السلام عليكم

انا متزوجه من رجل بالثلاثينيات من عمره متزوج سابق و زوجته متوفيه الله يرحمها

مشكلتي ان زوجي يكثر من ذكرها في كل مناسبه واذا جاب سيرتها يحزن و يقلب البيت نكد و حزن

ما ادري ايش اقول بس المشكله اكبر من كلماتي
زوجي يحبها اكثر مني و بدرجه جنونيه
صرت دائما متضايقه و زعلانه بسبب اهماله لي و هو ما عنده اي فكره
اذا تكلم عنها اتضايق و تنزل دموعي و هو يحسب اني زعلانه من كلامه عنها

اول ما تزوجت كنت اقول اني اقدر اتحمل و طبيعي ينساها مع الوقت و انا اقدر ادخل قلبه بدالها
لكن بعد سنه ما شفت اي تغيير في حياتي

كنت ناويه اتحمل اكثر بس قبل يومين كسرت ساعته لانها هديه منها و هو ما يدري

عرفت اني ما اقدر اتحمل اكثر من كذا و لازم ابوح بالمشكله

يمكن تقولوا اني ابالغ بس صدقوني زوجي هو المبالغ في ذكرها
كل يوم جمعه يتأخر لانه يزور قبرها بعد الصلاة

زوجي بطبعه حنون و قلبه ابيض لكن ما يقدر غيرتي عليه

يا ليت تسعفوني و لكم دعوة في ظهر الغيب