ماشاء الله تبارك الله

عائلتكم يااختي الكريمة عائلة رائعة ومتماسكة وتتشارك في امور الحياة ..
وقليل جداً العائلات التي بهذه الصفة ..وهذه نعمة من الله عز وجل ..

ولكن الشيطان لن يدعكم بحالكم ابداً ..
وسيحاول ان يدخل عليكم من جميع المداخل حتى لوكان موضوعاً بسيطاً مثل هذا ..

وحتى تسدي مدخل الشيطان الرجيم قومي انتي بدفع مبلغ البنزين (لاسيما وان اخيك لايستخدم السيارة) ثم اتفقي معهم بهدوء على وضع الانترنت واخبريهم برغبتك في تأسيس خط خاص بك تتحملين انت تكاليفه او ان تجعلون الاشتراك بينكم للإنترنت على هيئة بطاقات مسبوقة الدفع ولكل واحد منكم يوزر خاص به ..

المشكلة بسيطة بإذن الله تعالى فلا تحزني كل هذا الحزن
دمت بخير

معليش اختي انتي بنت ولازم تهدئ الامور



ادفعي للاشتراك


وللبنزين


وجيبي لاامك هديه بمناسبة السياره الجديده

ولاتدققي كثير بالامور وكوني خير سند لوالدتك

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

رأيي من رأي تالأخت فيافي
وكذلك لا تنسي ان اولى الناس بمساعدتك أهلك احتسبي الاجر من الله سبحانه ولا تدعي للشيطان مدخلا
والنفقه على الأهل أجر ها كبير
عَنْ أَبِي هُرَيْرَةَ قَالَ

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ

دِينَارٌ أَنْفَقْتَهُ فِي سَبِيلِ اللَّهِ

وَدِينَارٌ أَنْفَقْتَهُ فِي رَقَبَةٍ

وَدِينَارٌ تَصَدَّقْتَ بِهِ عَلَى مِسْكِينٍ

وَدِينَارٌ أَنْفَقْتَهُ عَلَى أَهْلِكَ أَعْظَمُهَا أَجْرًا الَّذِي أَنْفَقْتَهُ عَلَى أَهْلِكَ

رواه مسلم

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

إخواني جزاكم الله خير على مشاركتي في الوصول لحل المشكله

أختي أم علي
مشكوره يا غاليه على مساندتي ولكن معلومه بسيطه السيارة بالأساس بتكون لي بس لو يحتاجون أي شي بعد بعطيهم السيارة بس اول شي مشاويري انا

إختي عناديه
تسلمين على الصراحه وانا بعد عارفه هالشي ترى يبان من المعامله بس عادي عندي لأني تعودت ودامها بعد تعاملني زين ما عندي مشكله

اختي سمسومه ماشاء الله عليك فعلاً ان كيدهن عظيم تصدقين ما خطر في بالي هالشي فكره حلوه بس ما اقدر اطبقها حالياً لأنه الليسن توني مطلعتنه واخاف الصراحه اخلي كميه قليله من البنزين في السيارة اقوم انا أسوقها بعدين توقف علي في نص الطريق وابتلش فيها وييييييي مصيبه ما اتخيل عمري ههههههه تسلمين حبوبه

groohonley هلا يالغاليه تصدقين افكارنا متقاربه انا بعد افكر اني اوقف صرف على النت مشكوره عزيزتي على المشاركه

هلا والله اختي شيهانه عزيزتي السيارة الأولى كانت للوالده الله يحفظها وهي كانت تدفع البنزين وقبل لا تخترب السيارة بفترة بسيطه طلعت الليسن وقلت بشتري سيارة جديده حقي ويوم اختربت قالو خلاص دلع بتشتري سيارة وبتقضي لنا مشاوير البيت!!!؟؟؟؟ مع ملاحظة صغيرة هم كلهم عارفين إنه اولوية استخدام السيارة والمشاوير لي انا بعدين حقهم بس لا تنسي اختي اني تكلمت عن النت بعد انا معترضه ليش ادفع قيمه نص الاشتراك بالنت على الرغم من عدم استخدامي وهم الآن لا يريدون ان يشاركوني في نصف البنزين على الرغم من اني سوف اقضي مشاويرهم

هلا اطياف الرياض فعلاً هذا اللي قاعد يدور في راسي الحينه وان شاء الله بكلمهم في هالموضوع وبشوف شوف ردة فعلهم مع انه بعد احس موبكافي ترى اشتراك النت ثابت بس البنزين تعرفين يختلف حسب الاستخدام

__________________

أخوي أبو فراس النمري
جزاك الله خير على الإطراء على عائلتي وتبسيط الموضوع كذلك وفعلاً سوف اقوم بهذه الخطوه واريح راسي من كل هذا الأمر حتى لا اخفيك سراً أرى ان هذا الرفض اتي لصالحي ربما بما ان اخي رفض مشاركتي في البنزين فهذا يعني عدم الزامي بالخروج لقضاء حاجياتهم خصيصاً

فيافي نجد ما شاء الله عليكي مسالمه ولا بعد هديه هههه جزاج الله خير على الروح الطيبه بس الصراحه احس انهم بهالطريقه يستغلوني ليش يعني يريدون ان يأخذو فقط دون ان يعطو ؟؟؟ على كل حال ان شاء الله هالموضوع ما راح يأثر وايد علينا وشكلي بتوصل لاتفاق معهم بخبركم فيه

هلا والله نايت تعرفين إني احبك في الله احسك انسانه طيبه وحبوه ودايماً مبادره في ابداء الحلول وتصدقين انه إجابتك يوم قريت ان النفقه على الأهل اعظمهم اجراً لم يعد يهمني موضوع البنزين فعلاً وسأقوم بخطوة ما ان نجحت كان بها وان لم تنجح كذلك فلن اتضايق وسأتكفل بالمصاريف بعد ردك الجميل ( أحب دائماً ان أجد الردود المقنعه التي تكون مدعمه بالأحاديث والآيات الكريمه)

جزاااااااااااااااكم الله جميعاً خيراً على مشاركتكم اللتي بحق ساعدتني كثيراً في ترتيب افكاري وسأخبركم ان شاء الله قريباً ألى ما توصلنا إليه

__________________

راي سديد وموفق 100 % ان شاء الله..

وعن موووضووع الامهااات والاخوووانن يوووه ياختي ابدا لا تسأليييين !!

الله يعين الجميع ..ويهدي امهاااتنا .. اللهم زد مقدار مودتنا في قلووب امهااتنا حتى تطغى على موودتهن لاولاادهن ..

السلام عليكم

أختي

عبي السيارة بنزين فـــــــل

و اللي بيأخذ السيارة يرجعها فل بنزين مو ناقصة شئ



اعرف المشكلة مو في البنزين و لافي الفلوس اللي بتدفعيها

ممكن بتفضيل الام لأخوانك



لكن اللي بقوله

هذا شئ طبيعي وفطرة بأي أم الله خلقها

مو معناته انها ما تحب بناتها لا هيا احرص الناس عليهن و بناتها احب الناس لها

بس الشيطان دايم يحاول يجلب المشاكل


هذا لايعني انك ما تطالبي بحقوقك === بس اعذريها

و ان شاء الله لما تصيري ام تحسي بنفس الشي

ربي يوفقكم ويحفظ لكم اسرتكم

فعلا انا مقتنعة بالحل دا جدا جدا

إخواني شكراً لكم جميعاً على تعاونكم معي في حل المشكله وابشركم بأنه قد تم التوصل الى اتفاق بأن يقوم اخي بدفع تكاليف النت وانا ادفع البنزين وعلى فكره يا إخوان ماحد فهمني بالضبط ليش كتبت هالموضوع غير اختي صدى صمتي جزاها الله خير المشكله نعم تكمن في تفكيري هل ما افكر به انا الحق ام هم تصرفهم على حق ليس اكثر فالمال كما اخبرتكم في السابق مبلغ زهيد وليس بذلك المبلغ ولكن ما اردت معرفته هل انا محقه في مطلبي بمشاركتي بالدفع ام لا ؟؟ لأني في الحقيقه شعرت من نظراتهم بأن طلبي مستهجن

__________________

يمكن المشكله حلت والحمدلله... لكن انا عندي مداخله ..

اول شي يمكن امك في صف اخوكي من باب ان الرجل عنده مسؤلية الزواج والبيت والزوجه وراه يجمع للعرس يعني .. فتبي تخليه يوفر ...
وفي سبب ثاني انا اشوفه جوهر الموضوع واتمنى ماتزعلي مني ..
النت عام للجميع في البيت ... يعني متى مابغيتي انتي او غيرك فتحتوه ... واكبر دليل انك تستخدميه تواجدك معنا والله لايحرمنا منك ... مومهم قدر استخدامك له باهمية السماح لك انك باي وقت تدخلين لانه يعتبر ملكيه عامه... ولو انك ماتستخديه فكما ذكرتي ان اخوك اللي يدرس يستخدمه يعني دفعك ومشاركتك في مصاريف النت هو مساعده للاهل مولاخوكي الكبير بوجه التحديد .. لان اخوكي الصغير مايشتغل ..



اما السيارة فهي ملكيه خاصه لكي انتي ... يعني لواخوكي بيستخدمها لازم وحتما يستأذن منك وبيدك توافقي او ترفضي.. وبماانها ملكك الخاص فانتي المسؤوله الوحيده عنها ...
ممكن تطلبي من اللي يستخدمها ان يفولها بنزين قبل لايجيبها... اما المشاركه الشهريه .. احس واسمحيلي انها مومن حقك ... كماان مومن حقهم استخدامها بدون اذنك .

اتمنى ماتكوني زعلتي ... وهذا رايي والله يوفقك ...
واتمنى انك ماتقطعي مساعدتك لااهل لان في ذلك اجر عظيم الله لايحرمك منه .