انا اقولك عن تجربه ثلا ث سنين الحمد لله مايصير بيني وبينهم مشاكل واذا صار بيني وبينه مشكله مااشتكي لهم ابد ا الا اذا كانت كبيره وكنت عند اهلي مايتدخلون ويوقفون معي بعد ابشرك تدرين ليه
لان طول فترة وجودي معهم وانا مسالمه ماتدخل بالي مالي فيه اضحك واسولف بس عمر ي ماجرحت ولا وحده فيهم الصغيره تغلط واسكت ولما اطلع بيتي ويجي اليوم الثاني اكون معها عادي صارت تحس بغلطها
اذا اشتهيت اكل وانا لوحدي اعزمهم مره علي ومره عليهم
الله الله بعدم التدخل في حياتهم ولا تسألينهم عن اي شي يصير في بيتهم خصوصا مشاكل الشباب اولادهم
لانهم اكيد ماراح يحبون احد يتدخل بمشاكلهم مثل ماودك انه احد يعرف مشاكل اهلك اكيد هم ودهم ذلك
حبي لهم ماتحبين لنفسك يعني اذا كنتي طالعه خذيهم معك مشوار واحد من عشر مشاوير عصريه من العصريات صلحي قهوتك وروحي لهم اذا كسبتي البنات صدقيني كسبتي العائلة كلهم وانتي طالعه بوسي راس امه وانتي خارجه بوسي راس ابوه والله انا دايم كذا مع اني ساكنه معهم وكل يوم على هالحال
قربي منهم بس بدون تدخل بخصوصيتهم حبي لهم ماتحبين لنفسك اكررها عليك
خليك خفيفة نفس
يعني ساعدي وادخلي المطبخ ورتبي معهم حتى لو عندهم شغاله انا عن نفسي مااجتمع انا وزوجي عندهم لا ن زوجي من النوع الغيور فلما يشوفهم يحبوني يغار ويحاول يسوي مشاكل عشان كذا كل واحد في طريق
الصراحه دائما يعني الي في قلبك خليه على لسانك بس بدون تجريح ولا تدخل في خصوصياتهم خليك على طبيعتك وابعدي عن التصنع وابعد ي عن مدح نفسك اعتبريهم صديقات وابعدي عن الشكوى من ابنهم
راح يحترمونك بعدين كثيررررررررررررررررررررررررررررر والله يوفقك مادري اذا كنت قلت لك كل شي ان شاء الله اكون كذلك
التعديل الأخير تم بواسطة روح الغالي ; 05-08-2007 الساعة 08:29 PM