السلام عليكم ورحمة الله وبركاته صبحكم الله بالخير ، سؤالي هل البنت الملتزمة تكشف وجهها أنا ماأقصد برى السعودية في الأماكن اللي فيها ضغوطات وأذي من الناس أنا أقصد في السعودية في الأماكن اللي تتقبل كشف الوجه مثل جدة ومكة ولو أنه بدت تنتشر هذي الظاهره في كثير من مدن المملكة ، السؤال هل في بنت ملتزمة تكشف وجهها وتكون مطبقه للدين كامل يعني ماتسمع أغاني ولا تتفرج أفلام ولا تغتاب إلى أخره من صفات البنت الملتزمه ، هل في أحد قد شاف بنت ملتزمة تكشف وجهها في السعودية ؟ ، أو تكشف وجهها إذا جات تاكل في مطعم مختلط مافي فاصل ، أرجو الإجابة على هذا السؤال ، جاء في بالي هذا السؤال لما شفت كشف الوجه بدى ينتشر وغير كذا جاء في بالي أنه مثل بعض الشباب مربي لحيه طويله وتلاقيه يغتاب ويسوي بعض المعاصي وبعضهم بس مسوي عارض ( لحية خفيفه ) < اللي هو الواجب عن بعض العلماء وأفضل من هذا اللي مربي دقن طويلة ، وبعض الأحيان أحس أنه صار مثل البرمودا والجنز < كان أول مايتقبل في كثير من مناطق السعودية ويعتبروا اللي يلبس كذا ماهو رجال الحين صار اللي يلبس كذا يحترموه ويقولوا هذا يهتم في نفسه < أنقلبت الأية ، واللي مايلبس كذا يقولوا له ماتلبس كذا أهتم في نفسك ، يعني أقول مع الوقت يمكن تصير نفس الشيء لأن برى السعودية اللي تلبس حجاب وتكون كاشفة وجهها يحترموها ويحترموا اللي معها نظرتهم غير ، أرجو المشاركة من الجميع والإجابة على هذا السؤال هل البنت الملتزمة تكشف وجهها ، هل قد شفت بنت ملتزمة تكشف وجهها ، أنتظر ردودكم .