السلام عليكم

كل عام وأنتم بخير

مادري من وين أبدا

ملخبطة مشاعري محروووق قلبي

مادري ليه يصير فيني كذا لاكن الي اعرفه ومومنه فيه ان المؤمن مبتلا


مو قادرة اختار الشي الصح

الموضوع يخص بنتي ياناس انا ربي حط في قلبي رحمه عليها مو طبيعية لو تسوي شي غلط واخاصمها ضميري يأنبني فترة

هذي بنتي قطعة مني من يوم انولدت. وانا الي كنت لها الام والأب بعد ماتخلا عنها ابوها وهي في بطني

أبيع ذهبي بس عشان تلبس احلا لَبْس وأبوها مافكر فيها ولا فكر يرسل مصروف

عمري ماتركتها وطلعت مشوار لاني ماحب اثقل على احد

عاهدت نفسي اربيها احسن تربية واخليها مميزه عن الكل بأخلاقها وتربيتها ولا خلي ابوها اذا كبرت وشاف تربيتها وأخلاقها يندم انه هجرها

انا ضد ضرب الام لطفلها

لاكن الي صار قبل يومين خلاني انفجر

متخيلين بنتي عمرها سنة و5شهور واذا سحبت شعر طفل اصغر منها تقوم أمه تضرب بنتي وجدتها تضرب بنتي وامي كمان تضربها

اسالكم بلله هل بنتي تعتبر في سن تميز فيه بين الصح والغلط

وهل هي تستأهل الضرب

وربي انفجرت ولاتحملت اشوف جدة الطفلة تضرب بنتي وبكاء بنتي وفوق ذَا أمي ضربتها وبنتي قامت تصيح
انا انهرت من المنظر ليه كذا عشانها بنت مطلقة وأبوها مو موجود يتسلطون عليها

عماتي قامو علي وليه تزعلين لان بنتك تنضرب خليها تتأدب

اسالكم بلله تتأدب في ذَا السن

وان بنتك بتروح لزوجة ابوها وتكويها بنار اسالكم بلله هذا كلام ينقال لام طفلة محروق قلبها عليها بذات وانه عيد واشوف الكل يعايد على اطفاله الا ابو بنتي وربي مافكر يتصل طلب يشوفها مصروفها بالقوة ارسله قبل العيد بكم يوم

انا ذلحين محروق قلبي محتاره هل ارسل بنتي لابوها وأنحرم منها عشان ماحد يتسلط عليها ويضربها

أمي تقول خلاص أعطيه بنته وانا ياناس انا ام ماتحمل بنتي تفارقني ممكن اضغط على نفسي وأعطيه البنت نهاية كل اسبوع وباقي الاسبوع عندي لاكن أعطيه البنت مره وحدة ماقدر وغير كذا قبل شهر. صارت لي ظروف وارسلت البنت له جلست معه هو واهله كم ساعه

شوفو المنظر الي رجعت به الحفاظة وأنتم بكرامة ماتغيرت حتى امتلت وطلعت على الملابس

حطيت لها ملابس تغيره لبسوها اللبس مقلوب وربي شاهد على كلامي ماظلمتهم

والي بيجي يرد علي ويقول اهله مو ملزومين في بنتك لا ملزومين يوم طلقني وانا حامل قالي البنت اذا ماتبغين تربينها أمي وأختي يربونها


احس الكل قاسي قلبه غلي

واذا ناقشت وقلت البنت بنتي ولايحق لأي حد يضربها غير أمي وابوي ومو اي ضرب ضرب على اليد خفيف

قالو لا خلينا نضربها نادبها المشكلة هم مايضربون عيالهم بس يتسلطون على بنتي

والله انا بنتي تلعب مع بنت قريبي إكبر منها عمرها 3سنين وتضرب بنتي بس عمري مازعلت ولارحت ضربتها لأنهم أطفال


انا في هم وحرقه قلب مادري وش اسوي

قريباتي يسمعوني كلام بِسْم البدن وكاتمه في قلبي

صرت أتمنى اموت انا وبنتي ونندفن سوا من الوضع الي انا فيه


لاتحرموني من دعواتكم

عسى ربي يفرجها عليكم ويفرحكم وتكبر وترفعي راسك فيها وتبلغي فيها عروس إن شاء الله
رددي دائما حسبي الله ونعم الوكيل و تذكري ماخاب من توكل على الله .

اللهم امين


الله يجزاك خير

أنا لو عندي بنت وجاء أحد ضربها بجلده لين يعض الأرض
مالهم حق يضربونها وإذا غلطت يعلمونك تعاقبينها
طفلة عمرها سنة و 5 شهور تنضرب ليه؟؟
لاتسكتين لأحد يمد يده عليها
وبنتك فهميها إنها ماتضرب ولو ضربت طفل عاقبيها من غير ضرب أو صراخ أحرميها من شي تحبه
وبنتك لاتعطينها أبوها هي بسن محتاجتك إذا صارت تعتمد على نفسها خليها تنام عنده
لكن حالياً هو ماراح يغير لها ويلبسها ويحممها ويأكلها وأهله ماراح يحنون عليها أكثر منك
وديها لهم ساعتين ثلاث وترجع بس

__________________

وبدأت تحدي إنقاص الوزن الهدف إن شاء الله 55 كيلو

هي عيبها انها تحب تسحب الشعر حتى لما تجي تنام ماتنام الا لما تمسك شعري وتسحبه

اذا سحبت شعر طفل اقولها لا ياماما غلط روحي بوسيه وتروح تسلم عليه

انا أعطيه الصلاحية لامي وامي لأنهم يحبونها اكثر من عيالهم ولا راح يضربونها الا علي شي قوي وحتى ضربهم يكون على كفها ونادر كمان مايضربونها


لاكن غيرها مارضى ويجن جنوني

ياعمري يأختي الله يارب يقويك وينصرك شي والله يزعل ليش كذا يسوون حرام عليهم انتي هاوشيهم لايجون بنتك وليش أهملو بنتك ماهتمو فيها أهل طليقك انغثيت عليك والله وضعك يضيق الصدر حسبي الله علية ليش يطلقك ....

اللهم امين عاد وش نقول يامصونات الدنيا دار ابتلاء محد مرتاح فيها

والله معك حق
وحده كبيرة عاقله تحط عقلها بعقل طفل عمر سنه ونص
لو سوينا زيهم ماعد كلمت اختي
ولدها دائما يضرب عيالي لكن ولا مره ضربته

والله بنت عمي ضربت بنتي مرتين وضرب قوي مره دفتها وطاحت على فمها ونزفت دم وربي مازعلت ولاضربتها لأنهم أطفال رغم ان أمها انحرجت مني وقامت تعتذر

وفي كل مرة تضرب بنتي اكتفي باني أخذ بنتي واسكتها وبس

فقريباتي يقولون انك انتي تجاملين زوجة عمك لا انا ماجاملها لاكن انا كبرت عقلي ذولا أطفال شي طبيعي يتضاربون ذلحين واذا كبرو يحبون بعض

اختي لاتزعلين مني ولكن انتي فاتك حاجه
وهي ان جدانهم او اعمامهم او اخوالهم ماراح يضربونها من كره
هو ضرب تأديب
كلنا نحب اولادنا ومع هذا نضربهم لاننا نحبهم
اذكر ولدي الصغير وهو صغير كان يعض لدرجة الناس صاروا يكرهون جيتنا لهم لانه يعض اولادهم
واذكر اني ضربته على فمه مره وحده وتاب من هالعاده وبطل
فـ اختي لاتصيرين حساسه بزياده من هالناحيه
ولاتكرهين جدانها واعمامها واخوالها فيها طالما ان الضرب ماهو مبرح
لو كان ضربهم لها قوي ومبرح كان قلت لا صحيح اللي بعمرها ماينضرب بهالشكل
على العموم الله يخليك لها ويخليها لك ويطرح فيها البركه ويصلحها