اخواني ساعدوني انا ما انهيت من المشكله الاولى الاوجايتكم بهذه المشكله
زوجي بيموتني قهر
المشكله
كل النساء تشتكي بان ازواجهم يخرجون من البيت ولا يرجعون الا اخر الليل وهم طول النهار لوحدهم
بس مشكلتي العكس زوجي من البيت الى العمل ومن العمل الى البيت
موجود في البيت ولكن زي عدمه
موجود ما يجلس جنبنا ولايدري عنا
واذا بيجلس معنا فقط حتى يأكل وجبة او يشاهد فيلم
بعد كذا دوره في البيت اما على النت او على السوني ويقضي الساعات الطوال دون اهميه او اعتبار لي واذا قلتله ليش ما تجلس جنبنا ؟؟
يقولي وش تبغيني اسوي اجلس معك
اقوله انا مليت من الجلسه لوحدي والله طفشت بالذات اني اسكن بعيده مره عن اهلي ولا اشوفهم الا في الشهر مره او مرتين
واذا قلت له اجلس حنبنا سليني ابي اسولف والله طفشت يقول وش تبغني اسوي اجلس جنبك اذا مليتي تعالي جلسي جنبي أنتي
والله انا مقهور من هذا الشيء انا اقوله وش اسوي اجلس جنبك انت تلعب سوني اجي اطالع فيك طيب وبعدين يا خي ابي اسولف واذا جلس على النت اروح اجلس جنبه بس مو كثير
مره قالي وهو معصب علي ومخانقني انا ما احب اجلس معاك والسب انك من اجلس سوالفك كلها اشتر وجيب وهات .
طيب اذا ما قلتلك انت وش ناقصنا اقول لمين واطلب مين يارب الرحمه طيب متى اقوله وش نقصنا وش اللي نحتاجه لاتقولو لي اذا صار رايق لانه اذا صار رايق وجبت طلب الفلوس معه كاني شاعله نار بيدي واحرقه ما ادري متى اطلب منه الفلوس

لكن الي مطفشني انه ما يهتم انه يجلس معانا نهائيا وش اسوي له عشان احببه في الجلسه معي والله مليت من الوحده وانا خايفه على نفسي انه يجيني اكتئاب من هذا الشيء ................................
ما ادري يمكن كلا مي في لخبطه اشوي بس مو عار فه وش اكتب تعبت يا عالم ومليت ....................................
انتظر ردودكم وارجو انكم ما تتهاونو في المشكله لاني بموت منها

والله ماادري وش اقولك اختي الله يعينك ,, بس انا اقولك غيري سوالفك معاه يمكن هو مل منها يعني مثلا قولي نكته

جيبي له سالفه تضحك ,, واذا شفتيه جالس على السوني اجلسي العبي معاه انتي وهو بتستانسون لاتقوليلي ماتعرفين

اذا ماتعرفين تعلمي وشاركي زوجك اهتماماته خليه يحس انك تحبين الي يحبه مو تغصبين نفسك ,, وبعدين السوالف ما

تجي بالغصب ,, يعني لاتقوليه تعال نسولف لأ بس مثلا وهو قاعد على التلفزيون او على النت اجلسي جنبه وسولفوا

جيبي سالفه تضحك ,,, وعلى الطلبات المره الثانيه لاتقولين له جب وجب اكتبيهم له بورقه واعطيها له وانتهينا ...

الله يساعدك اختي اصبري ان الله مع الصابرين .. ان شاء الله تكون فتره يمر فيها وتعدي ...

__________________

ادعولي بالزوج الصالح الي يسعدني ,, جزاكم الله خير

سبحان الله وبحمده عدد خلقه ورضا نفسه وزنة عرشة ومداد كلماته

اختي الكريمه
راي مثل راي حوريه البحر
وفقكم الله
د. نبيل

: بصراحه هذي مو مشكله
انا زوجي نفس زوجك بالضبط
بلاي ستشين ولا تلفزيون
تدرين وش اسوي معه؟؟
العب بلاي ستشين وياه تخيلي
والله الا الكوره العبهااا معاه لانه يكسر خاطري وهو جالس لحاله
او اذا كان مالي مزاج العب معه اجيب حلى وقهوه واول مايخلص يجلس معي
او اجيب لعبه ثانيه مثل الاونو او اي شي ثاني
بعدين حاولي ماتبعديه عن لعبته عشان تطلبي منه شي اطلبي في وقت ثاني يكون هو فاضي ماعنده شي
وكان الله بعونك

اتفقوا على يوم معين للمشتريات.......اكره ما على الرجل كثرة الطلبات في كل وقت.........زميل زوجي يقعد بعد دوامه زياده ساعه ساعتين ولا يروح البيت ....سأله زوجي ليش؟ قال اروح حق الطلبات؟
نظمي وقت الطلبات.....لا تخلينها في كل وقت علشان لا يمل.....وشاركيه اهتماماته.....سوي دوري كوره او مصارعه في البلاي ستيشن.......ما خليت لعبه ما لعبتها مع زوجي....فيه العاب ذكاء تهبل .....جددي من السوالف مع زوجك.....سولفي له من اللي تقرينه هنا....خليه يدخل معاك هنا.........اشتركي معاه في اللي يحبه علشان يشاركك في اللي تحبينه..

__________________
[/IMG]

شوفي وش يحب تكلمي معه باللي يحب

شاركيه جلساته لكن لاتكون في معصيه

نظمي وقتك وقت لربك ووقت للجلسة مع زوجك ووقت لنفسك ووقت لشغلك

مارسي اي هواية مباحة طبخات كمبيوتر رسم خياطة اشغال فنية شوفي ابداعك وين واشتغلي فيه

حطيلك ورد يومي من الطاعات سنن قراءة جزء حفظ نصف صفحة يوميا اذكار الصباح والمساء صيام

اذا كان حواليك دار تحفيظ سجلي فيها واساليني عن جمال قضاء الوقت فيها مع الاخوة في الله بينك وبين زميلاتك الاكثر من رائعة

يتبين لي ان مزاج زوجك شبابي يعني حاولي تمزحين معه تفرفشين حتى لو تسويله حركات شباب مافيها شي

مثلا تقوليله روح ياخوي انا بفوز عليك اليوم وتاخذين يد السوني وتتحدينه

ولا تقولين 000الله على ابو الشباب00وش عندك اليوم من العاب000

ولا تلعبين معه كورة وتلبسين ملابس رياضة نسائية

انا لما اسوي الاشياء هذي مع اولادي او اولاد اخواني ينبسطون مرة حتى ان بعضهم طلب مني اكلمه بالمسنجر بس رفضت لاني مااحبه

تزيني وتعطري وصلحيلك من العصيرات الحلوة اللي تكون طبقات وادخلي عليه وسوي نفسك ناعمة رقيقة واجلسي شوي وقوليله انا عازمتك على العصير وبعدين خليله المكان000000ان كيدهن عظيم

اشغلي وقتك بالاستغفار 00000سبحان الله يشرح الصدر000طريقة مجربة

هاه فرجينا شطارتك

صدقيني اذا سويتي الطرق هذي راح تكسبين الدنيا والاخرة

واذا مانفعت اشغلي نفسك بما ينفع وابعدي عنه 0000والله ان يجيك طيران


يعني تستهبلين معه

__________________
[blink][blink][/blink][/blink]

..
حاولي أن تخبريه بطلباتك .. بشكل ..
لا يرتبط في ذهنه بالجلوس معك فيكرهه.. كأن ترسلين له مسج تخبريه فيها بما تريدين منه إحضاره ..

أو أن تكتبي على ورقه وتعلقيها على المرآه ..
( حبيبي لا تنسى أن تحضر لنا اليوم ........................
وعسى الله ما يحرمنا منك )


ابحثي في النت عن ألعاب جديده ..
مثيره ..
سريعه ..( حتى لا يرفضها )
ممكن أن تكون بين الزوجين ..
فيها الكثير من المرح .. وتحقق الألفه بينهما ..



ابتعدي عن النكد .. ( والتحرطم ) ..
وانتقاد حاله ..
وتذكري أن من النساء من تتمنى على الأقل حالا كحالك .. فزوجها لااااااااااا يرى بالعين المجرده .
بل لابد من أجهزة للبحث عنه !!!!


فوجوده في البيت بركه ..
فلا تدفعيه .. للخروج منه..بكثرة التذمر


ثم دعيه يشعر أن لديك ما يشغلك عنه ..
من هوايات .. واهتمامات .. وطاعات..
وربما إذا سمح لك .. بزيارات متبادله ..
ثم ..
لا تكثري عليه ..طلب الجلوس معك ..
حتى لا يضجر من الحروف ذاتها .. فكيف بالأمر نفسه؟؟؟


طوقيه بعطائك ..
احرصي على توفير .. الجو المناسب لراحته .. وقت لعبه
الحلى ( صار لسانا سعودي شوي ! ) عن يمينه.. والعصير عن شماله .. والقهوة في الطريق .. والبخور يملأ بعبيره وشذاه الاجواء ..
وبين هذا وذاك .. حوريه متنقله .. وبمداعباتها متفننه .. وبهمساتها النديه متمايله ..
حتما ..
سيقول حينها .. أي جنة هذه وأي جنه.. فأين أنت يا أجمل حوريه :14: :14: :14:

__________________
أبا مريم ..

هنيئا لك ..خيرا قد ساقه إليك الكريم ..

هنيئا لك ..
قلوبا تنبض بالوفاء ..
وألسنة قد عانقت الدعاء ..
في صمتها ونطقها..في صبحها والمساء..
(أن رباه يا رب البرايا ..ارحم الكريم واجعله في أعلى عليين..
فوالله ..إن القلوب لتتفطر ألما على فراقه..)


رحمك الله أخي ..رحمك الله يا أبا مريم ..وطيب ثراك

فعلا الراجل لو ما يكون بالبيت ممكن يكون له عزره لكن هناك رجال لا يخرجون من بيوتهم و في نفس الوقت خروجهم احسن لانهم ليس لهم اي وجود فعلي ،،،، بالنسبة لي زوجي يخرج من البيت احسن على الاقل اقدر اكون على راحتي و مايكون في طلبات منه ،،،،، لو كان موجود صورة جالسة بلا حركة او كلام ،،،،، يا ريت يكون في مشاركة كلام الا ما في تعرفي يسمون ذلك "الخرس الزوجي " و هو فعلا اسم على مسمى

__________________

اذا ضاقت بك الدروب فعليك بعلام الغيوب

اختى الطلبات حاولى ان تطلبيها دفعه واحده فلا تجزئيها كى لا يكون بكل لحظه ويوم عندك طلب
بالتالى يقرن امر مجالستك بالكلام عن الطلبات ويفضل ان تدون بورقه ليجلبها.
اذا اردت مجالسته فاختارى الوقت المناسب فلا تحاولى فرض وجودك (اسمحيلى) ومجالسته وهومندمج
بمتابعه فلم اوبالنت او البلاى ستيشن..فطبيعى سوف يتملل
انا مثلا امى حينما اكون مندمجه على الاخر بمتابعه فلم شيق وعقلى وتفكيرى معاه بدورها تجلس وتفتح مواضيع عده
للدردشه وانا بالى مع الفلم ولا اركز بكلامها وان قلت لها امى الفلم شيق اجلى كلامك فيما بعد تزعل وان لم اقل لها هذا اشعر انى غير مرتاحه كونى باتابع فيلمى
اذا كنت امارس الرياضه تطلب منى شغلات صغيره وممكن تتأجل بضع الوقت لكنها تصر وانا اتمرن.
بالتالى اختى الوقت اللذى يكون فيه متفرغا وان قلتى انه طوال الوقت منشغل
فعلى الاقل قبل او بعد ان يمارس هواياته وليش بشده اندماجه
فمثلا بدايه جلوسه عند السونى لم يبدا العب والاندماج ممكن تجالسينه -- لو جلس امام التلفاز ولم يستقر بعد اختياره على محطه معينه ممكن وقتها تدردشين معه

نفس الرأي وأزود شوي. ترى في رجال عندهم البلاي ستيشن شي مقدس. العبي معاه صدقيني بتتقربي منه أكثر وأكثر.