السلام عليكم ورحمة الله وبركاته
((خطيبتي نقلت خلافا بيننا لاهلها وافكر بطلاقها ))
اخواني واجهتني مشكلة بيني وبين خطيبتي واللي هي مملك عليها من اول .

حصل بيننا مشكلة سابقا وقطعنا بعض فترة ومن ثم عدنا نتحدث من جديد ...... خلال حديثنا كنت اتفق معاها على اساس نتجنب المشاكل اللي حصلت وان تصرفاتها ما اعجبتني وعلمتها كيف تستر الكلام اللي بيني وبينها وان النفاق مو كويس واي مشكلة تخرج مننا تشاع ... المهم البنت كانها سمعت من اذن وخرجت الكلام من الاذن الثانية وقالت انا مصدعة بنام قلت فكري ولو مرة انك ترضيني قالت اوك سلام ...

المهم اتصلت عليها اليوم الثاني وما ردت ورجعت هي اتصلت علي وتتكلم معي باسلوب جاف جدا رغم اني اكلمها باسلوب رقيق واسالها وش في خاطرها وقالت لي ادخل الواتس اب سألتها ليه قالت عندي رجة ( الجو كان هادئ جدا عندها ) بس قمت وعلى نياتي دخلت

الشاهد وهي تتكلم معي في الواتس قالت انا ما احب المشاكل والقيل والقال وانا شاريك وهذا طبعي قلت طيب اوك انا ما تمشكلت معاك الا بسبب ولا قد نقلت لك كلام ولو مو شاريك ما خطبتك وقلت لها لكن انتي قد نقلتي عني كلام ونافقتي علي عند ابوك

قالت والمطلوب

قلت اعتذري الله لا يهينك
قالت انا ما غلطت فيك ولا في غيرك
قلت الا غلطتي
قالت انا ماني فاضية بتعشى واذاكر
قلت ما بتعتذرين
قالت كلام اول واخير انا ما غلطت فيك ولا في غيرك
قلت يابنت ترى اعطيتك وجه بزيادة وانا ما اقدر اتفاهم معاك هنا بالواتس لكن اواجهكم صح واتفاهم معاك ..... الخ من الكلام الرخيص دون تجاوز

المهم قلت اعتذري وتعوذي من الشيطان وقالت ع ايش قلت ما راح اعيد قالت اذا انت صادق قولي على ايش


اخر شي البنت قفلت الجوال

اليوم الثاني اتصل علي ابوي وقال عمك يقول تنصح بالولد ووراني صور المحادثة بالواتس اب

طلعت بنت الذين تصور المحادثات وانا متصل واتكلم معاها وتستدرجني بالكلام وعشان كذا قالت ادخل الواتس ..... بصفة عامة المحادثة مغرضة

طبعا اهلها مساندينها ع الغلط وان اللي سوته شي كويس وتصرف جميل


طبعا انا عني شخصيا قررت الطلاق !!!

لكن محتاج مشورتكم و جزاكم الله خير

((تم التعديل ليتناسب مع المضمون ))

أخي ما هي المشكلة السابقة؟

وما الكلام الذي نقلته لأبيها وكيف نافقت عليك عنده؟!

__________________


اللهم طِيبَ الأثر .. وحُسْنَ الرحيل.

استهدي بالله اولآ..
اخوي مشكلتلك مبهمه انت تقولها اعتذري وهي مااعتذرت. طب قولنا الموقف اش هوا اللي حصل بينكم عشان نعرف اذا المفروض تعتذر اولا..
سؤال : كم عمرك وكم عمر خطيبتك؟!

__________________
الحمدلله

وعليكم السلام ورحمة الله وبركاته ..
مهلاً ياأخا الإسلام ليس كل مشكلة تحل بهذه الطريقة !
لم نفهم شيء ولم توضح شيء ..!
أخبرنا
ليس كل مشكلة تردد الطلاق ليس جميلاً أبداً ..

ليس كل مشكلة تُصادف أي شريكين يكون حلها الطلاق ..
أين المرونة في التعامل ؟!
فلا تتوقع الإرتباط سيكون بدون مشاكل !
انظر للمشكلة من زواية أعمق !!!
الطلاق كلمة كبيرة جداً جداً فليس كل الأمور حلها الطلاق بل بالتفاهم فقط !

انت بعد غلطت
وش الي يله اعتذري
وماعتقد هي استدرجتك كان بامكانها تسجل المكالمه
يمكن انصدمت من كلامك الرخيص بالوتس
اخي وش المشكله السابقه شلون نافقت عند ابوها مافهمناها

حركة الواتساب الي سوتها خطيبتك ماعجبتني أبدا ....
حتضلك فاقد الأمان معها ازا ضلت خطيبتك على هالمنوال ..
وممكن تكبر مشاكلكم بعد الزواج !!
والمشكلة انك وصيتها ونبهت عليها انه ماتطلع مشاكلكم لبرا وبرضو عملت معك هيك !!!
انا والله مابدي اظلمها بس عنجد حركتها بتخوف ماحبيتها ابدا وعنادها واضح هاد رأيي الشخصي ..
يمكن تقدر تغيرها بعد الزواج الله اعلم ..
أنا حكيت رأيي وشوف باقي الآراء لعلك تجد الحل ..
والله يهديك للصواب والخير الك والها.

__________________
Sometimes when you lose your way, you find yourselflk

الطلاق مهو حل ولا لعبه والزواج مو عناد

ومالفائدة ان اعتذرت لك كما تريد انت ، لكنها بداخلها لا تشعر
بذرة اسف او ندم عما بدر منها ؟
هل فكرت بهذا الامر ؟

__________________



احيانا يجب ان نفقد ذواتنا كاملة لكي نستعيدها كاملة ...

الابدا انك تعرفها غلطها مو تطلب منها الاعتذار بس منشان تهينها