في البدايه والله جلست اكثر من اسبوعين افكر انزل الموضوع هذا او لا بصراحه راح القي هجوم عنيف بس الله يخليكم اتمني انكم ماتظلموني واتمني انكم تفهموني وتقدروا اني والله طرحت الموضوع عليكم عشان ارتاح ويرتاح ضميري انا مابي احد يطبطب على كتفي او يواسيني وفي نفس الوقت مابي احد يجرحني بالكلام مابي اطول عليكم ادخل بالسالفه.

انا قبل ثمان سنوات تعرفت على وحده وحبيتها من كل قلبي وفعلا والله كنت ابي اتزوجها بس مالله كتب بينا نصيب وراحت بطريقها والله يوفقها ويسعدهالو جلست اكتب لكم عن حبي لها راح تطفشوا وتتضايقوا من كلامي لانها تحتاج لصفحات ولانها ماهي هي الموضوع اللي ابي اتكلم فيه انا بعدها جلست حوالي خمس سنوات مابي اتزوج لكن العام الماضي تزوجت بنت خالتي بنت بكل ماتعنيه الكلمه حبتني قدرتني تضحي بكل شي عشان سعادتي لكن المشكله اللي ابي اتكلم فيها اني ماقدرت ابادلها نفس الشعور والله العظيم حاولت لكن ماقدرت الحمدالله انا معوضها عن ها الشي بالاحترام بالتفاهم اللي بيني وبينها والله ماعمرها طلبت شي وقصرت فيه تصدقوني والله حتي هي تقول لي انت في حياتك سر انت غامض دائما ساكت تصدقون حتي ايام الملكه اللي هي احلا ايام بالنسبه لي مالها طعم اذكر انه في يوم الملكه بعد ماتعشينا طلبوا مني اخوانها اني اجلس عشان هي تبي تجلس معاي لكني باسلوب حلو تعذرت اني ماني مستعد نفسياً واني مرهق وبعده بكم يوم اتصلت وبعد طلبوني وفعلا جلست وياه تقريبا ساعه حتي ليلة الزفاف كلمتها بالتليفون وعصبت عليها وبكت وقفلت انا الخط وبعد ساعه اتصلت هي لاتحسبوني اني لها الدرجه ماعندي احساس او عاطفه او او لا والله من داخلي اتألم واعاتب نفسي والله العظيم اني اجلس لوحدي وابكي بس وش اسوي القلب ومااقدر اتحكم فيه.
الله يخليكم انا مانزلت قصتي الا ابي حلول من ناس لهم خبره ومن ناس لهم تجربه حب حقيقيه ومن ناس متزوجين من فتره بس الله يخليكم بعيد عن التجريح وعن الكلام اللي انا عارفه الله يخليكم .
اتمني انكم ماتبخلون علي بحلولكم .
تحياتي للجميع.

لها الدرجه ماتبون تساعدوني شكرااااااااا للجميع.

اخي العزيز من بين الناس ما بطالبك تنساها لا بس بسألك سؤال انت في اعتقدك انها تتذكرك لين اليوم ؟
انا ما بجاوب بس بقولك شي انا من سنتين حبني واحد ولد ناس ومن عائله وحب يرتبط فيني لكن للاسف كان متزوج وانا ما اكتشفت الموضوع الا بعد 7 اشهر من تعرفي عليه مع ان صدقني طريقه تعرفي عليه جدا عفويه وهي انه يشتغل في مكان حساس واني لازم اكلمه عشان مشكله حدثت ومن يومها والريال متعلق انا في البدايه ما فهمت بس عقب قلت دامه ممتاز اقبل به وانا ما انكر اني حبيته بالعكس انا اعترف اني حبيته بس صدقني اني انا نسيت الموضوع او حاولت اتناساه ومارست حياتي بشكل جدا عادي ليش لان لي هدف هو اني اسعد الانسان اللي ابغي ارتبط فيه وهذا اللي صاير حاليا اذا اتقدم لي انسان جدير فيني ما برفض لاني عاهدت رب العالمين اني ما ارجع واكمل مع هذا الانسان وغيرت كل ارقام تيلفوناتي واشياء واجد اخوي العزيز من ترك شيئا لله ابدله الله خيرا منه وصدقني دامك تحمل هذا القلب اكيد بتحب زوجتك انا متاكده بس توكل على الله انا عرضت قصتي عشان اراويك انك مب الوحيد ولا الانسانه اللي حبيتها هي الوحيده في الوجود وصدقني لو التقتك في مكان يمكن تذكر شكلك ويمكن لا بس خل قلبك قوي واقبل على الحياه لانه محد يستاهل .

اسفه على الاطاله المررررررررررحه

__________________
عيون الناس في الغربه مرايا ...........تصور صورتك دايم في بالي

السلام عليكم ورحمه الله وبركاته 0000

اخى العزيز اقول لك ربما ابدلك الله بزوجتك الحاليه عمن كنت تحب 0

ما ادراك بان من كنت تحبها سوف تعاملك مثل ماتعاملك زوجتك الان؟؟؟

اخى 0000 دع وساوس الشيطان عنك 0 وتقرب الى زوجتك اكثر , واحمد ربك على نعمته لك بتلك الزوجه, وصدقنى لو غابت زوجتك عنك فتره لاشتقت اليها ولافتقدتها0

اخى لاتفكر فيما مضى وحاول ان تنساه وركز تفكيرك بحاضرك ومستقبلك ,
حافظ على زوجتك واحسن اليها بالقول والعمل واخلص لها بحبك 0وسوف تجد مايسرك انشاء الله 0


مع تمنياتى لك بحياه سعيده

اختى الغاليه المرحه

اشكرك على مرورك على موضوعي وتفضلك بالرد ونصيحتك لي

ابي اقول لك حاجه انا ماحبيت يوم او يومين لا خمس سنوات ومتزوجه هي من ثلاث سنوات تعتقدين بها السهول اني انساها الحمدالله على كل حال نعم عندي انسانه مكفيه وموفيه بس اللي يعذبني ويخليني دائما مهموم ها المسكينه اللي عندي يمكن بعضكم لما يقرا قصتي يحسب اني منزلها عشان تتعاطفون معاي او اني انزل موضوع كل يشارك فيه لا والله كان عشمي في الاعضاء كبير بانهم مايبخلون علي بالنصيحه والحل بس عاااااادي تعودت على العموم مشكوره اختي الغاليه والله يوفقك.

اخي الغالي كلي امل

اشكرك على هذه النصيحه والله يوفقك ويسعدك يارب .
تحياتي لك.

__________________

مرحبا
نعم هذا شيء طبيعي الشعور الذي تعيشه .. حب + فراق = عذاب طويل

اعتقد ان الفترة التي ذكرت كفيله انك تشوف نفسك فيها وتبدا حياتك وتنسي اللي صار وتعتبرها ذكرى وانا اعلم انها صعبه عليك لكن الواقع والزمن يفرض عليك اذا انت بتسايره .
اما من ناحيت زوجتك فتعتبرها انا مظلومه مهما لبيت طلباتها الزوجه تريد قلبك انت اكثر من اي شيء. وانا استدليت علي هذا بكلامك وهي تقولك انت في حياتك سر انت غامض .

وارجوا لك التوفيق بحياتك

أود ذكر بعض الإضافت على الاعضاء المشاركين وشكرا لهم

أولاً : ضع هذه الأية نصب عينيك (( وعسى أن تحبو شيئأً وهو شر لكم وعسى أن تكرهوا شيئأً وهو خير لكم )) أتنمى أني ما أخطأت في الأية إذا كان فيه أي خطأ أرجو التصحيح ...!!!


ثانيًا: أعلم أن الخيرة فيما أختاره الله لك وأعلم ان الله هو العزيز الحكيم الذي أحاط بكل شيء علما .

ثالثاً : أشكر الله على هذه النعمه .

رابعاً : أدعو الله أن يقذف حبها في قلبك ففي الدعاء خير وبركه .

خامساً : أستعضم في نفسك أفعال زوجتك وأنها تفعل مالاتفعله زوجه لزوجها .

سادساً : أقرأ في مشاكل الأزواج لكي تعلم أنك في نعمه وسعاده .

سابعاً: ضع في نفسك أن الرجوع للمراه السابقه وهو شيء من المستحيل وضرب من الخيال . مثال بسيط كبلوغ الثقوب السوداء البعيدة جدا في الفضاء الخارجي .,,,

ثامنًا : أعلم أن لايشيء يدوم على حاله فبما أن زوجك زوجه بمعنى الكلمه من كل النواحي فبجفائك وبرودك وعدم أبداء المشاعر لها يجعلها في خيبة أمل
وصدمه وملل ,,,

فستغل هذا مادام أنها في حماسه لتحقيق حبك لها قبل أن تندم وتتحسر

والمرأه تحتاج إلى الحب ومبادلتها نفس المشاعر ((ولاتقل أنك تعوضها بالأحترام والتقدير وتوفير كل شيء تحتاجه فهذا كلام غير مقبول))0

تاسعاً : أرجو من الله العلى القدير توفيقك في حياتك .

وعذراً على الإطاله وشكراً.

اختى الغاليه SiM اشكرك على مرورك وعلى نصيحتك

الانسان يمكن يسلا او يتناسا لكن ينسي ؟؟؟؟؟

اشكرك واتمني لكي التوفيق
تحياتي لك.