بسم الله الرحمن الرحيم

لااريد ان اطيل عليكم اخواني .

مشكلتي انا انسان متزوج من شهر تقريبا ولكن من اول يوم ملكة مشاكل في مشاكل مع الوالد اتوقع الكثير سوف يتسألون ليش المشاكل مع الوالد انا بصراحة تزوجت دون علم ابي لظروف خاصة جدا منها ان والدي لايريد ان ارتبط باي بنت غير قبيلية ولازم تكون بالمواصفات الللي يبيها ابوي كل مااختار وحدة يقول لي قصيرة بكرة عيالك راح يكونون قصار واذا اخذت سمرة يقولي راح يجون عيالك سود المهم.

انا انسان من ثلاث سنوات وانا ازن على ابوي يزوجني ولا كأني اكلمة سافهني من فترة قريبة ربي رزقني بمؤذن المسجد جاي ومعه رقم خطابة وبعد ماكلمتها قالت لي وش ضروفك علمتها لقت لي بنت بعد فترة استخرت ربي ورحت انا واهلي وخطبتها وملكنا بعد فترة وعلمت ابوي بعد المكلة طردني من البيت وبدات المشاكل .
البنت هذي اهلها ناس كويسين بس هم من البشرة السوداء اصلهم بصراحة يعني عبيد بس مايقولون كذا بس لونهم اسود ماعدا البنت سمرا وامها برضو سمراء
شفتها وافقت عليها وافقت علي .

يوم الزواج انا كنت مرة متضايق من تهديد ابوي لتخريب العرس ومن هالحكي هذا المهم مرت ليلة الدخلة على خير .

بس بعد ليلية الدخلة بدأت ضيقة صدر بداخلي غير طبيعية مادري من وين المهم بديت اكره انا اجامع زوجتي احس اني اجامعها بس بدون رغبة ابدا بس اجامعها في شي يجذبني لجماعها ولكن بدون اي اثارة يعني جماع بدون لذة مادري وش المشكلة هل فيني هل في شي ثاني ماادري .

الى الان لما اشوف بنت اخرى اندم اقول ياريتني اخذت وحدة بيضاء ولكن للحمد الحمد من قبل ومن بعد والله يثبتي على العمل الصالح ويغنيني بحلاله عن حرامة ولكن ماادري ابي احد ينصحني يقول لي الحل الوالد قال لي وصيتي لما اموت انك تطلقها ولاتجلس على ذمتك ابد انا اخر عمري ولدي يتزوج عبدة وقال لي انه عيالي راح يجون عبيد.


ارجوكم ردو علي

ياليت بالبداية تتحمل بعض من كلماتي المتواضعة :

انت غلطان بزواجك بدون رضاء ابوك ونصيحتي ان لا تعالج الغلط بغلط اكبر وهو طلاق زوجتك وتظلمها معك لذلك عليك اختيار الوقت

المناسب لاقناع ابوك وانصحك بأن تذهب الى مؤذن المسجد الذي يعلم بمشكلتك من البداية .

اما بخصوص عدم رغبتك بجماع زوجتك فهذا شيء طبيعي والسبب يرجع الى حالتك النفسية .

اتمنى ان تتريث بأتخاذ اي قرار وان تصلي صلاة الاستخارة مع تمنياتي لك بأن تفرج مشكلتك بالقريب العاجل .

__________________

جملتك هذي توضح انك قاعد اتفكـر بنفس تفكير ابوك قبل زواجك والظاهر انك كنت مندفع للزواج بقوة مهمن كان شكل الفتاة !!
ومثل ما يقولون .. بعد السـكرة تأتي الفكرة ..
لكن وبعد ما صار زواجـك أمـر واقع لازم تتحمل نتيجة قرارك وما تظلم زوجتـك معاك وبنفس الوقت اتحاول ارضاء والدك بأي طريقه غير فراق زوجتـك ...

__________________

^
كلام عين العقل ..

اتق الله في بنت الناس ياخوي ..

و اللون مو شرط ..

و كلنا عبيييييييد لله ..