السلام عليكم ورحمة الله وبركاته
كل عام وانتم بخير

زوجي سافر في يوم 8 رمضان للمدينه اللي ساكنين فيها اهله وزوجته الاولى عسى ربي يحفظه ويرد بالسلامه


خلوني افهمكم نظامنا انا وهو كل سنه
رمضان العام الماضي كان اول رمضان لنا سوا
بداية رمضان يقضيه هنا والنص الثاني عند اهله والعيد يكون عندهم وعيد الاضحى يكون هنا وهكذا يعني

المهم..
زوجي اظطر انه يروح في يوم 8 رمضان لان ابو زوجته الاولى تعب حيل فجأه الله يشفيه ويقومه بالسلامه
وراح لهم عشان ياخذهم للمنطقه اللي فيها ابوها
وراحو يوم 9 حتى ماطولو لانه كان حيل تعبان عسى ربي يرفع عنه كل بلاء

ياطويلين العمر زوجي قبل مايروح قال لي السموحه وانا اظطريت اروح والمفروض اروح بعد اسبوع او 10 ايام
بس انا والله قلت له مسموح وعذرك معاك
بس قال لي قبل مايروح ترا احتمال ام فلان والعيال تقعد عند اهلهم لين عيد الاضحى وبروح اجيبهم لان اجازة الصيف طويله قلت براحتك
انا استغربت ياجماعه وما ادري هو بيجي هالفتره مع اني اشك في جيته وخصوصاً الحين
هو قال انا بجي بس طبعاً ماحدد متى ولا ابي اسأله متى
بس اللي عرفته ان الدراسه بتكون في نص ذو الحجه
يعني اذا مثلاً قلت انه جاء هالفتره طبعاً مابيعيد هنا مثل خلق الله لان العيد يوم 10 ذو الحجه والدراسه 17 او 18 مو متأكده يعني متى يمدينا نعيد سوا ومتى يروح يجيبهم
لانه لازم يجيبهم قبل المدرسه بفتره عشان ع الاقل يضبطون امورهم وكذا
الحين اللي ابيه منكم تساعدوني بمشورتكم
هل افتح معاه الموضوع واقوله يوضح لي كيف بيكون النظام ولا اسكت
يارب تكونون فاهمين علي احس كلامي محيوووووس


تم تعديل العنوان ليتناسب مع المضمون

مافيه مانع تفاتحين زوجك الي بصدرك وتقولين له يابوفلان هل راح تعيد عندنا بالاضحى او لا وقولي حنا نبغاك تجي وتعطينا من وقتك مثل ماتعودنا ...! بكلام طيب وزين ومع دعاء ان الله يسهل امره ويشرح صدره ....!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

انا مع رأي المتواضع

__________________
يا ودود يا ودود ياودود يا ذا العرش المجيد يا فعالاً لما يريد أسألك بعزك الذي لا يرام وبملكك الذي لا يضام وبنور وجهك الذي ملأ أركان عرشك أن ترزق صاحبة التوقيع الزوج الصالح والذرية الصالحة الطيبة عآجلآ غير آجل وجميع بنـآت المسلمين) اللهم آميـن

جزاكم الله كل خير على كلامكم

بس ماعرف كيف افتح معاه الموضوع وفي نفس الوقت احس إني منزعجه نوعاً ما من هالأمر

هالحين تسئلين الاعضاء بطريقة
غير مباشر هل هو بيجي بالعيد
طيب هو بكبرة ليش ما توجهبن السؤل لة
ليش بينكم حواجز وعقبات؟
بعدين انتي تبين كل سنة مثل الي قبلها
لاتنسين الظروف لها احكام وتغافل يمدحونة

__________________
سبحان الله وبحمده سبحان الله العظيم

بس تعرفين ان زوجج يتضايق من سؤالج
وما يعطيج اجابة!
فهل تغير و صار يتقبل ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

مو سالفة حواجز وعقبات بس انا انسانه احب السلام
مابيه يحس قاعده تسأل عشان تضغط علي وانا مو كذا ابداً
ايوه اخوي بذات في مناسبات مثل كذا ايوه ابي كل سنه مثل قبلها
لأن كلها عيدين في السنه اذا بتساهل فيها بيهون عليه الامر
بنتي بتكبر واذا تهاون هو في هذا الموضوع
بتحس بفقده اكثر مني وخصوصاً في عيد ولا انا غلطانه

أهلاً حبيبتي زين
تصدقين والله احس بطاقه ايجابيه من اشوف رد من ردودك
انتي وكذا اسم في هذا المنتدى

يازين صار يتقبل نوعاً ما تعرفين متى.!!؟
لما صرت ما اسأله بتعمق شديد
وصرت اطنش فوق ماتتصورين

انا اسف✋
............

__________________
سبحان الله وبحمده سبحان الله العظيم

عروس الروض ...

مافهمت زوجك ودى زوجته لأهلها طيب هو فين حالياً عندك ولا عندها؟

بعدين انتبهي انتبهي زوجك معدد ومو حاس انه معدد تاركته ع راحته وبكره ياقلبي بعد 5,10,15 سنه بتعيشي كذا

مااعرف احس لازم لازم لك وقفه معاه لو تدخلي اهلك ياخذك مكان مايروح يسكنك مكان مايسكن زوجته اطلعي ع موضوع الأخت إبتسامة ورد بكرة يتعود ع دا الأسلوب ومايرضى بغيره ويصعب عليك تغيره

اتمنى من كل بنت تكون زوجه ثانيه من ظمن الشروط الي تحطها إنها تسكن معاه في نفس المدينه الي زوجته فيها ويوم لك ويوم لها معليششش ونقول زاد التعدد زاد لأنهم متساهلين فيه وفالينها ومايخافو الله في بنات الناس الي يبغو يعيشو عيشه كريمه