السلام عليكم
بدخل في الموضوع على طول
حاسه أني خدامه مو زوجه
يدخل البيت يأكل ينام
مايعطيني وجه واذا عطاني تطنز علي
اليوم خلاص وصلت معي احس حياتي روتين بدون زوج
اربيله عياله بدون مقابل
حتى تصدقون مايبيني اسوي شي البناتي من قص شعر
او تسريحه مره قصيت شعر وحده منهم قوم الدنيا علي
وقال انتي مالك حق تقصين شعره انتي تلبسين وتحفظين بس
وواذا تبي تسوين شي بشكالهم لازم يكون عندي خبر
وزعل علي3 ايام ورحت البيت اهلي بعد ماشفته مطنشتي
وعرفو اهلي بالسالفه ابوي الا الحين كل مايتذكر السالفه
يضحك يقول امك تصلعكم ماعمري زعلت ولا اهتم اصلا
طبعا احترمت وجهة نظر زوجي وقمت مااخلي المقص
يلمس شعورهم
عشان مايزعل
هذا غير انه مايجلس بالبيت الا نادر جدا ومخلي كل مسؤليات البنات علي
ضايق خلقي منه والله أصيح من الوحده وهو ولا هامه
الايباد ولابتوب ماأقدر امسكهم من ازعاج بناتي راحه مافيه
معتمده علي نفسي لا شغاله ولا شي بيتي كل يوم انظفه مهتمه بنفسي ومع ذالك ينتقد
يخليني انزل3 ادوار من لإعماره ومافيها اصنصير ولا شي ومعي بنت بالمهاد و ثانيه سنتين وهو تحت ينتظرنا ماكلف نفسه يصعد يساعدني وإذ قلتله تعال ساعدني عصب وسوا سالفه
تعبت من حالي محبوسه وهو ولا درا عني
ادري في ناس حالهم اصعب مني مع أزواجهم بس أنا حاسه انه في حل بس ماعرفت احلها

والله يااختي الحال من بعضه تطنيششششش محترم يارب صبرنا بس الله يحنن قلوبهم علينا بس

حبيتي كلميه قوليله اللي بقلبك
اجلسي معاه وخبريه بكل شي مضايقك منه
ولا تقعدين كاتمة بقلبك اي شي يصير صارحيه شوفي
شنو ردة فعله هل بيسمع كلامج وبيتغير او لا
واذا تم على نفس الحال في طريقة ثانية بس اول شي كلميه
والله يهديه يارب

__________________

مادري وش اقولك بس كل اللي ذكرتيه يسوونه كل الحريم ليه مستكثرته
حتى اسلوب التحكم موجود فأغلب البيوت

ويمكن يبغالك تنظيم لوقتك واشغالك المنزليه لأنك تشتكين من كثرة الشغل
وشلون يجلس فالبيت وانتي مشغوله طول الوقت وماتلقين وقت حتى ترفهين فيها عن نفسك

اول شي ابدأي بترتيب وتنظيم وقتك واذا البنات ينامون متأخر حاولي تخلين موعد نومهم قبل دخوله البيت على الاقل بنص ساعه
النص ساعه هذي استرخي فيها وضبطي نفسك ودلعي نفسك ( ممكن اضافه للمكياج البسيط والهادي مناكير حمرا تكون اسلاميه حتى ماتتعبين مع كاسة عصير ليمون بالنعناع وجلسه رايقه على التي في او اللاب توب)
خليه لما يدخل مايشوف زوجتة لا يشوف ملكه جالسه
اهم شي انسي انك تستنينه ولاتخلينه اكبر همك
حبه حبه تلقينه هو اللي يستناك بس اذا صار مثل ماتبين لاتتغيرين ابدا
اهتمي بكل شي انتي تحبينه
اذا كلامي ماجاز لك السموحه
الله ييسر امورك ياااارب

ليه مستكثرتيه !!!!!!!!!!!!!

اسمحي لي إختي إذا ظل التفكير بهذي الطريقة عمر المرأة ما راح تاخذ حقوقها وبتخلي الرجل دايما يركبها و يدوسها
و الأعمال المنزلية أصلا ماهي من واجبات الزوجة... نعم هي تقوم بها لحسن التبعل و للأجر

حتى ما يجي يحمل البنات و يقعد بس ينطرها في السيارة هذا عادي !!!!
هذي الرجولة ؟؟؟؟؟
بدل ما يساعدها و يشيل عنها!!!! يا أخي بس شيل بناتك ... وش فايدة هالعضلات

و بعدين وش سالفة إن يحجم دورك بالتبديل فقط....
الأم مدرسة و هي اللي تربي و هي تسهر على راحة أطفالها
إذا بأبسط الأشياء مثل قص الشعر عمل منها سالفة ، الله يعين إذا كبروا البنات
هذلين بنات و كذا يعمل - و هي أخبر بالتأكيد بسالفة اللبس و الشعر - عجل لو أولاد وش سوا !!!!!!!

الله يعينك بصراحة يا أختي ... و محشومة إنت منت خدامة ... هذا كله أجر من رب العالمين إن شاء الله

بس برضو ما يصير تستمري بهذي الطريقة ... راح يجي يوم و تنفجري
مو معقول كله سهر و أصحاب و قعدات و إنت مهملة ... في النهاية الكلمة الحلوة و التقدير وقود للمرأة عشان تقدر تستمر في العطاء

حاولي تتفاهمين معاه قبل لا مشاعرك السلبية هذي تتراكم و يحدث مالا يحمد عقباه

__________________
الدنيا يمكن تكون حلوة ... بس يا ريتيني أقدر أفهمها !!!

طيب ياعزيزتي انا ماقلت انها من الواجبات
حتى هو ماهو واجب عليه انه يخرجها ويمشيها ويلبي جميع الكماليات
عليه واجبات من نفقه وسكن وووو كلنا نعرفها ماحنا جاهلين بها
وانا فعلا كنت اقصد الكلام اللي ذكرته ان اغلب النساء تسوي اللي هي تسويه
بس فيه زوج جاحد وفيه زوج شاكر

من ناحية عزيزتي صاحبة الموضوع
نصيحه لك حاولي قد ماتقدرين تشغلين وقتك
والتغيير مايجي مره وحده
انتي تقولين اذا نامو البنات نام وراهم على طول

ممكن تغيرين عادة نوم البنات يعني تخلينهم ينامون قبل موعد نومهم بساعتين
مثلا ينامون الساعه 8
عاد ماتوقع بيدخل ينام بهالوقت لا اكيد بيجلس لك لان ماعنده احد غيرك وقتها
طبعا مسألة تغيير نوم الاطفال محتاجه وقت وصبر الين يتنظم نومهم على اللي انتي تبغينه

يا عمري انتي
زوجك شكله من النوعيه اللي تحب الاطفال مرة ويحس انه مسئول عنهم اكثر منك
ترا بعض الاباء كذا ما يسمح لزوجته تأكل الولد ولا ًتتحكم بلبسه حتى
يبغالك تغير في معاملتك لاطفالك قدامه
ويبغالك بعد تحسنين المعاملة معاه .. حسيت من أسلوبك ان الحياة ناشفة شوي
وكذا ما يصلح لازم تروقين شوي وتهدين فكري بطرق ترجعينه لك
وتجذبينه وترجعين ثقته في انك تعاملين بناتكم بأفضل طريقة
عشان يكون رايق لك ويتفضالك صح
ربي معاك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

وابل الندى لا ماستكثرته وخدمه بعيوني بس ألقا مقابل مؤ اكل ومرعا وقلت صنعا أنا ابي اطلع اتمشى اسولف معاه نسهر لو مرة وحده بعد ماينامو البنات مؤ ع طول ورآهم ينام ابي احس انه حبني مؤ تقل شغاله اندونيسيا ااكل واللبس واحمم وبس
ما باقي الا يعطيني 800 اخر الشهر وأصير شغاله
اذا قلتله ضايق خلقي ابي اطلع يقول روحي الاهلك غيري جو
أنا ابييييييييك انت مؤ أهلي أهلي أبيهم بس كل شي بوقته حلوووو

احبه والله
الله يعين يارب
أدمنت حبه
كلمته والله يحرمني واحسه يندم بس كم ساعه مايكمل يوم ويرجع العادته
ما يتحمل مسكين يمشينا ولا يجلس معنا احسً يتضايق يبي الاستراحة والشباب
وتلقينه طول ماهو معنا يدق ع الاستراحة ويقول هااااه كيف الجو عندكم ان شاء الله ساعه ساعه ونص وجايكم وكل شوي يدق يسالهم هااه جا فلان آووه حماس ومن جا
تخيلو هذا وانا عنده

الفردوس حاولت الينها ماقدرت اصلا ماهو معطيني فرصه اللينها الا ترجع تجف اما بناتي الله يصلحهم يارب
تسلمين وجزاك الله خير