مشكلتي هذي م حبيت افاتحها لحد لانه بصراحه ماثره فيني ، حتئ المنتدئ مع انه محد بيعرفني بس مدري م كانت عندي الجراءه اتكلم ، م اطول عليكم بس حابه ابين لكم قد ايش متضايقه من هالشي
انا عندي لدغه بحرف الراء اوقات يطلع مرقق اوقات يتقلب للواو ، عع حسب الكلمه سهله عع لساني او لا ، ملكت شايله همها ، م بينت له من كلامي م اقول اي كلمت فيها راء تصير مواقف بس ماني عارفه كيف اخارج نفسي منها ، بس للاسف ييوم من الايام ، سالني الساعه كم قلت اربعه ، ضحك قلت وش فيه قلدني ، من بعدها م عاد صرت اطيقه كرهته مراا جلست يوم كامل بس ابكي ليه مدري وطبعا م تكلمت ولا قلت شي غيرت الموضوع وتقفل ، بعدها بفتره جا عندنا زياره وخلصت الزياره وطلع ، كلمته بالجوال قلت ابيك بموضوع كلمته بالواتس وقلت له كدا وكدا وكدا ، قال والله م عمري انتبهت هيا استغربت كيف م انتبه يقلدني اول ، قال ماله داعي انا ابيك نفسك ومدري ايش ومن هالكلام يقنعني انه مقتنع وكل شي ، وقفلنا هالموضوع بدا في بالي موضوع العلاج رحت المستشفئ بااشوف هل هو عضوي يحتاج عمليه ولا شي تعودت عليه ، طلع غير عضوي صار لازم تدريبات ، والله لي شهرين احاول انسق موعد م قدرت ي انه م يردون ي انه يردون يصير اي شي وتتكنسل طيب بااشوف مستشفئ ثاني يجيني ضيييق وربي م اقدر ولا اتخيل اني بااروح مع انه ودي لو احد قال لي هيا باروح بس مدري وش يصير فيني ، كلمني بعد فتره قال لي وش اسم بنت اختك علمته اول حرف راء قال وش اول حرف قلت ليه م سمعت الاسم مع انه خلاني اعيد الاسم يمكن ثلاثه مرات بعدين يقول اول حرف قلت امي تبيني ارسلت له رساله انه م يحتاج تجي وتقول لي كدا كلام كثير ناسيته والله ، اتصل حلف مو قصده م سمع الاسم ذا ثاني موقف معاه رحت لابويه جلست ابكي من القهر قال لي خلاص شوي مستشفئ طيب ونروح وليومكم هذا ابي احاول احجز موعد م يجي في بالي اروح مستشفئ مالي خلقه ، كلمني خطيبي قال ابي اسالك سوال م تزعلين قلت شو ، قال ليه تزعلين من شي فيك قلت م زعلت وانا م ابي ابين له م عندي ثقه بحالي قلت عادي بس م تجي لي من استهزا قلت له عع انه احتاج بس جلسات وكدا قال لا تروحين م يحتاج انتي عاجبتني كدا ، وتقفل الموضوع

ماني عارفه ايش اسوي ،
ادري يمكن يعين احد اني تافه بس لو هو بنفس موقفي بيحس فيني لانه اخواتي ماهم حاسين وانه شي عادي وكدا بالعكس مافيه شي ،

سوال للرجال " عادي عندكم هالشي ولا ودكم باانه تكون كامله من هالناحيه. !!
نصائحكم

اعتذر عع الاطاله

ااتمنئ محد يهمل موضوعي ، لكن مني دعوات بشهر الغيب

ي اختي ذي المشكله عاديه و بسيطه بحكم تخصصي ادرس ماده اسمها اضطراب النطق و درسنا صعوبه نطق حرف الراء وقلبه الى غاء و تسمى هذه الحاله الابدال او التشويه <<< في الحروف

المشكله هي بثقتك بنفسك خليك واثقه من حالك خليك ما تهزك ريح تموتين زي الشجره و هي واقفه اهم شي لا تبينين لخطيبك انك تتضايقين ترى بخليها زي العيره و يتريق عليك بيوم <<< رغم ما اشوف انا كذا لكن فيه نوعيات من الناس كذا .... لا تبينين انك تتتضايقين ابدااااا ... مشكله بسيطه جداااا و لها حل خليك واثقه \\\\ واذا هو يحبك بيتقبل كل شي فيك شين وزين



الله يوفقك ويهنيك


دعواااتك♥♥

الله يسعدك حبيبتي يعطيك العافيه انا تتطلع را مرققه اغلب الاوقات
بس مدري وش اسوي احس الموضوع سيطر علي

اختي الكريمة ..

لو اجابك كل عضو هنا ما اذا كان
يتقبل هذا الامر في زوجته ام لا
فمالفائدة ؟ ستعيشين مع زوجك
وليس معهم لذا فاهتمي بما يراه
زوجك ..

من سردك لموضوعك لا اعلم هل حقا
لديه تقبل نفسي لهاذا الشي ام لا ، لكن
مايجب ان تركزي عليه هو تصحيح هذا الوضع
من اجلك انت اولا، لتزداد ثقتك بنفسك قبل ثقته
وراحته لك ..

واصلي البحث عن العلاج المناسب
ولا تذكري هذا الامر امامه مطلقا ، وان بادرك
وفتح باب الحديث عنه اوضحي له امرين :
انك تسعين للعلاج وتاملين التحسن ، وانك
تشكرينه على دعمه وتشجيعه لك ..
ولا تضيفي اكثر من هذين الامرين ..

خذي الامر بجدية من اجل راحتك عزيزتي ..

اتمنى لك التوفيق وتيسير الامور ..

__________________



احيانا يجب ان نفقد ذواتنا كاملة لكي نستعيدها كاملة ...

مشكوره اختي عع نصائحگ ، عع كلامك انه م تتدرين موقفه من هالموضوع ،
نسيت م اذكر شي كلمني اول قال لي ترا انا عندي مشاكل بالنطق وعادي مع انه متاكده انه كذاب لانه م عمري سمعت اي شي ، وبس قال لي لا تروحين ولا شي كلامك تمام ، بس مدري يمكن الموقف الاول ايش تبريرهه ، ان شاء الله اكمل العلاج ي رب دعواتك تتيسر لي ♥

حبيبتي ولا يهمك.. مشكلة بسيطة و عادية الرجال متفهم..
والله عندي صديقة عندها مشكلة كبيرة في نطق الراء بتنطقها واو، ولما تكلمني بالهاتف الله إيسامحني أنزعج لأنها تخلط كثير و بحصل معاها صعوبة في نطق... تزوجت من سنة وخلفت وزوجها طاير فيها لدرجة إنه بيبعد عن أصحابو ويقعد معاها ضحك ووناسة... الله يفرج عليكي حبيبتي..

__________________
مآ هي إلآ سآعآت ، ۈ يقآل : رمضآن دخل ۈ مآ هي إلآ إيآم ۈ يقآل : رمضآن خرج ! ۈ بين ' دخول ۈ خروج ' فآئزون ۈ خآسرون : ) فيآ ربّ ، اگتب لنآ حضور شهر الصيآم ۈ أصم جوآرحنآ عن الآثآم ۈ اجعلنآ من المقبولين ۈ الفآئزين

لا انا موب مرا م اقدر اتكلم ااو يتعصب علي شي محد يفهم ، م عمري جلست مع احد ولاحظ بس لو احد عاش معاي بيلاحظ 100%

لا تكبري الموضوع .. زميلتي عدها لدغة في الراء تجنن منها دايما اقولها يارب تتزوجي واحد في اسمه حرف الراء.. ونجلس نخمن الاسماء..
تعجبني لما تقول اسمي..
وهي متعايشة مع هذا الشي فيها بس كانت أستاذة القرآن تطفشها عيدي النطق عيدي .. آخر شي قالت لها بسبب التقويم .. وهو كان له تأثير بس حتى لما شالته واضحه فيها اللدغة..
بس بقولك شغلة أحسك انتي نبهتي خطيبك عن الشي اللي فيكي ما ينفع كذا .. خلي عندك قاعدة لا تنبهي زوجك لاي شي تحسيه ناقص فيكي مع اني ما اعتبر هذا نقص.. بس ممكن لما ما تكوني واثقة في نفسك هو ينتبه ويحس من جد انه شي مو حلو فانتبهي مرااا وحتى لو استهزأ فيكي خذيها بمزحة وبروح رياضية .. الله يهديكي اتقبلي المزح محا تعيشي كذا ..

الله يجزاك الجججنه ي رب