السلام عليكم ورحمة الله وبركاته
كيفكم إخواني وكيفكم خواتي
ان شاءالله مرتاحيين ومبسوطيين بحياتكم

أنا قد كتب موضوع عن غيرة خطيبي وأنها أحيان تسبب مشاكل تنرفزوتقهر وتحس انها ماتسوي
المهم امس كنت اكلم خطيبي واقوله انو بعد العشا الروح السوق وبعدها بنروح نتعشي أنا وامي وخواتي وخالتي وبناتها طبعا تضايق ليه ومن بيطلب لكم قلت معانا اخوي الصغير ولد خالتي
قال كم عمره قلت له قال يعني بالغ قلت هم بطاوله لحال عنا
المهم سكت وتضايق ارسلت له رساله أني بروح البس
وقلت له أني طلعت وقلت له أني كلمتهم ناخذ العشا ونرجع البيت نتعشي وطلبته انه مايتضايق
مني وقلت له وربي مااروح للسوق الا عندي اغراض ابي اخلصها انتم عارفيين أنا عروس ولازم اتقضي واجهز وهذي فرصتي انو ماوراي دراسه طبعا أنا واضحه معاه بكل شي
المهم ارسلي رساله انتي ماطمنتني يوم ركبت للسياره طمنته أني الحين برجع البيت قال ليه ماطمنتني قلت وربي صعبه اطلع جوالي كل ساع وانت عارف طبعي وانا بالسوق جوالي مااطلعه
سكت قام يسال أسأله تعبت وهو يسألها واجاوبه
يسال أسأله يبي يتاكد من أجوبتي سال كيف تعطين الرجال فلوس ويدك طالعه وكذا قلت احطها ع الطاوله ولا افتحه وامسك طرفها بس مو يدي طالعه
قلت له حبيبي أنا اسوي هالشي لأني أخاف ربي والنار حاره المهم أنا من النوع اللي البس عبايه كتف بس الطرحه طويله والبس النقاب اللي مغطي عيوني
المهم تضايقت منه قلت له شوي وبكلمك لان الرجال بيدخل قفلت المهم ارسل وين اللي بترجع تتصل
قلت حبيبي فيه رجال تبيني اطلع والرجال فيه شوي وبتصل
المهم كلمني قلت تري أسألتك تنرفزني وانت عارفني وعارف طبعي وعارف تربية البنت اللي ماخذها
مو كل مره تسألني وانا مااطلع الا لان عندي اغراض قلت اسأل اهلك وقول البنت شنو تحتاج
وانا اغراضي مو مثل أغراضك
قال سعة صدرك بالسوق أنا انقهرت هو عارف أني اكره السوق والله أني مااروح الا وقت الحاجه
وماكثرت طلعاتي الا لأني عروس
أنا قلت له شوف يابن الناس اذا انت موواثق فيني ولا عارفني ولا واثق بتصرافاتي خلاص كلن يشوف حياته لا تبهذلني معك
المهم قال أنا ماراح اسأل بس اذا بيوم سويتي حركه وانا متوقع انك ماتسوينها تحملي
قلت انت ماتعرفني ماتعرفني تصرفاتي
قفلت
وارسلت رساله طويله عريضه وان لك اسبوع كامل تستخير وتقرر وتفكر
وبالاخير ارسلي انه ليسافر دبي قلت تروح وترجع بالسلامه
بس فيه امور اهم ماتكلمت فيها ولا سويتها وانا اقصد تحديد الزواج والسفر وغيره
قلت اسبوع كامل تكلمني بنفسيه مو حلوه بسبب ظروفك
والحين تبس تسافر مع اخوياك وتوسع صدرك وفيه امور اهم

طلبتكم ابي حل ابي رايكم أنا ماابي أضيق صدر اهلي معي
وربي أني ساكته ومتحمله ظروفه بس هو مو مقدر
ويجلس يسال السؤال بلكاعه ويجلس يستغبي أنا مااحب اللي
كذا قلت له اسأل البنت شنو تحتاج وكلم خواتك واسألهم
اعتبروني مثل أختكم وساعدوني
جد تعبت

ياظالمه زينك بشين السوايــــــا ,, من وين لك قلب على طول جاير
ماابغى الدوا لاصار جرحك دوايا ,, باكر على الظالم تدور الدوايــر

اخر علاجي الكي وانت الكوايــا ,, للحب عبره وانت قربك عبايـــر
لو هو على زينك بنلقى صبايـــا ,, المشكله بالحب تعمى البصايــر

الصبح واضح والخطايا خطايــــا ,, والربح من بعض الاوادم خسايـر
يانفس قومي عن غرام البدايــــا ,, وياقلب قبل تحب شاور وخايــر

اولاد ناس ولا تحب الوصايــــــــا ,, كلن يرى نفسه يعادل عشـــاير
ماكل قلب ينشرى بالهدايـــــــا ,, ولاكل كسر تفيد فيه الجبايـــــر

المعطي الله مالخلقه عطايــــــا ,, لو هي على خلقه سقتنا المرايـر
عزاي رب يعطي حسب النوايــا ,, يرحم عزيزين الذمم والظمايــــــر

ناس تدس الهم بين الحنايـــــــــا ,, وناس وربي مادرت ويش صايـــر
هذاك حظه مثل بيض الثنايــــــا ,, وهذاك حظه مثل سود الظفــــاير



ارسلي هالمسج بس مافهمته

انت معطيه خطيبك وجه بزياده

هو تزوجك مااشتراك

والمصيبه تردين عليه
اذا سألك اي سؤال فيه شك فيك المفروض ماتردين عليه واطنشينه

اذا رديتي عليه في كل مرة يتمادى ويتطور
انا اقول ضعي خطوط له من البدايه
الانسان الشكاك صعبه الحياة معه

أنا الحين قلت له لك اسبوع فكر واستخير وقرر
وانا قلت له انت ماخذيتني لعبه عندك
المشكله يحبني ولا يبيني ابتعد عنه
أنا الحين ابي حل ابي رد
وانا قلت له هذا زواج مو لعبه وانا ماابي اذا تزوجت وجبت
اولاد اتوهق فيهم ربي يعين بس
*

اسأليه بكل بساطه وش تقصد بهالرسالة ؟

يقول راح تفقدين حبي وغيرتي الجنونية اذا تبين ماعاد أسالك كذا
يقول هذا مو شك هذي غيره أسئلة قد جاوبتك عليها ليه لما تسألها تجلس تستغبي وتحاول تجرر مني الحكي
ربي يعين بس

حبيبتي .. والله إنهم يتشددون بالبدآيه وكيف ويرآقبون كل صغيره
بس مع الآيآم تروح ذي النفسيه.. لآنج شي جديد في حيآته .. فمهتم فيج كثير
بعدين يلين ..
الله يعينج .. ويوفقج .. ويسعدج

ويحط رآسة بنفسه ..

__________________

وش هالخرابيط الفاضيه شلون تعطين البائع
والله خطيبك هذا فاضي ماعنده شغله ولا مشغله
وقفيه عند حده او علمي ابوك

السلام عليكم ورحمة الله وبركاته

بسألك سؤال :
زوجك كان متزوج قبل مايملك عليك ؟


و إستخيري ربك في الزواج منه

رسالته بصراحه قويه

بالنسبه للغيره هذي ليست غيره هذا شك صريح

لا تجاملي ع حساب مستقبلك هذي حياه مافيها لعب

حطي حد له " أضن هو مادخل بيتكم الا وعارف إنك بنت ناس ومحترمه و أخلاقك الكل يشهد لها "

قولي له هالعباره

فهميه إن ماعندك مانع يهتم فيك ويخاف عليك بس مو بالأسلوب هذا اللي يجرح


فهميه إنك ماتقدري ترسلي له كل صغيره و كبيره " لا يكلف الله نفسً إلا وسعها "

أطلبي منه طلب " أنه مايروح دبي " واذا قال ليش وضحي له إنك تغاري عليه وتخافي عليه و إذا زعل
هنا يبدئ دورك في إنك تفهمي زوجك إن الحياه أخذ و عطاء مو أنانيه تاخذ و تاخذ وتطلب وبس

أتمنى إن الاخوان يفيدوك أكثر مني

الله يسهل أمرك


فمان الله


/

__________________



معظم مشكلاتنا الشخصية تقع بسبب الفجوة بين :


- ما أقصده أنا
- وماتفهمه أنت

فأحسنوا النوايا في بعضكم البعض ..


في كتاب حياة كل منا " فصل " لا يصلح للقراءة ..~

أنا عندي راي مختلف:هي صحيح أسئلته وغيرته
تنرفز بس أتوقع ذا غصب عنه شخصيته كذا..

لو منك سلكت له..بمعني أذا سألني أرد على قد السؤال بنبره واااااثقه ولاأبين له تنرفزي وهو أذا شافك كذا بيطيح الي براااااسه..

ولاتقعدين تبررين له أنا والله ماحب السوق ؛
أنا والله طلعت عشان كذا,كأنك قاعده تسوين شي غلط وتدااافعين عن نفسك

يعني جاوبيه على أسئلته مهما كانت منرفزه بنبررره هااااديه ووواثقه والجواب على قد السؤال كذا بتمتصي شكه وبيهدى..