مرحبا اخواني وخواتي

الموضوع ماهو مشكله لي بل ظاهره ارها كل يوم في في الدوام في التجمعات في كل مكان

اليوم ونا في الدوام طبعا الاسطوانه المشروخه الي تتردد في كل يوم من الصباح حتى اخر الظهر تلاقون عشر موظفين او اكثر جالسين ويتكلمون وكل واحد يشتكي من زوجته

عاد انا دفعني الفضول ورحت جلست معهم الي يقول ياخي مليت منها والي يقول ياخي خلونا نسافر والي يقول ياليتها تروح عند اهلها ست شهور وكلام كثير

عاد انا حطيت في بالي قلت لاحول ولا قوة إلا با الله كل ذولي عندهم مشاكل مع زوجاتهم

الا الاخوان قاموو يسترسلون بالحديث
واقسم بالله ياجماعة الخير
انه مافيه اسباب وجيهه سئلت واحد قلتله عسا ماشر وش فيك
قال ياخي ماصارت عيشه كل يوم رز رز رز مافيه تبوله مليت منها ابي اغير قلت ليش مضايقتك بشي قال لا بس مليت طبعا هذا واحد من الناس الي اقابلهم والباقين مثله مو كلهم بس الغالبيه

قلتهم طيب انتم الحين مالين من زوجاتكم طيب زوجاتكم تتوقعون ماملو منكم

يعني بالله عليكم وش فيكم زود عشان تتكلمون ها الكلام كل واحد كرشته مترين قدامه
وذا جيتو تتكلمون هااااااااااااااااااا
وش تبين
اقول اخلصي علي ترا منب فاضي
طبعا النقاش عقيم جدا
طلعت انا الغلطان ونا ماافهم الحريم
اذا ماعطيتها على راسها ولا ماتمشي

ما شاء الله عليك يا اخى وعلى عدلك وانصافك .اكثر الله من امثالك. لكن للامانة فية ستات بتعمل كدة ايضا وساعات بكون انا منهم ربنا يسامحنا جميعا ويجعلنا منصفين مثلك. ........................










الأخت المباركة . ارجو الانتباه فلفظ الجلالة يكتب على هذه الصورة ( الله )
كما أنبه على أنه يمنع الأسئلة والنقاشات الشخصية طبقاً لتعليمات المنتدى . شكرا

اي والله مساكيييين اذا كان هذا تفكير ازواجهم

ربي لك الحمد الشكر

يبقى ما شاء الله عليك اكتر من الاول ربنا يسعدك انت و زوجتك










أرجو الانتباه . لفظ الجلالة يكتب على هذا النحو ( الله ) . شكرا

اخوي نايف
مع احترامي لك هذولي ماهم رياجيل ؟؟؟ مين يرضى تكون حرمته هرجه ..

والله يؤسفني ...أن الرجل يجلس بين رجال غربـــــــــــــــــــــــــــاء يحدثهم عن بيته وأهل بيته ...وأم أبناءه ورفيقة دربه ..ويشتمها و يذمها ...ويحط فيها عيوب الدنيا ....ومن هم هؤلاء الرجال اللي يسوون أنك تهزأ زوجتك جدامهم...والله لو هي شنو ؟
ما أظن تستاهل أنك تشرشحها ..جدام اللي يسوى واللي ما يسوى ....
تدرون ....؟؟...لو يسويها زوجي ....راح يكون شعوري أنه ( جــــــــــــحدني ) !!...وأنه غدر فيني ...وراح من ورا ظهري يشكو للرجال مني!!!!!!!!......شيء مخزي.....والشكاوي تــــافهه.... لكن والله العظيم....من الفراغ....لو كل واحد بإيده سلاح وقاعد يحارب ..كان تمنى يرجع لبيته يشوف زوجته .....بس من كثر الأكل وقلة الحركة ...والقعده قدام التلفزيون .............. يروح ثاني يوم الدوام ماعنده سالفه إلا نصفه الثاني رفيقة دربه ... وأم عياله ... على قولة إخوانا المصريين ( إخسسسس على كده رجاله ) !!

وشكـــــرا أخوي نايف على طرحك للموضوع ..وعسى الله أن يكثر من أمثالك ويثبت قلبك...ويصخركم انت وزوجتك لبعضكم ...قول آآآآمين

أختكم ....رومـــــــــــــــي

للاسف هذا حال الكثير وحينما تذهب زوجة الى بيت أهلها تراى الهم والكدر قد ملى حياته لانه في الحيقيقة لا يستطيع أن يبتعد عنها لذا اخوي مشكور على الاطروحة الحلوة

اجل مسيكين ما سوت له تبوله مالها حق بنت الناس المفروض يطلقها مجنون هو يصبر عليها ؟؟؟؟؟ الله من سخافة العقل والمنطق هذا اكبر دليل على تفاهة بعض الرجال وصغر تفكيرهم ...مثل هالفئه جد المفروض تنقرض وبسرعه لانها فئه مريضه.ومثل ما قالت الاخت انهم فعلا مو رجال اللي كل واحد يتميلح للثاني ويجيب طاري زوجته وبالشينه جد ناس ما تستحي...

................................
ممكن تكون الزوجه ممله....وتطفش الزوج من البيت .....وفيها عيوب الدنيا لكن اكبر عيب ان الزوج يسمح لنفسه انه يتكلم عن زوجته او عن مشاكله مع زملائه بالعمل وياليت اصدقائه المقربين لا بل زملاء عمل والله فشيله...انا جدا احترم الزوج الكتوم اللى عنده غاريه موبس بلبس الزوجه اومكياجها لا تكون غاريته حتى على سيرة زوجته.......اثرت فينى كثير جمله كتبها الاخ سن رايز<شلون يرضى ان يهرج عن حرمته>وهذه هى قمة الرجوله.


صدى اصيله




الأخت الفاضلة . طلبت لأكثر من مرة ترك رسالة باسمي في عالم الرسائل الخاصة ، أكرر الطلب مرة أخرى ، وأرجو من الله أن تشاهديه لأنه وعلى ما يبدوا واضحاً عدم مشاهدتك للطلبات . شكرا لكِ