لا تحمد عقباه

ولا تنسى ان الشيطان يجرى
من ابن آدم مجرى الدم

اما رغبتك فى سؤال الشاب
فهذا من تلبيس ابليس لكى
تقع الفأس فى الرأس
لا قدر الله

اما موضوع اخبار زوجك فلك كل
الحرية وانا طبعا مع مقوله دقه
بدقه اكيد سبجان الله ، ومع اخبارك
له حتى يفيق اذا كان مستمر
فى المعاكسات

__________________

أختي ,, حذاري أن تخطي هذه الخطوة ,, وتفتحي على

نفسك ,, باب الشيطان ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

قولي حق زوجج عن السالفة من باب قصة وحدة شفتيها بالسوق
ان زوجها يغازل وهي لما زوجها راح للصلاة غازلها شاب

وشوفي شنو ردة فعله
اذا بيتهم البنت لا تقولين له ابدا
واذا حط اللوم على الشاب

اهني
طلعي بعينك وحطي عينك بعينه بدون ما تتكلمين
واذا سالتج شفيج
قولي هاه لا ولا شي


موفقة

__________________
لا اله الا انت سبحانك اني كنت من الظالمين

و الله انا مو شايفة الموضوع كبير يعني كتييرشباب بيرقمو البنات و ما بينقو البنت لا اتلاقيهم كل ما مرت وحدة رقموها
وانت كان الموعد الي طلعت فيه متأخر شوي ويندر وجود بنات يمكن عشان هيك بس

مرحبا اختي
انتبهي تدقين انتبهههههههههههي تكفين دول ناس واطيه ولاتنزلين نفسك لمستواهم
ولاتخلي الشيطان يوسوسلك عشان زوجك
موشرط يكون هوا مسوي شي ترا الاشكال دي كتيره ومعروف ان السوق اكبر مجمع للشياطين وانتي عارفه
ارمي الرقم وانهي السالفه
وربي يوفقك