السلام عليكم و رحمة الله و بركاته

بنات ان صايره مفجوعه حق الاكل!!

فى شهر رمضان طبعا يعني بعد الفطور اشرب ماي و بعد ساعه اهجم على الاكل

ابي شى او حبوب لمنع الشهيه بلييييييييز

و اللى تسوي رجيم فى هالشهر تقول لي رجيمها


تنبيه: ابتعدو يا لغاليات عن الاحاديث الجانبيه تفادينا لمقص الرقيب

جزاكن الجنه

__________________
فقلت استغفروا ربكم انه كان غفارا(10)يرسل السماء عليكم مدرارا(11)ويمددكم بامول وبنين ويجعل لكم جنت ويجعل لكم انهرا




أستغفرالله الذي لا اله الا هو الحي القيوم و اتوب الي

مااعمل ريجيم
لكن نفسي منفتحة بس للحلويات من زود الاكتئاب

لكن لتخففي وزنك بهذا الشهر حاولي تتجنبي المقالي وتشوي اكثر من ماتقلي من هذا السمبوسة مثلا

ايضا بالشوربات استغني عن الكريمة او القشطة واستخدمي مثلا الزبادي لانه اقل سعرات حرارية

زيدي من كمية السلطات و جهزي لسلطات لذيذة وتكون جاهزة وبمتناول اليد


بالحلويات حاولي تعملي حلويات قليلة السعرات الحرارية وان تتذوقي بان تضعي بصحنك كمية معينة وماتزيديها ولو شربتي معها شاي يكون بدون سكر


حاولي تمشي نص ساعة كل يوم


ولو قدرتي ماتتسحري افضل

اختي صادقه والله الحلللللللللللللللللللويات


انا امشي كل يوم قبل او بعد الفطور نص ساعه

و اكلي يكون مره وحده بس لاكن اكل الين الشبع و نفسيتي مو زينه يمكن هذا السبب

و السحور ما اكل شى كلش بس كل يوم اكل ايس كريم و بعد الساعه 1 باليل اشرب شاي اخضر

نزلت 600 غرام و احس الحين صار وزني دبل بس ابي حل سهل و مرضي

جزاج الله خير يالغاليه

__________________
فقلت استغفروا ربكم انه كان غفارا(10)يرسل السماء عليكم مدرارا(11)ويمددكم بامول وبنين ويجعل لكم جنت ويجعل لكم انهرا




أستغفرالله الذي لا اله الا هو الحي القيوم و اتوب الي

شوفي حبيبتي


انا الصراحه في ذا الاجازة سمنت 4 كيلو ومرة ضايق صدري ... لانه رمضان الواحد يسمن من اكل المقالي



لكن انا طبقت طريقة حلوة وتصدقين نقصت كيلوين من بدى رمضان



بقول لك ايش اسوي


اول ما يأذن اكل لي ثلاث تمرات مع كوب قهوة .. واشرب كاس عصير طازج ... بعد كذا لازم امد يدي على اللقيمات .. اخذ ثلاث حبات بعدها طيرااااااااااااااااان لسجادتي علشان ما اكل اكثر


بعد الصلاة اقعد في سجادتي اقرى قرآن لمدة نص ساعه .. بعدين خلاص احس نفسي بموت من الجوع ... اروح اصب لي بادية شوربة واشربها ...



بعدين اروح اصلي التراويح بعدها ارجع مره جوعانه .... اصلح لي اي شي خفيف ... يا خضار على البخار مع صدر دجاجه مشويه او اي شي بس يكون قليل السعرات ويشبع ومفيد



بعد الساعه 12 اكل لي مجموعة فواكة مشكلة ... اي شي اشتهيه ... او اكل زبادي وثلاث تمرات ... بعدين اشرب لي كاسه مويه كبير وانام


هذا نظامي اليومي ... والله اني ما عاد صرت احس بالتخمه لمن اروح اصلي التراويح ولا عاد صرت اتعب في النهار ...



لكن الله حق يوم الاربعاء اكلت اكل الاسبوع كله ... بس مره تعبت ذيك الليله ... يقال لك off day اعطيت نفسي راحتها ... لا حملتها فوق طاقتها ... بس علشان ما احس بالحرمان يعني رمضان طويل 30 يوم لازم افصل بايام اكل اللي اشتهيه والكميه اللي ابيها

وعليكم السلام
ياغلاتي لا للرجيم ولا للحرمان وياليت تقرأ ردي على الاخت شوق راح يفيدك بنفس القسم
وبنسبه لحبوب تسد الشهية او شراب او اعشاب لا تستخدمي هالامور فهي مضره <نصحية

والله معك

ههههههههههههههه اسلوبك روعه ياام الحسين وعمر حسيت اني انا الي اشكي

بس فعلا اسلوب مالك عالمي رائع وان شاء الله بحاول اسوي مثله مع ان وزني اوكي بس سالفة الاكل مره وحده وبفجعه تعور البطن

__________________

كان قلبي في ايديك ضامنه لا ما يخون
لا ولا بحلمك اجيك هذا في حكم الجنون

السلام عليكم والله الرجحيم برمضان ليس صعبا انصح بتناول الماء والبدء بشوربه والسلطات والاكل ببطء سوف يساعد كثيراوالذهاب الى المسجد ايضا يشعر بنشاط الجسم ويساعد على الحركه والى عودة

عنفوان الحياه

__________________
اللهم باسمك الاعلى اغفر لي ذنوبي ووفقني وارحمني يا رب العالمين وهبني الزوج الصالح اميييييييييييييين

عاد اللي يطبق نصيحتي ما ابيه الا يدعي لي وقت الفطور

مـالك عالـمي
متابعة2
توتو-911
عنفوان الحياه


جزاكن الله خير

__________________
فقلت استغفروا ربكم انه كان غفارا(10)يرسل السماء عليكم مدرارا(11)ويمددكم بامول وبنين ويجعل لكم جنت ويجعل لكم انهرا




أستغفرالله الذي لا اله الا هو الحي القيوم و اتوب الي

يا شيخه بلا رجيم بلا خراط
كل الي عليك تاكلين وجبه وحده في اليوم الا وهي الفطور
ودقي فيها دق وبعدها قومي ولا عاد تاكلين شي ابد وروحي صلي التراويح
وبعدها اطلعي امشي لمن تتعبين وبس يا حبيبه قلبي
العيب مو في الاكل العيب فينا احنا ما نعزم عالامر كل يوم تقولين ببدا من بكره صح
هذا حالتنا يالسعوديات
تقبلي مروري
ياويل حالي