1/ يكتب البيت بسمي ( هههههههه ) ...
2/ يفهمني من غير ما اتكلم ..
3/ يطرشلي مسجات ..
4/ ياخذني معاه في سفراته ( الله يرده بالسلامة ) ...
5/ ما يفكر في وحدة غيري ..
6/ ينفذلي طلباتي كلها ..
7/ يقول لي حبيبتي جدام أمي وابوي ( ولا في الأحلام ) ..
8/ يخصص يوم في الاسبوع لنا أنا وعياله حتى لو ما نطلع من البيت ..
9/ يتذكر يوم زواجنا ..

__________________

الصراحة أول مرة أعرف أن الزوجة تحب أن زوجها يناديها حبيبتي قدام أبوها وأمها .. طيب عندي سؤال .. هل الزوجة تحب يقول لها زوجها حبيبتي قدام (أخوانها) .. ولاتحس أن مالها داعي .. ؟

لا بصراحة احراج ..
يمكن في داخلنا نتمنى هالشي ..
لكن وقت الجد .. أستحي ..
أنا زوجي حتى سلام باليد مايسلم علي قدام أهلي وأهله ..
بس أنا أمد يدي وأحرجه ..

السلام عليكم
تدري أنه هاي الموقف صادفني في بداية الزواج طبعاً ما كانت مقصودة من زوجي قدام أخوي صج كان حراج بس كان شعور ما يوصف

__________________

شكرا ً على الردود ، أتمنى التفاعل أكثر مع الموضوع .. أمنيات البنات في هذا الموضوع ، وأمنيات الشباب في الموضوع المعاكس .. عشان تحصل الفائدة للطرفين .

أبغي أول شي مايفوت فرض جماعة، أبغي يجيد اللغة الانجليزية ويعرف للتكنولوجيا زين، ابغي قد المسؤولية
ويعرف يضبط أموره وحده بدون استشارات من أخوانه!! ابغيه بيتوتي يحب جلسة البيت(حلم بعيد المنال)
أبغيه يقوم بالواجب بدون تذكير من نفسه يقول بدق على أبوي اليوم!! (عمرها ماصارت)
بس اعتقد اني متواضعه

ههههه قمت ارد نيابة عن صاحب الموضوع ..على العموم اهم شئ الفائدة ..
طلبات الاخت تتناقض ؟!
كيف تريده انسان متعلم ومجيد اللغة الانجليزية والتكنولوجيا وتريده بيتووتي
ماتجتمع...الا اذا كانت الاخت عالمة وسيتعلم زوجها منها فهذا شئ اخر ..
طلب الاحت ا مثل ذالك الرجل الذي يتمنى ان تكون زوجتة مثقفة وتواصل دراستها العلمية لكي تتميز ثم يطالبها بعدم الخروج في البيت ..وبغسل الملابس وتنظيف البيت على اكمل وجه ..وتتفرغ له
ارجو ان يكون المقصد اتضح

1. اريده يكون على خلق ودين وملتزم ويخاف ربه

2. يكون قوي الشخصيه وليه كلمه وراي

3. يدلعني بحركات الحب ويطلعني ويسفرني

4. لما امرض يكون جنبي يسألني شو أريد وشو ما أريد ويهتم فيه

5. اريده بين فتره وفتره يسويلي مفاجآت ويذكرني بالمناسبات الحلوه مثل يوم زواجنا

6. متعلم ومثقف وفاهم في امور الدنيا

7. يحترم اهلي ويحبهم ويسويلهم سالفه ويزورهم

8. ما اريده يكون مهمل وعديم المسؤوليه اكره هذي الصفه

9. يحب النظافه ويهتم في نفسه ويتعدل ويكشخ ويتعطر ويدخن

10. ابه ياخذني في حضنه يوم اننام عشان دايما انكون قريبين من بعض

11. اذا كان في الشغل اريده يتصل يطمن علي واذا راجع من بره يتصل يسألني اذا محتاجه شي

12. يسويلي مساج بين فتره وفتره

13. يعطيني قبله قبل ما يطلع من البيت

14. يطرشلي مسجات حب وغرام يوم يكون بعيد عني

15. يدلعني ويتغزل فيه

يا ليت بس تتحقق كامله

معليش تدخلت ..بس يالبيت نكون واقعيين شوي حتى ماننصدم ...
منهو اللي في المواصفات هذي ..ماعرف كذا بصراحة !!
ولكن برضه هل انت فيك المواصفات التالية :
الجمال والحسن
والادب
والعلم
والاخلاق
والنسب
والمال .
لما تتمنى تمنى شئ معقول..
مثلا تتمنين واحد ملتزم وخير وطيب ....................كذا تمام وممكن يحترمك ولا يكون رومانسي ..
قولي مثلا وسيم ورمانسي ...................لكن تحملي كثرة من يمدحونه من البنات من القريبات
قولي مثلا رجل وشخصية وله كلمة عند الرجاجيل .................ولكن صارم دون ان يظلمك ..لكن تواجهين فيه الناس ..وتفتحرين ..

ياناس ابعدو شوي عن الخيالات ..الا اذا كنت :
الأجمل عند الناس..
بنت ملوك ..الخخخخخخخ

اتمنى ان الصورة قد اتضحت..

يا اخي الموضوع "هكذا اريد ان يكون زوجي" يعني الاشياء اللي انا ذكرتها اتمنى انها اتكون في زوجي ونا عارفه ان مستحيل هاذي الصفات كلها اتكون فيه بس هذي مجرد امنيات يعني انا اتمنى هذي الاشياء بس ليس كل ما يتمناه المرء يدركه وبعدين الاشياء اللي انا ذكرتها بسيطه وممكن انها تتواجد في اي شخص وين الصعوبه ما طلبت قصر ولا طلبت ملايين مجرد اشيا بسيطه كل زوجه تتمنى ان يكون في زوجها