احتاج لآرائكم ........ الخيانة الزوجية
[size=3]
السلام عليكم و رحمة الله و بركاته
سبحان الله ، الي فترة طويلة بحاول ادخل و اشارك بهذا المنتدى القيم و كنت اريد ان اشارك بمشكلة و تساعدوني بحلها ، ثم يئست فصرت ادخل بس للاستفادة من كلامكم الرائع.
لكن سبحان الله قريبتي واقعة في مشكلة كبيرة و نويت الدخول لاعرض مشكلتها عسى ان اجد لديكم الحل الشافي لها ، و هي زبطت الامور ، و الله يتقبل من الجميع.
اليكم المشكلة و هي باختصار ان قريبتي (و تكون زوجة اخو زوجي) تزوجت منذ 4 شهور ، و اكتشفت بان زوجها يكلم بنات، و يقابلهم ايضا، برغم ان زوجته( قريبتي ) جميلة و انيقة و دائما تحاول ان تظهر له باحلى حلة و اجمل مكياج ، الا انه متعود يحكي مع البنات و مو قادر يبطل هالعادة و لا اظن انه حاول يبطلها، فتساله تقوله انت ليش بتكلم البنات ، هل يوجد عندي نقص ما ، او عيب معين، قل ما الذي ينقصك و انا اعملهولك، لكنه يرد و يقولها مو ناقصني شي و انتي كاملة مكملة بس خلص هالشغلة بدمي و متعود عليها 
بعض الملاحظات:
لما اكتشفت قريبتي ان زوجها يحادث بنات بدات تراقب جواله و تحاول تاخذ الارقام و تكلم البنات و تقولهم انه هو متزوج و انا مرته ،فبعضهن يعتذرن و ينسحبن و البعض يرجع يكلمه عادي لكن برضه هادا مو الحل الكافي .
2 زوجها (طبعا هو اخو زوجي الكبير) لا يعمل ، و يرفض اي مهنة، ينتظر مهنة تدر مالا كثيرا او مصلحة خاصة، و بالتالي يضيع فرص عمل كثيرة، و الكل ينصحه و يحكيله لكنه راكب راسه، و انا طبعا عارفة انو هذا الفراغ الذي هو فيه، هو السبب الرئيسي للانحراف ، لكنه مو راضي يشتغل اي شغل.( هو شاطر بالتجارة و كان شريك بمحل و انسحب و طارت الفلوس على ما اظن)
3 زوجته كتير تعبانة منه و انا نفسي اساعدها ، خصوصا انه اخر فترة زادت محادثاته مع البنات و احنا شاكين انه رجع يخطئ مع البنات ( اقصد مسجات و محادثات خاطئة و غير شرعية )و اكتشفت انه راح زار بنت تدرس بجامعه و ساكنة بسكن.يعني الامور ممكن تتطور.
4 هي حاولت كتير حلول مرة بتطنشه و بتتركه و مرات بتعنفه و مرات بتمنعه من نفسها ( اي تهجره بالفراش) و مرات تتركه و تروح عند اهلها ، لكن المصيبة انه ما بتفرق معه كتير، يعني مرة راحت عند اهلها ، فتركها و ما رجعها بالمرة لحتى رجعت لوحدها.( طبعا البنت عاقلة و ما فتحت موضوعها لاهلها بالمرة و عندها امل باصلاح زوجها و تقول زوجي و لازم احافظ عليه، لكنها تعبت منه و تعبنا معاها، لكنها انهارت اخر فترة و شكت لامها بس امها برضه تصرفت زي بنتها و على ما اظن اكتفت بالنصح.)
5 هو ما يصلي الا لما يحس بالخوف من الموت او شي، لكن سبحان الله قدرت تخليه يصلي لكنه يقطع ، و كتير احيانا تضع القران بغرفتها و تخليه يسمع.لكن..............
6 هذا الزوج عنده اخطاء كتير و غلط بحق زوجته اكثر من مرة لكنها صبرت ، بس شغلة البنات هادي اتعبتها كتييييير و محيريتها.
و الله عارفة اني طولت عليكم عشان هيك راح اكتفي بهالحكي ، ارجوكم الي عنده حل او تجربة مشابهة يدخل و يفيدنا و يحتسب ذلك عند الله بان فرج عن مؤمن كربة.و الي ما عنده فكرة شو يكتب ، ما يبخل علينا بالدعاء لقريبتي و زوجها بالتوفيق و الهداية و الاستقرار.
الله يجزيكم كل خير.
استودعكم الرحمن.[/size]
التعديل الأخير تم بواسطة حفيدة الصحابة ; 02-06-2005 الساعة 12:19 PM
02-06-2005, 12:16 PM
ضوابط المشاركة
العرض الشجري