السلام عليكم ورحمة الله وبركاته

مشكلتي هالمره تختلف عن مشاكلي السابقه
ومن فتره حسيت بها لكن ما حطيت لها اهتمام
قلت يمكن فتره وتعدي بس اشوف الموضوع طول الحين
وانا اخاف هالشي يأثر علي طول حياتي او يتطور اكثر

مشكلتي باختصار .. اني صرت لما احاول اتكلم بسالفه او جمله طويله او اعبر عن اللي بداخلي مثلا
ساعات اتأتأ وسط الجمله او اشيّر ما اعرف اكمل الجمله تظل عندي هالحاله ثواني وتروح
هي صحيح ما تتكرر كثير لكن اخاف تتطور

مثال .. لما اجي اناقش استاذتي بالجامعه عن بحثي او درجاتي مثلا
اناقش بقوة بس بنص الكلام اتوقف واحس ماعرف اكمل الجمله
وساعات اكملها بس احس ابتدي اخربط بالكلام وماعرف اوصل المعلومه صح
حتى الكل صار يلاحظ ارتباكي بالكلام
خصوصا لما اكون داخله جو مع السالفه
وهالشي يفسرونه بقلة ثقتي بنفسي او اني ماعرف اوصل اللي ابي اقوله بالضبط
او ان حجتي ضعيفه او مثلا في حالة مناقشاتي في الجامعه هذا يعطيهم فكرة اني ماقدر اقنعهم بشغلي
وذا الشي يأثر على ثقتي بنفسي وعلاقتي باللي حولي يخليني ما اتكلم كثير
واذا بسولف افضل اني اكتب بالمسن او الوتس اب على اني اتكلم عادي مع اني انسانه اجتماعيه جدا

بقول شغله مدري اذا لها دخل بالموضوع او لا
لاحظت على نفسي اذا احط شي في بالي يصير لي حتى لو ما كانت نيتي اني اتشمت او اعاير احد
مثلا .. من فتره تعرفت على انسانه صادفتها بالعمره وهي كبيره يعني تقريبا 45 او اكبر
كانت عندها نفس المشكله تأتأه بسيطه في كلامها وتوقف بسيط وسط الجمله
بس ابدا ما تكلمت عليها ولا تطنزت .. كل الموضوع ان هالشغله ظلت في بالي لما اتكلم معها واركز عليها لان الشغله كانت جدا واضحه وحتى هي تحس بالشي وكانت تنحرج لما يصير لها هالموقف
خصوصا ان مشكلتها صارت مع احدى قريباتي بنفس العمر
والظاهر الله ابتلاني بنفس مشكلتها مع اني ما تشمت فيها ولا شي مدري ليش

مثال ثاني .. شخصيه قريبه مني لما يصير لها موقف وتقوله لي اعلق عليه او ساعات امزح معها عليه
بعد فتره بسيطه يصير لي نفس موقفها .. مثلا هواش مع صديقتها .. موقف مع اهلها او اخوانها
يصير لي تقريبا مثل الموقف

اخر مثال عشان توضح الصوره .. انا علاقتي مع اخواني حلوه ولله الحمد
وهم بسن مراهقه فطبيعي تصير عليهم تغيرات
واحد من اخواني صار له حب شباب بوجهه .. فكنا نتكلم معه ونمزح بخصوص هالسالفه
وانا بعد بيني وبين نفسي من داخلي افكر فيها وساعات اقول انا الحمدلله مافيني ووو
شوي ويطلع لي حبوب بوجهي انا بعد !!!!

يعني سبحان الله كل شي افكر فيه او يصير لغيري وافكر فيه حتى لو ماتكلمت يصير لي
مدري له دخل او لا .. ولا تقولون توسوسين لان هالشي جد صاير

هدف كتابتي للموضوع .. اشوف حل لطريقتي بالكلام
ملاحظة .. انا مو صغيره عمري 21 وقريب بدخل 22 اذا كان لنا بالعمر بقية
ويمكن بتلاحظون مشكلتي من خلال طريقتي بالكتابه هنا .. دايم تكون افكاري مو مرتبه وماقدر اشرح اللي ببالي بالضبط
وهل الاشياء اللي ذكرتها لها علاقه ؟؟
أبي حل تكفون والله يجزيييكم خير

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

	أختي العزيزة..يعني مشكلتك منتشرة كثيرا ..صح تبدو مقلقة خاصة عند مناقشتك من لا يعرفك و يتعود على كلامك...لكن باذن الله لن تقف حاجزا امام حياتك او زواجك او دراستك...يعني عادي...جربي استشيري أخصائية النطق و الكلام او زوري اخصائية نفسية...و ان كان هناك خلل عضوي في اللسان أو الاسنان ..استشيري حبيبتي..وخلي ثقتك بنفسك كبيييييرة...انت ماشالله و كتابتك واضحة و ترتيب الافكار رائئئئئئئئئئئئئئئئئئئئئئئئئئئئئئئئئئئئئئئئئئئئئع.. .ربي يوفقك

__________________
أنا نسمة قوية تهد الجبال..أنا نسيم الربيع يدغدغ وجهك الآن..أنا رفات حركتها قدرة الله..فانظر حولك علك تجد أثرا لي في التراب

مشكووووره اختي على تشجعيك لي
رفعتي معنوياتي

لكن المشكله اختي هالمشكله ما تصير لي بس مع الناس اللي ماعرفهم
حتى مع صديقاتي او اهلي وخصوصا لما اكون داخله جو مع السالفه
والله انحرج كثير

مشكوره مرة ثانية

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

بالنسبة للشـــــــــق الأول من موضــــــــــــوعك ::

هل كانت الصعوبات بالتحدث موجودة معكِ مسبقا ؟!!

أم أنكِ لاحظتها ظهرت معك مؤخــــــــــــرا ؟

,،

__________________

هلا اختي

لا والله هالمشكله صارت معي من شهر تقريبا
قبلها كنت اتكلم عادي وماعندي مشكله

لو كانت المشكله هذي قدام ناس اتوتر منهم عادي
بس حتى مع صديقاتي والقريبين مني

يمكن انا هالفتره اعاني من ضغوطات نفسيه كثيره
دراستي وغيرها
بس حتى لما اكون مرتاحه وما افكر بشي واكون مبسوطه نفس الشي

مشكوره اختي على مرورك

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

الغاليه راجعي الطبيب وافحصي نفسج ..
وساعات حاولي تسترخين لانه التعب والارهاق او عدم الاحتكاك بالناس وغيره وتوتر يسبب هالشي ..
وبشرينا عنج

بالتوفيج

هلاا اختي

صدقتي انا فعلا هالفتره احس بتعب وارهاااق وتوتر
مشكلتي ماقدر استرخي دايم افكر وانا اوتر نفسي بنفسي
ماقدر ارتاح الا لما اكمل من الاشياء اللي شاغله مخي

دعواااتك لي اختي
ومشكووره على مرورك

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

اسألي نفسك وغووووصي في اعماقها
هل تشعرين بفقدان ثقتك بنفسك ولو بنسبة بسيطه حتى في القيام باتفه الامور
مثلاً
ماحنجح في امتحان المادة الفلانية ويصير تفكرين وااجد

للأسف حصلت معي مؤخراً والسبب اعرفه ومتألمه منه

فرج الله عنك وعني وعن جميع من هو مهموم

__________________
باااركوا لي :14:
حققت حلمي وامنيتي بفضل من الله ومنة فالحمد له حمداً يليق بجلال وجهه وعظيم سلطانه
اللهم لاتكلني الى نفسي طرفة عين فأعجز ولا الى احد من خلقك فأضيع

هلا والله اختي
ايييي والله كثييير عندي هالاحساس
انا من النوع اللي بسرعه يتوتر ويخااااف ويجلس يفكر
وثقتي بنفسي شبه معدووومه
دايما عندي احساس اني بفشل او ما بقدر انجز اللي ابيه ولو انجزته ما راح يكون مقبول
والله جبتيها ع الجرح .. هالفتره بالذات الجامعه ماخذه كل تفكيري لاني امر بمرحلة شوي حرجه
وهذا الشي اللي افكر فيه حاليا وغيره كثير

اللهم آميييييييين
والله يفرررج همك اختي
مشكووره وربي يجزاك خير

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

تلاوة القرآن تبعث في النفس السكينة والهدوء
اقرئي القرآن بخشوع وترتيل أختي
وفقك الله