السلام عليكم ؟؟؟ كيف أحالكم؟؟ وش أخبار رمضااااااان واللقيمات أن شاء الله ضابطه <خخخخ اليوم بما أن ماعندي مذاكره ومخلصه مبكر أوكي قلت في نفسي خلني أدخل المنتدى وأطلع اللي في قلبي،،،
قبل ماقول اللي في قلبي ؟؟شنو رايكم إذا البنت صــــــــــــارت تشتغل في المستشفى يعني دكـــــــــــتوره؟؟ أوجه هذا السؤال لخواني الشباب أوكي شنو ردت فعلك إذا زوجتك تشتغل دكتوره كل واحد يقول رايه لكم مطلق الحريه بدون تحيز يعني تخيل نفسك بتروح تخطب وشفت البنت وعجبتك ورتحت لها لكن صارت مثلا تدرس في الطب أو متوظفه هل تقبل فيها ( يالله غمض عينك وتخيل وفتحها ورد على السؤال) أرجع للبنوتات الحلوين بنات من جد ماتحسوون أنفسكم مظلومين أسمعو راح أكووون جريئه في كلامي شوي خلوني أطلع اللي في قلبي من زمان ليش البنت مظلومه ؟؟ يعني مو خساره ندرس ونتعب ونجيب نسب حلوه وندخل قسم في الكليه واللي أقل مني دخلو معي ليش وين راح تعبي على الفاضي ؟؟ دايما وكثير أسمع من البنات أنهم راح يدخلوون طب وتصير البنت دكتوره وبعد كم سنه وتخرجت وتجيب نسبه فوق 95 % والنهايه قسم لغه عربيه ولا إلخ مع أحترامي للكل لكن لما أسالها ليش مادخلتي الطب؟؟ والله حبيتي أهلي موراضيين ولا المجتمع مايرضي ليش أبغى أفهم ؟؟( وحده منقهره)
وفوق هذا كله إذا تخرجتي يخلوونك على التعاقد ألين ماحد ينهد حيلك من هالبنات وشرح وتحضير وفي النهايه ماااااااااكو ترسيم يعني للأسف مجتمعاتنا بشكل عام وبذا ت عندنا ديرتي ولها مني كل أحترام عندهم تحيز على البنت أنها تصير دكتوره يمكن في بنات صاروا دكتورات لكن والله القليل منهم حتى اللي داخلينا الأغلبيه يواجهون مشاكل بسبت أهاليهم موراضيين عليهم ليش مو راضيين ؟؟ راح تقولون عشان نظام عملها في إختلاط بقولكم البنت اللي مربينها أهلها عدل مستحيل راح تنحرف حتى لوتشغل مع مئه رجال بعكس البنت المنحرفه مش متربيه عدل لويحطونها في مكان ماكو رجاجيل راح تسوي اللي في بالها صح أن مهنه التدريس حلوه وفي ناس عنده طوحات في أقسام متخصصه بعكس البيقيه والله الأغلبيه يدخلونها غصب لأن ماكو مجال غير التدريس مليناااااااا طفشنا لدرجه أن الأقسام الأغلبيه قفلوها يعني تخيلو كل سنه تتخرج كم طالبه من مثلا قسم علم النفس وأنتو عارفين كل مدرسه تحتاج معلمتين الكثير في المدرسه الواحده؟؟ فكروا وردو علي والله قهر من جد نتعب وندرس وفي النهايه نجلس في البيت المفروض نخلص الإبتدائي ونقعد أهم الشي نقرأ ونكتب ؟؟ صح وغير كذا أمي مو راضيه أن أدخل الطب أهي ماوافقت عشان نظرت المجتمع أنهم يقولون أني أشتغل مع رجاجيل وكلام الناس مايرحم غير كذا حاسه نفسي ماقدر أكمل دراستي مع أني باقي لي سنه وأتخرج والحمدلله مستواي في الدراسه عالي جدا ؟؟ اتمنى كل واحد يقول رايه في الموضوع والتفاعل وأتمنى أني أبديت رأي بكل أحترام وبالتوفيق للكل ،،

ده كان زماااااااااااان..
اذا انتي ما تصيري دكتورة وهذي ما تصير ممرضة والثانية فنية اشعة او تحاليل.....مين يصير؟؟
نستقدم اجانب يعني؟؟
استغرب على الرجال اللي لما يودي اهلو المستشفى يقوللها خلي ممرضة تسحبلك دم,او لا تدخلي عند دكتور..والكلام دا...ما فيها شي لو حريمنا وأخواتنا وجاراتنا وقرايبنا يشتغلو في المجال الصحي, ولا تنسو ان كثير من الصحابيات كانت شغلتهم التمريض لا هو عيب ولا حرام

وعليكم السلام ورحمة الله وبركاته..والله أنك صادقه ياأختي رجالنا مايبغون يشوف ولايكشف على حريمهم الا حرمه واذا جايخطب مايبي وحده في مجال الطب كله تناقض بس أتوقع من ضمن الأسباب غير الأختلاط الدوام الطويل والمناوبات والسفر لحظور مؤتمرات ومجتمعنا مايتقبل الفكره,,أنا بنت خالتي هاذي السنه سنة امتياز طب أسنان ومره متفوقه بس ماتزوجت تتمنى أنها تتزوج بس الكل لما يعرف أنها دكتوره يكنسل من جد مشكله مع ان البنت طيوبه وخلوقه بس مايشفع لها,,الله يوفق ويكتبلك الخير حبيبتي

__________________

	اللهم لك الحمد كما ينبغي لجلال وجهك وعظيم سلطانك

جئتِ متأخرة قليلا،

قامت حرب داحس والغبراء بين أعضاء المنتدى بسبب هذا الموضوع إياه، واضطرّ كبير المراقبين إلى التدخّل شخصياً لقفل الموضوع قبل أن يستحفل وتصبح الزوبعة إعصاراً...

أين كنتِ ؟

عبدالله،،،

حطيتي يدك على الجرح

ومين يسمع اخيتي شوفيني أنا كان حلمي جامعه واهلي كلهم عارضو قالو الجامعه محاضراتها متفاوته واحنا مانبغاك تروحين وتجين مع السواق ودخلنا كليه وتخرجت اللهم لك الحمد ومافي تعين حصلت وظيفه بااحدى المستشفيات وبراتب مناسب وعلى الاقل اقضي وقت اخواني ومع انهم اصغر مني عارضوو وبصراحه ماناقشت شوفيني جالسه بالبيت واحلى شي استفده بالدنياا رضى والديني شوفي امي تصحى الحين برمضان وانا مجهزه كل مالذ وطاب اهوون من السنوات الماضيه لا اساعد ولاشي يادووب بدراستنا وتدعيلي كل يوووم وانا مرتاحه الحمدالله

والله يوفقك عزيزتي

__________________
أعذروني على الانقطاع في الفتره الماضيةاوحتى في الفتره القادمه فظروفي ا لاتسمح لي بالمتابعه
المستمره..ولكن تأكدوا اني معكم وازور المنتدى كثيرا..فأنا أتابعكم حتى وإن لم أكتب رد أو موضوع..ودائما ما أؤمن بأن تأكيد التواجد.يكون في قيمة الرد وليس بعدد الردود...
ودمتم ((الــــهـــــــم سابقـــــــاً )) لاتنسوني

(

السلام عليكم

__________________
اللهم لا تجعل مصيبتنا في ديننا

دكتورة بسيييييييييييييييييطة انا ليش قدمت طلب عالتمريض العالم كلت وجهي وبعدين كان عندي امتحان دخول عالتمريض وما قدمتو قد ما سمعت حكي من العالم وهياني رح ادخل في كلية العلوم لاصير معلمة وانا اكره التعليم موت

__________________
اللهم لا تجعل مصيبتنا في ديننا

انا اعتقد ان هالكلام من زمان اما الحين كل شي تغير والزمن كمان تغير مافي فرق بين اي وظيفه والدكتوره شي جميل وانا اتمنى ان احد اعيالي يكون دكتور ولد ولا بنت عادي ماعندي اي مشكله وبالمناسبه انا زوجه عمي دكتوره وعادي عايشين حياتهم بس مشكله الطب الشفتات الليليه

متى ياناس بس متى
لاعت كبدي من هالتفكيرات السقيمه وتفكير الناس المتخلف

الله يعينك دالينا ويسخر لك الي فيه الخير

__________________

كان قلبي في ايديك ضامنه لا ما يخون
لا ولا بحلمك اجيك هذا في حكم الجنون

أخوي ليش ماخذ الموضوع إعصار هذي مشكله من مشاكل حياتنا المفروض نحل مو نقفل الموضوع هل تعتبر هذا حل ؟؟ بالعكس هذا موحل
وكل واحد وله مطلق حريه في الأجابه يا بالتأييد أو رفض ،،، وإن شا ء الله ماتصير مشاكل بينا لأن هذا المنتدى محترم والموجوديين محترمين ولاشرايك؟؟؟