حسبي الله ونعم الوكيل
انا سبق كتبت قصتي ان عندي اولاد توأم الكبير نسسسخه ابوه الثاني ابدا فيه لمحه مني بس مو مره الاول مرا نحيييف والثاني صحته حلوه
ابوهم حسبي الله عليه دايم يتهمني بتغذيه الثاني ومجنني عليها
والامر الثاني عيالي مؤدبين ومحترمين بس دايما يطلب من الكبير يضرب الصغير ويقول الصغير بخليه سواقك اذا كبر
والي يقهر ما يناديه الا يا قرد
تكلمت معاه وقلت خاف الله هذي نعمه وربي رزقك ذريه سليمه معافاه عيالك
يرد علي انا ما كذبت هو يشبه القرد
مستحيل الولد الاول جميل والثاني اقل منه بس يظلون جميلين
والاهم هذي نعمه ربي حسبي الله ونعم الوكيل
حتى في نومهم اذا جاء يسأل ها فلان نايم اقول ايوا ويقول والقرد نايم
كنت اسوي ان الموضوع ما يهمني واضحك واستمر
لانه اعرفه عنيد
صار يكررها ذكرته بالله واستمر
ويكرر اخر شيء قبل شوي كنت معاه على خلاف لان الكبير سوا بامبرز وجابه لمن وجهي قلت قليل ادب ووقح

وراح يصلي يبكي الكبير يبي يطلع قال خذيه بلت خله
جاء للصغير وهو نايم صفقه كف قوي على عينه وطلع
الله يشل يده الله يشل يده حسبي الله ونعم الوكيل
انقهرررررت

الامر الي كنت على خلاف معاه
انا احب اسوي رياضه واحافظ عليها جهاز الرياضه طلبني اقفله يقول خربان
ولي اسبوع
اقترحت اروح الممشى جنبنا رفض
قلت طيب نطلع كلنا نمشي رفض
تعبت من الحبسسسسسه
في العيد منعني من زيارة اهلي
وقلت نطلع لأهلك رفض
معقوله اعيش بين جدران ؟؟
لا اهلي ولا اهله ولا جيران
يمر شهور ما اشوف احد غير وجهه
الله يذوقه ما ذوقني من حبسسسه
واذا قلت طلعنا خاف الله يقول مو عاجبك هذا الباب روحي المحكمه
المشكلة لمن صار الحق وطلبه ابوي يطلقني رفض
طيب ليه هالعيشه ؟؟؟
العيد تمنيت اشوف اهلي
او اهله
من شهر 6 اخر مره شفت اهلي
وحتى الان يقول بعيد الاضحى تشوفينهم
الله ينتقم لي ويعوضني
حتى اهله انا على تواصل معهم مشتاقين لعيالي مره اقوله يقول انتي تبين الروحه
قلت اي شيء اهم شيء اشوف ناس
هذي طبيعه البشر
اقترحت عليه اتعرف على جاره رفض
طيب كيف اعيش
لا عمل ولا ناس ولا طلعه
ورب البيت يمر شهور ما اشوف غير وجهه
واقصد بشهور 4 او 5 شهور
وحتى لمن نطلع نهاية الاسبوع بر لحالنا
حسبي الله ونعم الوكيل

القسسم الأنسب

__________________




ربِ هب لي من لدنك ذرية طيبة أنك سميع الدعاء

ضرب ولدك ع عينه وهو نايم ؟؟؟
ابغى اتاكد يمكن فهمت غلط

نعم الي فهمتيه صحيح ، اعرف العقل لا يستوعب امر كهذا بس حسبي الله ونعم الوكيل
وغير عن الكف لا يسميه منذ ولادته الا يا قرد
رغم انه لم يكمل السنتين
كيف احمي ولدي

المحبه من الله حتى في الاولاد ممكن الشخص يحب واحد من اولاده فقط فانتي لاتعانديه عشان ولدك الصغير مايصير ضحية عنادك ويشفي غليله فيه باختصار هم اولاده وهو يرحم ذمته اتركيهم على الله ويكفي انك تعدلي بينهم وخلاص

__________________
تمنيت حبـاً يدوم طويـلاً .. فـدام الحب وَ رحل الحبيب.

هذا إنت الآن كبير وعاقل وفاهم ..ونفسيتك مستقرة .. ومدرك تماماً قيمة الأب.

ترضى أبوك كل ما شافك يناديك باسم من أسماء الحيوانات؟!!!


لاحظ ما تكلمت أبداً عن الحب.

__________________


اللهم طِيبَ الأثر .. وحُسْنَ الرحيل.

انا مدرك تماما لكلامك ولاكن صدقيني في مجتمعنا لايوجد حل وايضا لايوجد والد بهذه الطريقه وخصوصا انه يضرب طفل بس الي ابغى اوصله لاختنا انها ماتركز زياده ووتركه للايام وماتعانده ومعى ذالك في مستجدات في الرد رقم 9

__________________
تمنيت حبـاً يدوم طويـلاً .. فـدام الحب وَ رحل الحبيب.

اذا في مجتمعك لا يوجد حل اكرمنا بسكوتك واترك الفلسفة اللي بدون قل مجرد معارضة.

اختي الحياة مع زوجك تفتقد لاساسيات الاحترام فكيف بالحب والمودة

افترح يا امساك بمعروف ونقاش وبداية جديدة على اسس صحيحة او كل واحد في سبيلة حرام الاولاد يكونون حية كرهه لك

عجبي على هذا الرد يعني دام انه ابوه عادي يهينه و يستحقره! و حتى لو الاب يحب ولد اكثر من الآخر حرام و اثم عليه يظهر هذا الشي لان سيصبح الولد يكره ابوه و يكره اخوه ايضا
---
اما صاحبة الموضوع فيجب ان تأخذي موقف حازم جدا لان انتي بسكوتك عن الموضوع و عدم معالجته سوف تتحملي مسؤولية نشوء شخص ضعيف الشخصية جدا او مريض نفسي يصبح يكره المجتمع بما فيهم انتي