السلام عليكم ورحمة الله وبركاته

ستخرج للسوق لوحدها وطلبت ذلك من زوجها
رفض واحتد النقاش حتى اعطاها كف.ندم وتصالحا
وفي داخلها تشعر بالفرح لرفضه .وغيرته عليها وبرجولته..
...
بالإمكان ازالة جزئية الكف..ورغم حاجتها للسوق..ستذهب لغرفتها راقصة فرحا.فقد نجح باختبار الغيرة...

لديها رغبة جامحة لزيارة والديها و أخوانها..فقد مر عام منذ اخر زيارة وقد بلغ الشوق منتهاه
فيرفض بعلها غيرة من اخوانها الذين تتبسط معهم بالحديث وبحجة انه لا يستغني عنها يوم
فتتلذذ برفضه وقوامته.


مملكان وكل في منزله..فيرفض أن تخرج من منزل والدها بغير إذنه.ويغضب لو قررت الخروج
دون الأخذ برأيه...فتشتعل أنوثتها حبا لرفضه.
..........
حقيقة لا أفهم تفسير تلك المشاعر. كأنه حب الظهور بمظهررالطفل..أو الغير عاقل.
والذي ورائه أحد يتابعه ويراقبه في تصرفات المفروض هو يكون واعي وعاقل ولا يفعلها

في الموقف الأول مثلا..لو رفعنا احتمالية الاضطرار الشديد
لما لا تغار المرأة على نفسها وترفض خروجها لوحدها في مواقف ومجتمعات ترفض ذلك وتستهجنه
وتقدر الظروف ..عوضا ان تنتظر من يعلمها؟ثم تفرح..لما لا تفكر في اي امر ستطلبه مسبقا
بحيث لو كان غير مقبول..ترفضه من نفسها على نفسها..

ولنفرض مثلا ان هناك امر مقبول وعادي كما في المثالين الآخرين..لكن زوجها مخطئ بتقديره
ورفض وفعلا عليها طاعته .لكن لما تتلذذ...برفضه الغير مبرر منطقيا.

المايك لكم..

__________________

و الله هؤﻻء البعض

طفوليات فعﻻ يا مسز داني

و المشكلة الرجال اللي يحبهم يتعب !

ﻵن المحب لمن احب مطيع !!

__________________
[img]http://im78.***********/FRd0Bi.jpeg[/img]

ممكن
ولنسمع وجهات نظر من يوافق او يرى ان هناك ايضاح لفرحتهن

__________________

هلا مسز داني

عني انا الصراحة ..
أتضايق من رفض اخوي الي اصغر مني و كنت اطنشه و اسمع كلام امي
لانه اخوي الي اصغر مني كان يحب يتحكم فقط .. و يشك دايما

و اخوي التاني يغار علينا .. فكنت احترم غيرته و اسمع كلامه و ما يسمح لنا نروح لحالنا اي مكان

.
.

زوجي كنت اقول له اي شي .. يقول لي (طيب)
كنت أتضايق الصراحة بداخلي ..

اقول له نروح ! يقول طيب ..
اقول له نجلس ! يقول طيب ..
اقول له نمشي ! يقول طيب ..

أتضايق مو لاني ابغاه يتحكم فيا ..
لكن ابغى يكون عنده رايي ..
ابغى اشعر انه يغار .. و يخاف علي ..

.
.

الحل :

اني خلاص اقلمت حالي على طبعه و لدرجة صرت اعمل اي شي من غير ما اساله
على قولتك .. انه خلاص ارفضه من نفسي
بس الشي هذا خلاص خلاه يتعود انه زوجتي تعرف تقرر و تعرف تمشي أمورها
و زوجتي ما ينخاف عليها

يعني ما نفع لا الإفراط و لا التفريط

.
.

صرت اعمل اي شي من غير ما اساله و اقلمت حالي على كدا ..
بس أتقصد اني اعمله باغلاط و أشياء تجذبه و تشد انتباه
تخليه يشعر انه لابد لي من متابعة و رقيب و شخص يهتم بأمري

يعني مو لازم كل شي اعمله و بدون استئذان منه ( اني اعمله بيرفكت )
عشان يحس باهمية وجوده معانا ..

و انبسط بداخلي لما اشوفه يوجهني و يرفض مرات طلباتي لكن بيوضح لي ليه
مثلا اقول له ابغى اروح السوق مع التاكسي
يقول لي ( لا .. لما أقوم انا أوصلك )

اول كان يقول لي على كل شي ( طيب )

بس شاف بعدين انه سواقين التكاسي بعضهم مالهم أمان
فصار يهتم بيا و يحرص علي

والله يا مسز داني انا افرح بس بصورة مختلفه عن الكلام اللي سدحتيه...
مثلا محتاجة غرض من السوق وفيني كسل أجيبها او فاتورة تحتاج دفع للخياط والجيب مخبوق...الحل؟!
أسير عنده واستاذنه بصيغه أني بروح بروحي اقضي شغلي طبعا بهالصيغة انا اضمن رفضه من ثم اضغط عليه يجيبهن...فالحاجة ف مخبأي والفاتوره اندفعت 😁😁😁


و ف قرارة نفسي أستلذ بالموضوع من هالناحية أن عندي سند ...
بس ف موضوع الزيارات لا والله ما يعجبني الرفض لأَنِّي أكون محتاجة اهالزيارة فماله داعي يتفلسف عليه 😗

__________________

أبداً ما أتوقع إن فيه عقليات كذا معقوله .. أنا أموت ألف مره لما اكون ودي اروح لاهلي ويرفض زوجي بدوووون عذر ورغم انه طالع من البيت طالع وبيت اهلي قريب جداً كم دقيقه .. انقهر وكثير ابكي .. ماعمري فرحت برفضه أي طلب لي .. مدري اذا فيه فعلاً وحده عاقله تفرح اذا زوجها رفض زيارتها لاهلها؟؟ او طلعه اياً كان نوعها..

والله انا افرح يا مسز يوم يقول البسي عباتك

__________________
استغفر الله العظيم وأتوب إليه .. سبحان الله ..الحمد لله.. الله أكبر

روح الطير .. الله يخلي لك زوجك يارب .. يا شيخه ذا ينشرى ..
زوجي حقيقة مستبد ومتحكم بشكل خاااااااااانق في كل شي
وكل شي يعني فعلاً كل شي .. واطلقوا العنان لخيالكم ..

__________________
استغفر الله العظيم وأتوب إليه .. سبحان الله ..الحمد لله.. الله أكبر

مااتوقع انها موجودة هالعقليات عالاقل بمجتم ي
فيه وحدة تتلدد لما تنضرب ويجيها انتعاش و اشتهاء لانو زوجها غاير.. لا مااتوقع

__________________

لازم الزوجات تاخذ الامر بروح رياضية

لان الغيرة وحب التحكم دليل على الحب

والزوجة تحب ذلك لانها تشعر ان هناك من يحبها ويهتم فيها ويحرص عليها ويخاف عليها من النسمة الطايرة

كتبت رد ومسحته كنت اعتقد ان المشاركه للنساء
وبعد ان حذفت الرد وخرجت وجدت اسمك يا غالي

اختي وعليكم السلام ورحمة الله وبركاته
وشكرا لك على المايك
وانا ببساطه ارى نفس رأي الاخ الكريم رجل طيب
ولكن ليس الى درجة تسلط بعض الرجال والمنع بصوره عجيبه لمجرد فرض الرأي
او عناد او غيره , بهذه الحاله ما اعتقد الزوجه تفرح , او بعض الازواج يبدا بالشك وو

اما مثل ماقال رجل طيب , ان كان الامر بسيط والروح رياضيه والحياه مستمره
لا بأس