السلام عليكم ورحمه الله وبركاته
أخواني وأخواتي في الله
هذه مشكله تمر بها أحدى صديقاتي فاقترحت عليها عرضها عليكم لنتمكن بأذن الله من ايجاد حل لها
صديقتي متزوجه ولديها 4 بنـــــــــــــــــات (( هذه أول مشكله لأن زوجها متعقد من البنات واللي حوله في المجتمع الأغلبيه عندهم أولاد وبنات فتقول انه دائما يشتكي ويقول أنا ربي مايحبني اللي معطيني هالبنات طبعا هي تقوله بالعكس ربنا يحبك لانه عطاك هالبنات يكونون لك ستر من النار اذا احسنت تربيتهم ))
تقول يجيه فتره يقعد يسبهم وهم ماسوو شي مثلا يقول ازعجتوني والا اسكتو مع ان بناتها مررررره هاديات ماشاء الله تبارك الله
الشي الثاني انه دائما يحطم في نفسه يعني مثلا يقول أنا خلاص مااقدر أكمل دراسه وماأقدرأسوي شي ((الان يدرس دكتوراه وأخذ الماجستير بتشجيع من زوجته والدكتوراه لما جت له البعثه كان متردد لكن هي شجعته وهو كان يقول لا صعبه كيف أخذكم هناك كلكم وهي تحاول تطمنه وتقول له انت بس ناظر دراستك وماعليك ارتاح))
مثال ثاني لو سمع أحد مثلا ربح في الأسهم والا بنا بيت او اي شي ثاني يزيد التحطيم عنده ويقول لزوجته شوفي هذولي سوو وحطو واحنا ماسوينا شي ((( طبعا مافيه مقارنه بين واحد مشتغل 20 سنه وبعدين بنا بيت وبين واحد مشتغل 12سنه ويبي بيت واذا قال لها كذا قالت له : معليش ان شاء الله نرجع وانا ارجع لشغلي وناخذ لنا شقه صغيره ونجمع عشان نبني بيت )))
باختصار المشكله تدور حول البنات وتحطيم النفس
أرجو من اللي عنده حل أو نصيحه تساعد لايبخل بها واللي ماعنده لاتنسونها من دعواتكم
19-08-2006, 06:34 PM
ضوابط المشاركة
العرض الشجري