اشكر جميع الاخوات اللي شاركوني مشكلتي ... وابشركم ان المشكله انحلت ...
بعد مامنعني ارروح لاهلي انا سكت وماناقشته وقعدت بالصاله على المغرب طلع من غرفته وقال هاه متى بتروحين لاهلك ؟؟؟
قلتله بعدالعشاء ... انا مارضيت اعاند عشان حرام بنتي نفسها تروح ... المهم كنت لابسه ورحنا وفي الطريق كنت ساكته بس هو وانا هناك كل شوي يتصل يقول اي سالفه ساعه يسال عن العشا او يقول متى بترجعون وزي كذا ... المهم لما جا ياخذنا سالني ممكن اعرف انتي ليه زعلانه ؟؟؟ قلت موانا اللي زعلانه انت اللي قعدت من النوم مبوز وكانه العالم انقلب وزعلت حتى ماتبي تاكل ... قال لانك قهرتيني امس انا موضع شك عشرتنا 6 سنين وتشكين فيني ليه؟؟
المهم قلتله ماهو شك قد ماهو انتقاد لتصرف ماعجبني وموراضيه عنه ... يعني اذا حبيت انتقد شي كذا تزعل مومعقول وله رايك اني اطنش واسكت كني هبله ...المهم انه صمم على رايه وانه موغلطان واني انا اللي كبرتها .... بعدين قال الله يهديكي بس .
رجعنا البيت رحت غرفتي ببدل وجني يضحك ويبتسم انا ساعتها ضحكت وماحبيت اكبر الموضوع لاني اعرف ان الرجال مايجي بالعناد ... بعدين قلتله وانا امزح يعني وش دعوة مايحق لي اغار عليك ؟؟؟
والحمدلله طاح الحطب وانتهى الموضوع ...
بس انا ماابي احط بذمتي على الشغاله وهي ماسوت شي عشان كذا بستمر على مراقبتي الاوليه من تحت لتحت بدون ماتحس ... ومشكورين جميعا على كل ارائكم...

غلطانه كأني اتخيل زوجك انه مبسوط ومن خدمتك له وحبه لك ولا كان ما جا وجلس معك في المطبخ وبعدين في تصرفات تصدر احيانا من الزوج تكون عفوية وغيرة الزوجة تفسرها شي ثاني.
انصجك راضي زوجك وابعدي عنك الوساوس

اختي كان من المفترض ان لا تكلمي زوجك بهذا الموضوع
واليك اختي هذا الحل
اولا يجب ان تعتذري لزوجك لانة ربما يميل الى الشغاله اذا استمر الزعل بينكم
ثانيا يجب مراعاه اختيار شغاله محترمة ويجب ان لاتقابل زوجك لانه رجل اجنبي
وقد قال رسولنا الكريم صلى الله عليه وسلم
لا يخلو رجل بامراه الا كان الشيطان ثالثهما
ارجو لك التوفيق في حياتك الزوجية

الحمد لله الذي بنعمه تتم الصالحات

الله يديم الالفه والمحبه بينكم



نسخه للمشاكل المحلوله و يغلق

__________________
اللهم احفظ اخي و ارفع عنه..و اكشف ضره..و اعده الينا سالماً معافى..عاجلاً غير آجل..

و احفظ اهل بيتي من كل سوء...

يا حي يا قيوم برحمتك استغيث..
حسبي الله و نعم الوكيل..
لا تنسونا من الدعاء..