السلام عليكم ..

اكيد العنوان غريب , بس الموقف اللي صار لي أغرب , موقف سخييف واسخف من السخيف ..

بس كان له عوااقب كبيرة جداً علي .. دمر علاقتي بزوجي وقبل كذا دمر نفسيتي كثيير ..؟!!!

اوضـــــــــــــــح : أنا اكررره الحشرات بأنواعها أكررره جدا , و اكرره " الصراصير " بشكل خاص ..

أحس بقشعريرة بجسمي من مجرد ما اشوفها , اتقـــزز منها جدا جدا .. وزوجي يعرف هالشي ..

واللي صـــــــــــــــــــــــار :

ان زوجي احياناً يروح للإستراحة , وهالإستراحة قذرة قذرة قذرة , فيها انواع الحشرات ..

وكل مرة يجي منها تطلع من اغرضة كم حشرة , فقلت له لا يدخل اغراضه البيت , يخليها بالحوش

والشغالة تنظفها بعدين تدخلها ..

وفي نهاية هذى الإجازة جاء زوجي من الإستراحة , لكن هالمرة دخل اغراضه البيت . فقلت له :

ليش تدخلها ..؟! قال : لان ما فيها شيء , تعالي شوفي , فقام يفتش فيها ..

وطلع منها صرصور , أنا خلاااص انهرت يوم شفته , فقام زوجي وشاله بيده ورماه جهتي ..!

جتني حالة هستيرية جلست اصااارخ , والصرصور يمشي بسررررعة ناحيتي ,, واحنا عندنا في البيت

بسه , جت تجري ورى الصرصور ويلفون حولي ..

وزوجي يمشي وراهم ويصور بالجوال ,, وطلع الصرصور على رجلي وانا من الرعب ما قدرت اتحرك ..

فقدت الوعي " اغمي علي " ...؟!!!

وما حسيت بنفسي إلا زوجي يصحيني ويعطيني مويا , ويقولي خلااص موته شوفيه ماات ..

من بعدها وانا تعبااانه ,, مو طايقة زوجي , ولا طايقة اتكلم معاه , ولا حتى اطالع فيه ..

ولاني قاادرة لا أكل ولا اشرب , وكل ما كلت شي رجعته على طوول ..!!!

زوجي اعتذر واتأسف وقال أنا مو قصدي وما كنت ادري انك بتخافين لهالدرجة ..

كل يوم زوجي موديني المستشفى , يعطوني محاليل ومضادرات غثيان بس ما فادتني ..!

من ارجع البيت ترجع حالتي واكرره كل شيء , وارجع المستشفى , أخر شيء الطبيب قال لزوجي

بعد الفحوصات : هي متضايقة نفسياً ..!!!!

صارلي خمس ايام , وانا مررهقة , وكااره زوجي حتى وقت انام اعطيه ظهري ..

بنتي مو قادرة اشيلها , طول الوقت يامع زوجي أو الشغالة ..!!!

...

أدري ان الموضوع ما يستاهل , بس مادري شو صار فيه ..؟!!

مو قادرة اتحكم بنفسي ولا مشاعري ..!!

صار لنا ثلاث سنوات متزوجين , تصير بينا احيانا مشادات بسيطة وعاادية جدا ..

لكن اول مرة يصير معي كذا ..!!

تعباانة ودي اجلس وحدي وما ابغي اتكلم مع اي حد ..!!

فيه غضب كبير على زوجي , ودي اسبه واشتمه واطلع كل اللي بنفسي ..

بس يمنعني انه اعتذر وعارف غلطه .. ! واني انا كمان مررهقة وما فيني حييل ..!

وعليكم السلام ورحمة الله وبركته,,
أسئل الله أن يجعل الصرصور اكبر همومك ,,,
احمدي الله , وقابلي زوجك بالصفح الجميل , هناك من عفت عن زوجها لخيانته مع صرصوره فمابالك بالصرصرور.

__________________
ياحي ياقيوم لاتجعل في قلبي سواك ولاتشغلني بغيرك ياارحم الرحمين

رومانسية ال .......يرمي على زوجته صرصور..!!

هو غلطان ما فيها كلام .. بس العذر إنه قصده يمزح لا أكثر..
أنا بعد عندي فوبيا حقيقة من الصرصور أفقد السيطرة على نفسي تماماً..
الله يجيرنا منه
المهم استهدي بالله واذكري الأذكار .. وغيري جو بعمره أو سفر كم يوم..

بس بنتك وش دخلها بالقصة..؟

يا اختي الكريمة ..انا اتفهم احساسك ، انتي يلزمك فترة ترتاحي فيها ، واذا شفتي نفسيتك استقرت شوي ، خذي زوجك بهدوء ، وخليك قريبة منه مرة ، وعاتبيه عتاب المحبين بكل هدوء ، خليه يضمك وابكي في حضنه ، علشان يرجع لك الشعور بالامان في حضنه ..عيشي حياتك وانبسطي مع زوجك ، واضح انه انسان فيه صفات حلوة ، اراد ان يشاكسك ويمازحك فقط ،لا تلتلفي لما حدث ابدا .

اما انتي اختي توت ، دمك زي العسل، ضحكتني من قلب..الله يسعدك...ويسعد صاحبة الموضوع دنيا واخرة .

اختي مشكورة لكِ ..

انتِ ما فهمتيني ,, ادري أن الموضوع بسيط ,, وادري انه فيه اكبر ..

وشكرا لك مرة ثانية ..

اختي اقولكِ تعباانة ما ني طالعة لأي مكان ولا ابغى اشوف اي شخص ..

وما فيني حيل لأي مشواار ..!

بنتي ما لها دخل بالقصة ..

بس انا كااارهة كل شيء, حتى بنتي , ومو متحمله اي شيء ..!!!!

شكراً لكِ روح ..

صحيح نفسي ارتااح .. وانسي اللي صار ..

والعتاب ما يشفي اللي فيني ,, احتااج شيء اكبر والله ..

احتااج افرغ اللي داخلي ..

بصراحة حالتك عجيبة جدا لكن نصيحة لابد من جلسات نفسية حتى تتخلصي مما أنت فيه ... ولا نستطيع لومك فربما ماأنت فيه خارج عن إرادتك لأن ماحصل تافه جدا ولايستحق ماأنت فيه لكن الطبيب النفسي قد يستخرج علتك التي تخفى علينا ... أسأل الله أن يفرج كربك

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

وعليكم السلام ورحمة الله وبركته

تصدقي ضحكت من بعد ماكنت منكده من موضوعي تبع سلفتي ...

ياقلبي زوجك مايقصد يأذيكي كان يبغى يمزح معاكي

على فكره حتى أنا عندي فوبيا بس مو من الصرصور ...يووه أموت رعب من الوزغه وزوجي يمزح معايا

دائماً ويقولي أقتل وزغه وأجيبها لك قلت والله أموتك معاها طبعاً هو يمزح وانا أمزح

حبيبتي أصفحي عنه وأعتبري إنو اللي صارلم يكن وتوبه زوجك لوعاد يكررهالمزح التقيل معاكي من تاني

والله يسعدك

__________________

عزيزتي..
الله يشفيك ان شاء الله..
فترة وتعدي أكيد ..
بس حاولي تفهمي زوجك .. انك متضايقه وتبغي تتجاوزي الموضوع ومانتي عارفه كيف
وتبغيه يساعدك..

__________________

>> لا إله إلا أنت سبحانك إني كنت من الظالمين <<