السلام عليكم ورحمة الله وبركاته

يقولون:- ودي ولكن كيف تحقيق ودي...عيا زماني لايحيني على الكيف
وفصلت من خام الشقا ثوب قدي...وكسيت نفسي بالمنا والتحاسيف


دخلت عالم تطوير الذات لرغبتي بتطوير ذاتي (( مع اني احس انه سااااااااابع مستحيل))
مشكلتي مع ذاتي مشكله معقده واحيانا اعرف الحل ولا اتبعه واحيانا اجهل الحل من كثر التعقيدات
(1)في البدايه شخصيتي فيها كل المتناقضات..لدرجة اني اشك بيني وبين نفسي انه عندي ازدواج في الشخصيه...بمعني اخر عندي اكثر من شخصيه وكل شخصيه اخليها تلعب دورها بوقت محدد ولمده محددده.......احيانا استغرب كيف اجمع بين كل هالشخصيات وبكل هالبراعه!!!!!! ولو اوضح لكم اكثر والله بتنصدمون !!

(2)العصبيه والقسوه ...انا ماحب ابد ابد اني اعصب ولا اصرخ على اي حد مهما كااااااان ومثل ماقلت انا بالبيت انفعل واعصب اذا حد زعلني....ااما خارج البيت مستحيل اعصب او اصرخ احتفظ بردود الفعل لنفسي.....واعتقد انه سبب عصبيتي انه كل من حولي بالبيت يتكلم بعصبيه وبصراخ وبقسوه...وبالتالي يقولون احيانا لو فعل ماتحبه و تعيش مع ناس فيهم هالصفه مع مرور الوقت وبدون لاتحس تاخذ هالصفه....علما باني اذا عصبت على اي حد من افراد البيت اتم طول الليل متندمه والندم يذبحني وادعوا الله ان يعفر لي...ولكن في اليوم الثاني ماقدر اسيطر على اعصابي مااستحمل احد يعصب علي !!!!
ومن يدري بالمستقبل يمكن اعامل زوجي وعيالي بهالقسوه والعصبيه وهذا اللي ذابحني

(3) الشك....مااشك بالناس الحمدالله ولكن الشك وعدم الثقه من افعاااااااالي انا...بمعني اذا اغلقت الكمبيوتر وذهبت للنوم اظل افكر يمكن انا مااغلقته مع اني بداخلي عندي احساس باني اغلقته وبالتالي اروح اتأكد وارجع انام....بعد خمس دقايق اقول لا انا ماغلقته واقوم من النوم عشان اتأكد وبعدها انام...وعلى هالحال ..
واذا طلب مني عمل اي شي وفيه مجال اني ابدع فيه وانجزه باحسن حال...يصاحبني شعور باني مب قد هالشغل...وانه لو حد غيري بيأديه على اكمل وجه وهالشعور يلازمني والغريب بالاخير احصل على نتائج ممتازه!!!
واظن السبب في هذا التربية اللي تربيت عليها بكل شيي يحطموني اهلي ماعلموني الثقة بالنفس دايما يقللون من قيمتي وبالتالي نشأت عندي هالعقده


(4)فاقد الشي لايعطيه...مااحس بحنان وعطف من قبل اهلي..وبالتالي احس بالحقد تجاههم.....ولا احب بيوم من الايام اعيد تجربتي مع اهلي باولادي...فكيف بكون حنونه وعطوفه علىعليهم!!!!! اخاف ان الله يعاقبني بابناء يتصرفون مثل تصرفاتي ويحقدون على !!!!!!!!!!!!!!!!!!!خاصه اني غير باره بوالدي ..((أعاملهم بالزين ولكن بداخلي شايله وحاقده))...
بالله عليكم قولولي كيف ابر فيهم وهم بس يتعاملون بالعصبيه والصراخ...ولا حتي عندهم مجال لان يفهموني ويعرفون انا كيف افكر.... ...كيف ابادلهم الحب وانا اصلا ماشفته منهم؟!!!!!!!

هذا اللي اتذكره حاليا والخلاصه:-
اني عشت تربيه فيها من القساوه والعصبيه اكثر من العطف والحنان وبالتالي هالتربية اثرت علي بشكل سلبي من خلال فقدان الثقه بالنفس واكتسبت صفات اكرها ...انا ودي اتخلص من رواسب هالقسوه واطلع لبر الامان بشخصية مثاليه بس كيف الحل؟

اعذروني على الاطاله