سلام عليكم


انا ملكه من 3 اشهر وباقي علي زواجي 3 اشهر


بس الي الان ما شفتها ولا كلمتها اوقات احول افتح الموضوع مع اهلي حتي اكلمها او اشوفها بس انحرج واحس ان هذا غلط


بس بصراحه نفسي انا اكلمها علي الاقل خصوص وعلي ما سمعه ان افضل ايام الزواج ايام الملكه

مع احترامي لك ......... فهذا ليس تصرف رجل واعذرني اخي


اللي يسمعك يقول انك بتسرق شي .... او استغفر الله بتزني


الحين زوجتك بالحلال ......... واللي مو عاجبه يطق راسه بالجدار :14: :14: :14: :14:


روح كلمها ..وشوفها بعد ..... يااخي الله سبحانه حلل هالشي


الحين دق عليها ..وافتح قلبك وسولفوا

أخي العزيز

هذه المرأة هي زوجتك من حقك ان تكلمها او حتى تخلو بها

طالب بهذا الحق و اترك الخجل جانبا



و مبرووووووووووك مقدما

أختك دودي

__________________
رب لا تذرني فردا و انت خير الوارثين

وشفيك على الرجال !!! داخل علية عرض 000يعني وشفيها اذا مر على المملكين وماشافوا بعض ولاجلسوا مع بعض

انا اشوفها عااااااادي جدا 000وانا واحدة من البنات ماشفت زوجي الا يوم الزواج 00واللهّ العظيم كانت ليلة ولااحلى

من عمري وتفاجات فية بعد عمري وش زينه يهبل واهوا بعد تفاجا في انا بصراحة كان لقائنا

لاول مرة رائع جدا 00000 ويمكن مايصير الان الا الشاب والفتاة المملكين يجلسون مع بعض ويسولفون وهذا مو حرام طبعا

لاكن انا افضل مايكثرو جلسات مع بعض 00 واكيد الاغلبية مايؤيدوني لاكن كيفكم اجلس مع بعض الين تملووون ويصير يوم زواجكم كل شي بارد0000

لاكن اسال الاخ الكريم هل رائيتها في النظرة الشرعية ؟

__________________
(( سبحآن الله وبحمدة سبحآن الله العظيم ))

اصلا لازم تفاتح اهلك وعاااااااااااادي لا تخجل هذه زوجتك على سنه الله ورسوله وما فيها شيء انت ما تطلب الا اقل حق من حقوقك ولو كان غلط لا تستحي وتذكر انك طول ما انت على صح لا تستحي وامشي في حيااااااااااااااتك وربنا معاك

على فكره لو انا زوجتك كنت عصبت منك انا لمن اتملكت كنت انتظره يتصل اكيد هي منتظرتك روح دق واتوكل على الله

انت الحين بتضيع على نفسك احلى الاوقات وانا لو مكان زوجتك بانقهر

عااااااااااااااادي جدا قلهم ودي اكلمها واسمع صوت زوجتي عشان اتعرف عليها اكثر ومثل ماقال اخوي تركي اللي مو

عاجبه يطق راسه بالجدار ...

مبرووووووك مقدما :14:

حقك حقك حقك

__________________

و ما تشائون إلا أن يشاء الله

أستغفر الله العظيم من كل ذنب عظيم

الموضوع كله مو سالفه حرام او حلال

الله ما شفناه بس بالعقل عرفناه


كل ما في الموضوع اني شخص خجول جداا مع الجنس الناعم .... واعتقد انا الحياء من الايمان ؟ وبعيد كل البعد عن الرجوله او الانوثه


واضافه الي موضوع ايضا ان يوم خطبتي تقول لي امي ان البنت تخبت في غرفتها وايضا عن كثير من اقربها بي سبب حيائها ؟


يمكن تعرفون عن عادات البدو يعني الموضوع فيه غرابه ان احد يشوف زوجته قبل الدخله او يكلمها .. الخ


بس مع هذا سوف احاول ان اكلمها لو بالهاتف



انا اشكركم علي ردودكم جميعاا واتحفظ علي رد تركي لانه شوى ثقيل

يااخي على راسي والله .. لاتزعل


ثانيا ...


انا عايش بالسعودية واعرف انه فيه ناس واعرف هذه القبايل^^ والحمد لله قبيلتي مو من هالنوع ابد ^^ مايشوف زوجته الا يوم الدخلة .. يقولون بناتنا مو للعرض ....


سبحان الله ... انت جيت من الباب والحمد لله ... جاي بالحلال ...


من حقك تعرف شنو طريقة تفكيرها ... شنو نظرتها للمستقبل ... شنو تفكيرك انت بعد

اخوي سؤال ... عمرك شفت مشروع ينبني كذا بدون اجتماعات وبدون تخطيط مسبق ؟؟؟؟


ملخص لكلامي ... اذا تبي تشوف الشي اذا هو صح او خطا شوف شنو معيار الله له

ان كان حلال سووه .. وان كان حرام اتركه


اسف مرة اخرى اذا كلامي زعلك .... مع ارق تحية لك