عنجد انا سخيفة؟!
اليوم كنا بمحل الالعاب انا و زوجي و بنتي ،، المهم تركتن و رحت جيب كم شغلة ،
بعدين رجعت لعندن ،،
انا و عم حكي زوجي بتمر من ئدامنا امراة لابسة عباية ضيقه رح تنفجر من كتر مانا ضيقة المهم زوجي بيتطلع عليا من فوق لتحت ،،
بعدين كل شوي تمرق و تطلع فيني ،، المهم لما رحنا عالكاونتر زوجي بيوقف وراها بعدين بروح انا تشوف شي و بر جع بلاقي زوجي صافن فيا ( محدق فيها ) ،،
طلعنا من محل الالعاب و انا معصبة ،، و عم ئول بقلبي بحكي ولا ما بحكي ،، بعدين مفيني كنت رح طق فئلتلو ..... انا متضايئة منك من شغلة ، ئلي من شو ،، ئلتلو لانك كنت عم تتطلع ع المرة ( امراة بلهجتنا) ،، ئلي اي مرة ؟ ئلتلو بمحل لالعاب ،، ئال اي مرة ؟ يلي كانت وائفة ئدامنا ؟ ئلتلو مشالله عنك فورا عرفت اي مرة ،،
اول شي ئال لا تفتري عليي و عم تتوهمي ،، ئلتلو مش صحيح بئدر افهم كل حركة بتتحركا و كل نظرة بتنظرا ،
بعدين ئال عادي تطلعت شو هيا حرام الشغلة؟!!! ئال كانت عم تحكي و هيا ئدامو ف تطلع عليها بس مشان هيك ،،
ئلتلو مش صحيح من قبل عم تتطلع عليا شفتك ،، ئال عادي مرت من جمبي وئت كنت اعم لعب البنت ،، ( هاي مرة تانية غير وئت كنت وائفة معو ) ،،
بالاخير اعترف انو تطلع فيا بس مش بالطريقة يلي عم اتخيلا ... ئلتلو اول مرة بعرف انو في رجال عم يتطلع ع مرة بس هيك بدون سبب
و بالنهاية طلعت سخيفة 
ف شو رايكن عنجد انا سخيفة او من حئي اتضايق؟
و عنجد الرجال ممكن يتطلع عالنسوان بس هيك ؟؟؟؟
آسفة طولت عليكن ..
التعديل الأخير تم بواسطة مارد الجنوب ; 27-03-2013 الساعة 10:27 AM
27-03-2013, 12:49 AM
ضوابط المشاركة
العرض الشجري