(زوجي شديد العصبية)
السلام عليكم مساء الخيير او صباح الخييير

اخواني اخواتي ارجو مساعدتي في موضوعي هذا
هالموضوع بدا يؤرقني كثيرراا
زوجي اصبح عصبي كثيرررا ويتذمر من امور بسيطه
ويتنرفز وينرفزني بعد
والله العظييم الليله فكرت جد اطلع من بيتي لبيت اهلي عجزت في الكلام معاه
الكلام ماعد يجيب فائده وانا حاولت اعدل فيه وعدلت وصبرت ونفذ صبري
طبعا زوجي عصبببببببي وانا كرهت حتى المسسسه
الليله نزلت اجيب ملابس لولدي متذمر ويتافف قهرررني
مافكرت فيه واشتريت الناقص لانه غصب عليه
قبل البارح دق الباب اخر الليل واحنا تونا داخلين شقتنا وشقتنا دور ثالث والباب الي تحت مقفل ودق الجرس بشكل هستيري
قلت لزوجي ماتطلع لهم مانعرف وش يبون لانه صارت الساعه 3 فجر
خايفه عليك حبيبي وحضنته عشان جدا كنت خايفه
قال لا بنزل ونزل
اصلا فيه غيرنا سكان ولو يبينا بيدق جوال علينا
وقال قفلي باب الشقه عليك
ورجع دق الشقه قلت ميين صررررررررخ بقققووووه وقال افتحي صرخة عصبييه
يعني قدام العالم تصرخ ليش مو شايفني شي
زعلت وكنت ناويه فعلا مااسكت بس هو عرف يراضيني على الرغم مارضيت بس عشان امشي
لما ننزل نقضي ليتنا يتافف ويتذمر
لما يجووني ضيوف خاصيين لي يتافف ويتذمر وطلبات الضيافه يجيبها بعد مايتكلم
لما نروح مكان ويعصب يروح ويتركني بيينا عشره امتار
قبل كم يوم نزلنا مطعم بس مواقف خلفيه وانا دخلت يدي تحت العبايه وعدلت لبستي
عصصصصصصصصصب وقال انا اربيك
قلت وش تربيني انا متربية قبل اتزوجك والي بي تربية انت
عصصصب واخذ ولدي وراح للمطعم وانا لسى واقفه وانا مشيت وضيعت من كثر الحفريات
المهم دخلت وجلست بعيد عنه وانا مقهوره منه بس حطيت رجل على رجل
واخت المنيو
واعطيييته نظرات
مره ثانيه طالعين من البيت الظهر على اساس نتغداء
تخيلوا من عصبيته جلسنا نفرفر بالشوارع لانها حفريات ويدعي ويهاوش وقرفت منه
وماوقفنا الا بعد صلاة المغرب
و نزل عند شواية واكل ورجع لي بالسيارة
ونزلت انا لحالي مطعم ثاني
تخيلوا الموقف الغبي

ودائم يهاوش ويسب بدون سبب او لسبب تافه
اذا مريت من عند التلفزيون وحنا بالصاله يهاوش ويصارخ ويعصب علي
اذا ولدي بكاء واحنا اخر الليل يعصب علي
احسه متخلف مريض
ليش اعالج واحد ميؤؤس منه
مررررررره تعبت منه المواقف تتكرر
الاسبوع الماضي يطلبني حقه وانا يشهد الله اني قرفانه منه
وكنت اتهرب
جاء وانا نايمه وطلبني وانا نمت وتركته واليوم الي بعده غصبني
يشهد ربي اني بكيييت بعدها بكااء شديد
مقهوووووره منه
انا دايم نظيفه وريحتي حلوة واكشخ بس اوقات ازيد الغنج والدلع وشي معروف الانثى بتزيد اوقات طلب لحقها
هو يعرف وش ابي منه يسوي حركات يبي يذلني وانا عفته خلااااص
ولما يرجع من دوامه اكون مستقبلته يغير ويرووح ركض لسريره وعالجوال
اتسوق زعلان ويتافف ويتذمر وعالجوال
قهههرررررررررررررررررررررررني

زوجي فيه عيوب كثييييرررررررررره مااعرف كيف احلها
خيانته وحليناها
للمعلومية جد افكر اروح بكره لااهلي
ماعاد ابيه تعبت منه
ليش اظلم نفسي اكثر
ليش اضيع عمري مع هالزوج العله الي على قلبي
والله كرهته ورب الكعبه
كثير ادعي على الي ورطني معاه
الله يسامح ابووي

تكفوووووووون ساعدووووني قولوا لي وش اسوي معاه وووكيف اتصرف معاه

مو قادره ادخل غرفتي وانام من كرهي له

(تم التعديل ليتناسب مع المضمون)

سبحان الله كأنك تتكلمين عن حياتي ،، ما اقدر انصحك ولا اقدر افيدك بشي وولا اقدر افيد نفسي .. :'(

__________________

والله كنت كاتبته لك بموضوعك
انا جد بكره بافكر بروحتي لااهلي
كرهته ماعاد له مكان بقلبي

الاسلوب يمسح كل شي
يكفي تحملته وتحملت وساخته
انا ماانكر مرت علي فترة حلوه
والحين تجي فترات حلوه بس يعصصصصب
كيف اتجاهله وهو معاي بيومي ونهاري وليلي
او كيف اطنش وهو بحياتي

تعبت منه

غاليتي هوني على نفسك صحيح العصبيه متعبه
بس اذا كان له ايجابيات تقدرين تقولين تغطي ونصبر عليه عشان هالشي

اطلبك ياغاليه اكتبي برد ثاني ايجابياته واقريه اكثر من مره ..

اقولك عصبيته مدمره
يصرخ ويتكلم ويمحي وجودي امامه
يتافف لما نكون باماكن عامه يبين عصبيته عليه بتعابير وجهه لي
جد ماعاد اتحمل
كرهته اقسم بالله
كنت متشوقه للحمل واتعالج بس حاليا وخصوصا اليوم ومع التراكمات ادعي ربي مايتم حمل
جد خلاص تعبت نرفزني

ماابي اذكر ايجابيته لانه ايجابياته انا صنعتها
تزوجته وهو فارغ بس اسم رجل وهو فارغ

سبحان الله كنتي قبل تمتدحيه وكان لازوج مثله والان ماذا حصل !
ايش الي جاك ؟
متاكده انه فعلا فيه خصال طيبه لكن ممكن انتي تمري بمرحله مضغوطه او هو ..
لكن باذن الله رح يزين

الحمدلله ..
الانسان ذكر بالقران خلق في كبد ! تعرفي كيف كبد ؟ يعني شقاء ..
استغفري ربك واحمديه دايما هناك من اسوء منك فالحمدلله والشكر
ولاتدعين علي احد ♡

عزيزتي اكيد مااقراتي مواضيعي
هو تغيير من ناحية الخيانات والبنات
بس عصبيته دماااااااااااار وتخليني اكرهه
اسلوبه بالاحرى سيئ

اكيد فيه ايجابيات بس انتي متضايقه الحين
صلي وادعي
وبينكم ولد
وزوجك حاله حال غيره من الا زواج عصبي

والله يالغاليه حاولت على مدى سنتين وثلاث اشهر
اصلح حاله وتعبت وانا اجاهد فيييه
عصبيته للاسف مااقدر اتحملها ابدا

ابي منكم تساعدوني بطرق احاول اخليه يتغيير
اخاف الموضوع يزيد مايهدى
وانا من النوع الي ماحب حقي ينهضم اتعذب لما اعرف انه بشر ظلمني
لااحد يملكني وهذي فكرتي انا مش ملك لااحد

عصبيته كانت احدى اسباب استقالتي من عملي بالاضافه لولدي
بس حاليا اكره زوجي كل مااتذكر عصبيته كل صباح
كل صباح كان يسب الناس
بالسيارة يعصب على الناس ويدعي على الجميع بالمووت
يعني انا بالصباح رايحه الدوام ونفسيتي صفر منه