تعرفين وش المشكله عبير المشكله انو لما نشتكي ان الاهل يطردون كل خاطب يقولون لنا اهلك اعرف بمصلحتك ولكن لما تجين تشوفين الخطاب كل واحد افضل من الثاني ومافي حتى سبب واحد تافهه لرفض ولكن تلقين الاهل يرفضون لمجرد الرفض بس ومجرد التعود على كلمة لا

هلا ام مزنه

صادقة و هي الكلمة ألي قالها لي عمي أول ما علمته الخبر و كلم الوالد

يقول: أبوك وعدني يبحث لك الكفؤ

وهو للأسف أخبر بأخوه مني لكن ما أقول ألا الله يسخر لنا أمورنا و لا يحدنا لأحد من خلقه

0

__________________

أخوي الكبيــر شكرا لإستجابتك لطلبي

هو موظف حكومي ، أما كونه مقتدر لمسؤوليات منزل فلا أعرف

مسألة فرق العمر و التعليم بدأت أرضى بها

أما موضوع أني ما أطلع عن شور أبوي والله هذا ألي أبيه لكن مو معقوله أجلس طول عمري كذا

انا قررت أصبر كذا سنه لأني للحين صغيرة لكن أن هو ما رضى بأحد نهائيا راح يكون لي تصرف ثاني أقوى

و سأستمر على نصائحكم لي الله يرضى عليك

حبييبتي عبير..

هوني عليك.. اعلم انه كلام مؤلم من ابيك لكنه يظل اباك.. وثقي ان الذين تقدموا ورفضهم ابيك ولك رزق

في احدهم لعاد وطرق بابك من جديد..

ارى ان تتوكلي على الله ولاتطلبي في الرجل الا حال مستور وخلق ودين..وثقي ان الله سيعطيك الاكثر

لربما ساعدته ان يكمل دراسته الجامعية بعد الزواج وحتى الماجستير.. فكل امرأة تصنع افضل الرجال..


الدين والاخلاق اولا ثم لانعلم ان كان الله سيجعل في الامر امور..

ر بي ييسر امرك ويصلح حالك واكثري من قراءة القران الكريم والاستغفار والصدقة

وان شاء الله تبشرينا عنك

أختك

حائزة

__________________

هلا حائزة الأمل

ما قاهرني ألا أنه أبوي و يسوي كذا

الله يكتب ألي فيه الخير

و دعواتك يالغالية

عبير الرياض
اخيتي أسأل الله العظيم رب العرش الكريم ان يرزقك الزوج الصالح الطيب الحنون اللي يرفعك فوق راسه من كثر ماهو يحبك
أسأل الله ان يهدي والدك ويجعله يستخدم رأيه الطيب لك


بقول لك قصه لولد عمتي عمره 20 يدرس في الجامعه وهو لم يسبق له الزواج تقدم لوحده متزوجه قبله 3مرات هل تسمعين 3 مرات واكبر منه عمرها 33 فاظفر بذات الدين تربت يداك احنا سمعنا الخبر وماصدقنا حتى يوم ملكته ابويا وعمامي راحو لان والده متوفي وهو اول واحد منالاولاد يتزوج فقال عمه اخو ابوه انصحوا ولد اختكم اخذ وحده اكبر منه ومطلقه 3 مرات طيب وش المشكله الى متى هذا التخلف في الناس وكنت ماني مصدقه هذا الكلام الى ان زارتني قبل 3شهور تتهنيني بولادتي وجلست تحكي لي عن حياتها السابقه وكيف تطلقت وكيف تقدم لها ولد عمتي تقول كان يجي لامي يقولها يخاله ابغا بنتك تقول ياولدي تعال انت وامك ويسير خير عمتي ما كانت راضيه انه يأخذها ماشاء الله لو تشوفين قد ايش عمتي متعلقه فزوجة ولدها هذا وعياله مع انه جلس سنتين ما انجبوا بعدين جابت ولد وبعده بنت وهذا الولد الوسطاني لعمتي اكبر واحد فيهم تزوج بعد 3سنوات من زواج اخيه

معليش طولت عليك وربي يفرج لك همك يارب

هلا حبوبة زوجها

سبحان الله

من جد الزواج قسمة و نصيب

و السعادة مو مقتصرة على قوانين معينه


الله يرزقنا مافيه الخير لنا

أنا متأكدة ياعبيـر إنه والدك يحبك أكثر مما تتخيلين ويخاف يفتح عيونه بيوم ومايلقاك قدام عيونه

وبعيدة عن بيته لذلك تشوفينه يعذرب بالرجال رغم إنه في قرارة نفسه متأكد من صلاحهم

قصتك مثل قصة قريبة لي أبوها يحبهـا بشكل جنوني ومش بس هي كل خواتها وإخوانها

لدرجة إنه ماينام الليل لو فكر إنه أحد متقدم لبنته وإنه بنته إحتمال كبير توافق عليه

والبنت مسكينة لاحول ولا قوة لها إلا بالله ماتقدر توقف بوجه أبوها في كل مره لأنها

تشوفه وش كثر يتعب ويشيل هم

أكيد بأن هذا الشي مش طبيعي أبداً

يمكن لوالد قريبتي سبب إنه طوّل ماجاه عيال وكان ضحية بين أمه وأبوه أيام طفولته .

ماأدري عن ظروف والدك لكن أتوقع هو قريب من حكاية هذا الأب المسكين

وبرأيي إنك ماتحتدين معه بالكلام وتصيرين بموقف قدامه وكأنه ند لك

أنا متأكدة بأنك ماتقصدين لكن التجارب اللي مرت عليك تخليك تتوترين أكثر وتتضايقين من والدك

وخاصة بعد ماكلمتِ عمك ملاحظة إنها حازّه بخاطره إلى الآن ..

دائمـــاً إذا جلستي معه قوليله أتمنى يرزقني ربي رجل مثلك بطيبتك وبحكمتك وبحنانك

أتمنى واحد قريب من تعاملك معنا ومن خوفك علينا وإهتمامك فينا

قوليله إذا ربي رزقني رجل مثلك بقرّبه لك وبقربه لبيتنا وبخليه أخو لأخواني وبخليه يعاملك مثل والده

حسسيه إنك ماراح تبعدين عنه وإنك تحبين قربه ومعجبك كل شي بحياته وبتربيته لكم

إضغطي على نفسك ياعبير في التعامل معه أعطي والدك الأمان والراحة .

لو كنتِ مثلاً موظفة وبيستفيد منك كان الوضع تغير معك

وشي طبيعي بيكون متمسك فيك ويمنعك بعدة طرق من الزواج

لكن مثل حالتك واضح إنه مايبي إلا قربك ووجودك تحت رعايته .

الله يوفقك ياعبير وييسر أمرك ويدلك على الخير وين ماكان .

غالــيه

صادقه والله صايرة ما أتحمل أي شيء لأني بديت أحس أنه ماهمه حياتي

هو مشتغل تخريب و بس .. هذي وظيفته

ما أظن حب يا غالية لأنه لو يحبني ماسوى كذا وهو يدري زين وش أبي

الله يكتب ألي فيه الخير و يصلحه يارب

ودعواتك يالغالية