السلام عليكم ورحمة الله وبركاته ..

اعزائي المتزوجين والمقبلين على الزواج والعزابيه ..

ولله الحمد لقيت بنت الحلال .. الي ممكن بنسبة كبيره تكون شريكة حياتي ..

لكن في مشكلة مضايقتني كثير ..

وهي اني انا نجدي .. وهي بدويه ..

وانا طبعاً بدوي بس متحضر .. وهينا المشكله ..

يعني اعمامها.. من الي يرعون غنم وهذا مو عيب او غلط الرسول عليه الصلاة والسلام كان يرعى غنم ..

النقطه بالتحديد الي مضايقتني ..

ان اقاربي متحضرين جداً .. ولهم مناصبهم .. ولكن اهل هذي البنت واقاربها ..

يعني شوي متواضعين .. ومستواهم تحت المتوسط ..

وانا ماودي بكرى اذا جو عيالي .. يسئلون عن خيلانهم ..

يشوفونهم متواضعين جداً جداً .. وترتيبهم نص ونص ..

ويشوفون اعمامهم بشكل لمختلف تماماً ..

ولاادري صراحه .. مع ان البنت سنعه وخلوقه ومحترمه للغايه ..

وللمعلوميه استخرت الله اكثر من مره ..

ولاادري وش النتيجه بالضبط ..

وحاب استشيركم بالموضوع ...

واذا اي احد وده يسئل او يبيني اوضح اكثر من عيوني ...

بس اتمنى القا مساعده تفيدني ..


لان هذا زواج مو لعب.. واذا تزوجت مااقدر اقول لا بغيرها ..



واخيراً .. تبقلو اجمل تحياتي

مرحبا...بك..اخي..هاجس..
والف مبروك...مقدما...
ياخي...كلنا..ولاد..تسعة..وما..فرق..ان شاء الله...
وانت...بتتزوجها..اهي..موب..اخوانها..وهلها...
وسهل...انك..تحضرها..اذا..كانت..سنعة..ومافيها..عيب. .على قولتك..
ليش...لا..
والاخلاق..مهمة..في الزوجة..وهلها..لكن..اي..ناحية..اخرى..في رائي
موب..مهمة..كثيييير
والاولاد...لجوا...ملحوق..عليهم..وبيلاقون..امهم...م تحضرة..مثل
..ابوهم...

هم استمر..الاستخارة...والله..يختار...لك..الي..فيه..ال خير

__________________

عليه

اخوي العزيز هاجس الف مبروك
وزي ماقالت الأخت توت بري
وانت...بتتزوجها..اهي..موب..اخوانها..وهلها...
وسهل...انك..تحضرها..اذا..كانت..سنعة..ومافيها..عيب. .على قولتك..
واذا كنت تبي تعرف واش ناتج الاستخاره فكر قلب مايل لها والا لا وانت تعرف

السلام عليكم

يا اخي شعرت من خلال كلامك انك غير مقتنع باهل من تريدها شريكة حياتك... ويبدو انك منتظر راي يحفزك ويقوي موقفك علشان ما تتزوج هذه الفتاة... راي الاخت توت بري صحيح.. ولن ازيد عليه.. ولكن يجب ان تكون متاكد من قرارك.. لانه اذا انشاء الله توفقت فيها... لا تاتي يوما من الايام وتعايرها بان اهلها ناس متواضعين وان عائلتك اعلى مستوى من هذا.. هذا الكلام سيسبب جرح وشرخ كبير في حياتك الزوجية... وعليه لابد ان تكون مقتنع بالفتاة واهلها... وعلى فكرة بالنسبة لموضوع اولادك .. وانه خيلانهم متواضعين.. والله يا اخي مع احترامي لكلامك... الاولاد يطلعوا لابوهم..يعني ماهي قصة خيلانهم متواضعين ولا فقراء... وبعدين انشاء الله اذا تزوجتها... شكلها كيف ما تريد.. وخاصة بنت الريف والبدويات.. مافي اسهل ما تشكيلهم.. بالطريقة التي تريد بها انت زوجتك.. يعني عقلايتهم طيبة ولينه.. مش زي بنات المدينة...والله يوفقك الى مافيه الخير.

تحياتي

اخوي العزيز

اذا البنت متدينة

فسارع للزواج منها
فالشاعر يقول:

الولد وان طاب طيبة من خوالة .......... وان تردى فدرو انهم خايبين

والبداوة ماهي عيب العيب هو قلة الدين والجهل

واسال الله العلي العظيم انه يوفقك في زواجك ويكتب لك الخير حيث كان


وللمعلومية فان ابناء هذا الزمان طغى عليهم الدلال الزايد

حتى صاروا الي البنات اكثر منهم الي الرجال

وهذا ناتج عن دلع الام وتحضرها الزايد

السلام عليكم

اخي انا اشوف انه الزواج هو رباط بين اسرتين .. يعني صعب الواحد يقول انا باخذ البنت و مالي دخل من اهلها . فالواحد لازم يعرف من يناسب
اذا كانوا اهلها طيبين و محترمين و مافيهم عيب الا انهم بدو . واذا كان هذا الشيء ما راح يسبب حساسية بينك و بين اسرتك ... توكل على الله وخاصة انك تقول ان البنت خلوقة..........اما حكاية الابناء ... فصدقني ما هي مشكلة .... اذا كانوا اهل الام طيبين و حنونيين فالاولاد راح يحبوهم و يمكن اكثر من اعمامهم ((فالاصل في العلاقة بين افراد الاسرة هو الحب و الود و ليس المال و النفوذ)))

لكن اذا كان اهلها من النوع اللي داخلين على طمع مثلا او لمست فيهم اي شيء ممكن فعلا ياثر عليك .... او مثلا ارتباطك بهم بيسبب مشاكل و حساسيات بينك و بين اسرتك .. فلا انصحك ... تلافيا لحدوث اي مشاكل مستقبلية ..

اختك نووووووووورة

فأظفر بذات الدين تربت يداك ( كما قال الرسول الكريم )

فأذا كانت ذات دين وخلق فما عليك من الباقي ’’’ أترك عنك هذا التفكير

__________________
إذا لقـيت أحـباب لاتـرخص أحبـاب ...........

............................... كـلن عطـه يامشغـل البــال قــــدره .....

والله غريبه طيب تخيل انا ساير معي العكس انا من الاشراف والي يبيني بدوي وش ممكن يسير يعني
انااحس اهم شي التفاهم وانه كل واحد يحترم كل شي عن الثاني وبس
شكرا

صحيح نسيت اقول هو بدوي لكن متحظر مثلك
وشكرا

بسم الله.. اخوي ماذا تقصد بان تربيتهم نص ونص؟ هل اخلاقهم سيئه؟؟ عندهم عادات ليست حميده؟؟؟..... اذا كنت تقصد البداوه وعدم التحضر وتقصد اسلوبهم بالحياه؟وانهم فقط بدو؟؟ فهذا لايعيب زوجتك والزواج ليس بالمناصب؟؟ واذا كنت مقتنع بهذه الفكره فلا تربط بنت الناس معك وانت مو مقتنع فيها .... ومافي انسان طلع من بطن امه متحضر.. وراح تعلمها وتكون احسن من بنات الحضر بعد..... نسال الله التوفيق