السلام عليكم ورحمة الله وبركاته ..



انا بنت عمري 23 سنه .. جامعية على قدر من الاخلاق والجمال ونفس هالاسطوانة اللي تنعاد وتعرفونها ،،

الحمدلله مو ناقصني اي شي ببيت اهلي ابداً ، غير الحرية نوعا ما ! انا اكبر اخواني ابي رجل شكاك نوعا ما ويرفض انخراطي بأي برنامج تواصل بحجة الخوف علي ..

لكن من جميع النواحي الاخرى مافي قصور لا ماديا ولا عاطفيا ولا اي شي جدا جدا في اشباع من هالناحية خصوصا ماديا ،،
لكن الوالد الله يغفرله ويسامحه " يشرب" من الطفوله وهالشي نوعا ما احس اثر على عقله وصار يشك بالكل فهذا الشيء الوحيد المنغص عيشتي معاه .. كل شيء ابيه يجيني من لبس وسفر واجهزه وكل شي لكن للحين الشك ورمي الكلام بدون مبرر عنده ماتغير .. من هالمنطلق طبعا خليت اخوي يطلع لي جوال ثاني من وراه ( بس كل بيتنا يعرف به ) وعشت حياتي ..


اختصاراً انا حبيت شخص صارلي سنه معه .. امتد الموضوع وتطور وطلعت معاه كذا مره ..

الحال مو مرضيني ولا مرضيه ولا عاجبنا هالوضع نبي الحلال ..

شخص جدا مميز ومابي اطول واشرح صفاته وامدحه والخ .. مقتنعه فيه وابيه زوج لي وهو نفس الشي ..

عيبه ومصيبته " عند اهلي " انه شمالي وانا جنوبيه " كقبائل" ..
والديه منفصلين ويعيش لحاله بمدينتي واهله بمنطقة ثانيه والدته تعاني من احد الامراض النفسيه شفاها الله ..
اهلي ماراح يرضون فيه ابدا ابدا بدا ، خصوصا ان لي ولد عم قاعد بحلقي ماتزوج كل شهر يجي يخطبني مو راضي يتقبل الرفض ..
طرحت الموضوع على امي وخليته يكلمها وبغت تنجن وثارت علي وطلبت مني انهي العلاقه واقفل الموضوع وانساه ، لمحت لا اخواني ان احدى الصديقات تبي تخطبني ل اخوها وانه من القبيله الفلانيه ورفضوا نوعا ما خوف من ردة فعل ابوي .. كلهم على جنب وابوي على جنب اقدر عليهم واقدر اقنعهم .. بس ابوي كيف وش اسوي ؟ الولد ماله احد هنا وابوي بيدقق وراه وابسط شي لو راح سأل بيقولون له ان ماله اي اهل هنا وانه عزابي .. وبيكتشف ابوي علاقتي به ويمكن يذبحني ،، او ابسط شي يمكن يرفضه .. كيف اقنع اهلي به ؟ كيف ابعد ولد عمي ؟؟ --- الى امس وهو يفاتحني بموضوع الزواج ويقول انا معك وبنتظرك .. مو عارفة شسوي شورا علي احسني ملخخخبطة ! انا ابيه والله احبه وراضيه به وهو نفس الشي .. بس الفرق القبيلة ،، كلنا عيال حمايل بس هو من الشمال وانا من الجنوب وش الخطوات اللي ممكن تيسير الموضوع ؟ يجيب اخته ؟ طيب هي مو ساكنه هنا حتى لو جت ! انا باقي لي سنه واتخرج او سنه ونص .. مادري وش اسوي ابيه وابيه الحلال .. وش هالعيشه اللي ماقدر اتزوج فيها اللي ابيه !


تم تعديل العنوان ليتناسب مع المضمون